10-Jan-2021

ବଲାଙ୍ଗୀର,(ପ୍ରେରଣା ଖବର)- ଆଜି ଭାରତୀୟ ଜନତା ପାର୍ଟି ମହିଳା ମୋର୍ଚ୍ଚା ତରଫରୁ ବିଧାନସଭା ସ୍ତରୀୟ ଏକ କାର୍ଯ୍ୟକ୍ରମ ସ୍ଥାନୀୟ ପାଟଣେଶ୍ୱରୀ ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ହୋଇଥିଲା । କିଛି ଦିନ ତଳେ ନୟାଗଡର ଯଦୁପୁର ରେ ଘଟି ଯାଇଥିବା ବୁହଚର୍ଚ୍ଚିତ ନାବାଳିକା ପରୀ ହତ୍ୟା ମାମଲାକୁ ନେଇ ଏଠାରେ ଗଭୀର ଉଦ୍‌ବେଗ ପ୍ରକାଶ କରାଯିବା ସହ ନାବାଳିକା ପରୀର ସ୍ମୃତିରେ ଏକ ଦୀପ ପ୍ରଜ୍ୱଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ପରୀ ମାମଲାର ତଦନ୍ତ ତୁରନ୍ତ ସିବିଆଇ କୁ ହସ୍ତାନ୍ତର କରିବା ଏବଂ ଏହି କାଣ୍ଡରେ ସଂପୃକ୍ତ କୃଷି ମନ୍ତ୍ରୀ ଅରୁଣ ସାହୁଙ୍କୁ ତୁରନ୍ତ ମନ୍ତ୍ରୀମଣ୍ଡଳରୁ ବହିସ୍କାର କରିବା ପାଇଁ ମହିଳା ମୋର୍ଚ୍ଚା ତରଫରୁ ଦାବି  କରାଯାଇଥିଲା । କାର୍ଯ୍ୟକ୍ରମରେ ଜିଲ୍ଲା ସାଭାପତି ଶିବାଜୀ ମହାନ୍ତି, ବଲାଙ୍ଗୀର ସାଂସଦ ସଙ୍ଗୀତା କୁମାରୀ ସିଂଦେଓ, ଅନନ୍ତ କୁମାର ଦାସ, ନାରୀ ନେତ୍ରୀ ପଙ୍କଜିନୀ ପଣ୍ଡା, ଆରତି ଗୁରୁ, ରଶ୍ମୀ ଦାନୀ, ରଶ୍ମୀ ଆଚାର୍ଯ୍ୟ, ବାସନ୍ତୀ ଜେନା, ବନଶ୍ରୀ ଆଚାର୍ଯ୍ୟ, ସରିତା ଯୋଷୀ, ଅନୂସୟା ବେଚ୍‌, ଫିରୋଜ ବିବି, କଲ୍ୟାଣୀ ଆଡବାଙ୍କ, ଜୀନା ସାହୁ, ପ୍ରମିଳା ମୁଗ୍ରୀ, ସୌଦାମିନୀ ମିଶ୍ର, ସଂଜୁ ମିଶ୍ର, ପୀତାମ୍ବର ଖମାରୀ, ଚିତ୍ତ ମିଶ୍ର, ସୁନୀଲ ମିଶ୍ର, ସୁନୀଲ ସେଠ, ଉଗ୍ରସେନ ପାତ୍ର, ଗଣେଶ ବାଗ, ବାସୁ ସିଂହ, ଗୁଣନିଧି ପଟେଲ ପ୍ରମୁଖ ଏହି କାର୍ଯ୍ୟକ୍ରମରେ ସକ୍ରିୟ ସହଯୋଗ କରିଥିଲେ ।