22-Dec-2024

ସିନାପାଲି  (ଚିନ୍ତାମଣି ନେତାମ )
 ନୂଆପଡା ଜିଲ୍ଲା ସିନାପାଲି ବ୍ଲକ ରାଣିମୁଣ୍ଡା ଗ୍ରାମର ଗିରିଗୋବର୍ଦ୍ଧନ ପୂଜା ମଣ୍ଡପ ପରିସରରେ  ନୂଆପଡା ଜିଲ୍ଲା ଯାଦବ ସମାଜର କାର୍ଯ୍ୟକାରିଣୀ ବୈଠକ ଜିଲ୍ଲା ସଭାପତି ଶ୍ରୀଯୁକ୍ତ ଭରତ ଲାଲ ରାଉତଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ସିନାପାଲି ବ୍ଲକ ଯାଦବ ସମାଜର ପ୍ରଯୋଜନାରେ ଆୟୋଜିତ ଏହି ଜିଲ୍ଲା ସ୍ତରୀୟ ବୈଠକରେ ମୁଖ୍ୟଅତିଥି ଭାବରେ ଉତ୍କଳ ଯାଦବ ମହାସଭାର ମହା ସଚିବ ଶ୍ରୀଯୁକ୍ତ ଲମ୍ବୋଦର ନିଆଲ, ବିଶିଷ୍ଟଅତିଥି ଭାବରେ  ପୂର୍ବତନ ଜିଲ୍ଲା ସଭାପତି ଶ୍ରୀଯୁକ୍ତ ହରେରାମ କଠାର, ମୁଖ୍ୟବକ୍ତା ଭାବରେ ଶିକ୍ଷାବିତ ଶ୍ରୀଯୁକ୍ତ ପ୍ରେମସିନ୍ଧୁ ହେର୍ଣ୍ଣା  ଏବଂ  ସମ୍ମାନିତ ଅତିଥି ଭାବରେ ରାଜ୍ୟ ଉପଦେଷ୍ଟା ଶ୍ରୀଯୁକ୍ତ ରାମଲାଲ ହଂସ, ଜିଲ୍ଲା ଉପଦେଷ୍ଟା ଶ୍ରୀଯୁକ୍ତ ଘନଶ୍ୟାମ କରୁଆଁ, ଶ୍ରୀ ଯୌବନ ସଲମା, ରାମଚନ୍ଦ୍ର କଟା, ମାଲଖମ ନାଗ, ଚଞ୍ଚଳ ସଗଡିଆ, ସତ୍ୟବ୍ରତ ଗହୀର, ସୁରେଶ ଚନ୍ଦ୍ର ବାଗ, ସିନାପାଲି ବ୍ଲକ ସଭାପତି ଲିଙ୍ଗରାଜ ଘିଭେଲା, ଯୁଧିଷ୍ଠିର ଶଗଡିଆ, ନିତ୍ୟାନନ୍ଦ କଟା, ଵିଷ୍ଟୁପତି ବାଗ, କୀର୍ତ୍ତନ୍ୟ ପୋଡ଼,ତାରାଚନ୍ଦ୍ର ଥପା ଲକ୍ଷପତି ଷଣ୍ଡ ପ୍ରମୁଖ ମଂଚାସୀନ ଥିଲେ । ଜିଲ୍ଲା ସାଧାରଣ ସମ୍ପାଦକ ତ୍ରିନାଥ ପୁଞ୍ଜି  ଅତିଥି ମାନଙ୍କୁ ମଞ୍ଚକୁ ଆମନ୍ତ୍ରଣ କରିବା ସହିତ ସ୍ୱାଗତ ଭାଷଣ ଦେଇଥିଲେ। ଅତିଥି ମାନଙ୍କ ଦ୍ୱାରା  ଜାତିର ଆରାଧ୍ୟ ଦେବତା ଶ୍ରୀକୃଷ୍ଣ ମହାପ୍ରଭୁଙ୍କ ପୂଜନ ପରେ କୁନି କୁନି ଝିଅମାନେ ପ୍ରାରମ୍ଭିକ ସଂଗୀତଗାନ କରିଥିଲେ  । ଅତିଥିଗଣ ଯାଦବ ସମାଜର ଶିକ୍ଷା, ସଂ ସ୍କାର, ସଂଗଠନ, ଏକତା ଓ ସଂହତି ତଥା ଅର୍ଥନୈତିକ ବିକାଶ ସହ  ଯୁବ ଓ 
ମହିଳା ଶାଖାଗଠନ  ତଥା,ସାମାଜିକ ନିୟମାବଳୀ ର  କିଛିଧାରାର ସଂଶୋଧନ ପ୍ରସଙ୍ଗରେ ବିଶଦ ଆଲୋଚନା କରିଥିଲେ ।୧୯୯୯ ମସିହାରେ  ନୂଆପଡା ଜିଲ୍ଲା ଯାଦବ ସମାଜର ପୁନର୍ଗଠନ ସହ ନୁଆ ସାମାଜିକ ନିୟମାବଳୀର ପ୍ରଚଳନ ହୋଇଥିଲା । ଏହାର ୨୫ ବର୍ଷ ପୂର୍ତ୍ତି ଉପଲକ୍ଷେ ରୋପ୍ୟଜୟନ୍ତୀ ପାଳନ ଓ ସ୍ମରଣିକା ପ୍ରକାଶନ ପ୍ରସ୍ତାବ ଗୃହୀତ ହୋଇଥିଲା । ଆଗାମୀ ୨୦୨୫ ମସିହା ମାର୍ଚ୍ଚ ମାସ ମଧ୍ୟରେ  ଜୟନ୍ତୀ ପାଳନ ପାଇଁ  ସ୍ଥିରକୃତ ହୋଇଥିଲା । ଶ୍ରୀଯୁକ୍ତ ଆଶୀର୍ବାଦ ବେହେରା  ତୃତୀୟଥର ପାଇଁ ଉତ୍କଳ ଯାଦବ ମହାସଭାର ସଭାପତି ଭାବରେ  ମନୋନୀତ ହୋଇଥିବାରୁ କଟକ ନିକଟର ୪୨ମୌଜା  ଗ୍ରାମର ଯଶୋଦା ଗାର୍ଡେନ  ପରିସରରେ ଆଗାମୀ ତାରିଖ  ୨୯/୧୨/୨୦୨୪  ରେ  ହେବାକୁ ଥିବା ରାଜ୍ୟସ୍ତରୀୟ  ସମ୍ମର୍ଦ୍ଧନା ସଭାରେ ୫ ଟି ବ୍ଲକର  ସମସ୍ତ କର୍ମକର୍ତା  ଯୋଗଦାନ କରିବେ ବୋଲି ଅନୁରୋଧ କରିଥିଲେ । ପରିଶେଷରେ ଯୁବସମାଜସେଵୀ ଶ୍ରୀ ଗଣେଷପୋଡ଼ ଅତିଥି ଗଣ ଙ୍କୁ ଧନ୍ୟବାଦ ଅର୍ପଣ କରିଥିଲେ । ଜିଲ୍ଲା ର ସମସ୍ତ ବ୍ଲକରୁ  ପ୍ରାୟ ୫୦୦ ଶହ ଯାଦବ ପ୍ରତିନିଧି ଓ  କର୍ମକର୍ତା ଉପସ୍ଥିତ ଥିଲେ । ସିନାପାଲି ବ୍ଲକ ସଭାପତି ଶ୍ରୀଯୁକ୍ତ ଲିଙ୍ଗରାଜ ଘିଭେଲା  ତଥା  ବ୍ଲକ ଓ ଆଞ୍ଚଳିକ କର୍ମକର୍ତା ମାନଙ୍କ ଦ୍ୱାରା  ଏହି ବୈଠକଟି ସଫଳ ଭାବରେ ଆୟୋଜିତ ହୋଇଥିଲା।