22-Dec-2024

(ମନୋରଞ୍ଜନ ତ୍ରିପାଠୀ )
ବୀରମହାରାଜପୁର ବ୍ଲକର ମେଳନ ପଡିଆରେ ସୁବର୍ଣ୍ଣପୁର ଜିଲ୍ଲାର ଅଗ୍ରଣୀ ସାଂସ୍କୃତିକ ଅନୁଷ୍ଠାନ ପଏଁରୀ ପକ୍ଷରୁ ବ୍ଲକ ସ୍ତରୀୟ ପଏଁରୀ ତିହାର ସୁନ୍ଦର ଭାବରେ ରେ ପାଳନ କରାଯାଇଛି । ଚମ୍ପାମାଳ ଗ୍ରାମପଞ୍ଚାୟତ ର ସରପଞ୍ଚ ମହେନ୍ଦ୍ର ଜଗଦଲା ଙ୍କ ସଭାପତିତ୍ୱରେ  ସଭା ଅନୁଷ୍ଠିତ ହୋଇଥିଲା। ଗାଁ ଗାଁ ରେ ଲୁକି ଯାଉଥିବା ଲୋକକଳା ଓ କଳାକାର ମାନଙ୍କୁ ଲୋକଲୋଚନକୁ ଆଣିବା ଏବଂ ସେମାନଙ୍କୁ ପଏଁରୀ ତିହାର (ପାରମ୍ପରିକ ଲୋକନୃତ୍ୟ ଓ ସଂଗୀତ ଉତ୍ସବ) ମଂଚରେ ସ୍ଥାନ ଦେଇ ତାଙ୍କର କଳା ପରିବେଷଣ କରି ସମ୍ମାନ କରିବା ହେଉଛି ଏହି ତିହାର ଲକ୍ଷ୍ୟ ଓ ଉଦ୍ଦେଶ୍ୟ ବୋଲି ଅନୁଷ୍ଠାନର ସଂପାଦକ ତଥା ଲୋକକଳା ଗବେଷକ, ନୃତ୍ୟ ନିର୍ଦ୍ଦେଶକ ଶ୍ରୀ ଚୌଧୁରୀ ବିଭାର ସୂଚନା ପ୍ରଦାନ କରିଥିଲେ । ଏହି ସଭାରେ ମୁଖ୍ୟ ଅତିଥି ଶ୍ରୀ ନାରାୟଣ ଲୁହା ଉପାଧ୍ୟକ୍ଷ, ବ୍ଲକ କଳା ସଂସ୍କୃତି ସଂଘ ର ଉପ ସଭାପତି ଶ୍ରୀ ରାମକୃଷ୍ଣ ହୋତା, ଲୁଟୁରପଙ୍କ ସରପଞ୍ଚ ଶ୍ରୀ ସୂର୍ଯ୍ୟ ନାରାୟଣ ନନ୍ଦ, ଶ୍ରୀ ବତ୍ସ ମଲ୍ଲିକ, ଉପଦେଷ୍ଟା, ପୀତବାସ ଶତପଥୀ,କଳାକାର ପରୀକ୍ଷିତ ପଧାନ, ଦଣ୍ଡ କଳାକାର, ଶ୍ରୀ ସରଜୁ ସାହୁ, ପାଲା କଳାକାର, ଅନୁଷ୍ଠାନ ର ସଭାପତି ଶ୍ରୀ ଲଡୁକିଶୋର ମଲ୍ଲିକ, ଉପ ସଭାପତି ଶ୍ରୀ ପ୍ରଫୁଲ୍ଲ ନାଏକ, ସହ-ସଂପାଦକ ପୃଥିରାଜ ବାଗ । ଅନୁଷ୍ଠାନର ତରଫରୁ ଶ୍ରୀ ରାମକୃଷ୍ଣ ହୋତାଙ୍କୁ ଙ୍କୁ “ପଏଁରି କଳା ସମ୍ମାନ”ରେ ସମ୍ମାନିତ କରାଯାଇଥିଲା ବେଳେ ପରୀକ୍ଷିତ ପଧାନ ଓ ସରଜୁ କୁମାର ସାହୁ ଙ୍କୁ ସମର୍ଦ୍ଧିତ କରାଯାଇଥିଲା l ଏହି ତିହାରରେ ବ୍ଲକ ର ଶତାଧିକ କଳାକାର ସାମିଲ ହେଇ ଲୁକି ଯାଇଥିବା କଳା ଶୋଳ ସୁଆଙ୍ଗ ଦଣ୍ଡ ନୃତ୍ୟ , ସଂଚାର,  କରମସାନି, ପ୍ରଭା ନୃତ୍ୟ, ନଚନିଆଁ, ଶବର ଶବରନି, ପତର ସଉରା, ଝୁମେର, ରାସରକେଳି, କୀର୍ତ୍ତନ ନୃତ୍ୟ ଆଦି ସୁନ୍ଦର ଭାବରେ ପରିବେଷଣ କରିଥିଲେ । ଶେଷରେ ଉପ ସଭାପତି ପ୍ରଫୁଲ୍ଲ କୁମାର ନାଏକ ଅର୍ପଣ କରିଥିଲେ । ଅନୁଷ୍ଠାନ ର ଚିନ୍ମୟ କୁମାର ସାହୁ, ଶରତ ପଧାନ, ଗୋପାଳ ବେହେରା, ଅଶୋକ କୁମାର ସାହୁ, ଗୋକୁଳ ମାଝୀ, ଜଗନ୍ନାଥ ତଣ୍ଡିଆ,ଭୂଷଣ ଦେହୁରୀ, ବୈରାଗୀ ବାଘ ଆଦି ସହଯୋଗ କରିଥିଲେ l ତିହାରରେ ଶତାଧିକ ଦର୍ଶକ ଉପସ୍ଥିତ ରହି କଳାକାର ମାନଙ୍କୁ  ଉତ୍ସାହିତ କରିଥିଲେ ଏବଂ ଭରପୁର ମଜା ନେଇଥିଲେ