20-Nov-2024

ପାଟଣାଗଡ (ପୁର୍ଣ୍ଣ ଶଶୀ ଶେଖର ରାଓ)ବଲାଙ୍ଗୀର ଜିଲ୍ଲା ପାଟଣାଗଡ଼ ନିର୍ବାଚନମଣ୍ଡଳୀ ଖପ୍ରାଖୋଲ ବ୍ଲକ ଲାଠୋର ଥାନା ସାନଗୁଂଜିଭଟା ଗାଁ ମଳିପଡ଼ାରେ ଏକ ନବଜାତ ଶିଶୁକନ୍ୟାଙ୍କୁ ବିକ୍ରି କରିଥିବା ଯୋର ଚର୍ଚ୍ଚା ଚାଲିଛି । ଶିଶୁକନ୍ୟା ର ମା'ଙ୍କ କହିବା ଅନୁଯାୟୀ,  ତାଙ୍କର ଅଧିକ ଛୁଆ ଥିବାରୁ ଲାଳନପାଳନ କରିନପାରି ଅଲଗା ଜଣଙ୍କୁ ଟେକି ଦେଇଥିବା କହିଛନ୍ତି କିନ୍ତୁ ଯାହାକୁ ଦେଇଛନ୍ତି ତାଙ୍କର ପରିଚୟ ଦେଉ ନାହାନ୍ତି ଶିଶୁକନ୍ୟା ଙ୍କ ମାଁ l ଏଇ ଘଟଣା ଯେବେ ଖବର କାଗଜ ଓ ଟିଭି ଚେନାଲ ର ଶିରୋନାମା ପାଲିଟିଛି ସେଇ ସମୟରେ ଉକ୍ତ ଗାଁକୁ ପରିବାରକୁ ଭେଟିବାକୁ ପାଟଣାଗଡ଼ ବିଧାୟକ ତଥା ଉପମୁଖ୍ୟମନ୍ତ୍ରୀ କନକବର୍ଦ୍ଧନ ସିଂଦେଓ ପହଞ୍ଚିଥିଲେ । ସେହି ସମୟରେ ପୁରା ଘଟଣା ଜାଣିଲା ପରେ ଘଟଣା ରେ ଏ.ଏନ୍.ଏମ୍ ଦିଦି ସମ୍ପୃକ୍ତ ଥିବା ସୂଚନା ମିଳିଥିଲା ।ଉପସ୍ଥିତ ଉପଜିଲ୍ଲାପାଳ, ଉପଖଣ୍ଡ ପୋଲିସ ଅଧିକାରୀଙ୍କୁ ଉପ ମୁଖ୍ୟମନ୍ତ୍ରୀ ଘଟଣାର ତଦନ୍ତ କାରି କାର୍ଯ୍ୟାନୁଷ୍ଠାନ ନେବାକୁ ନିର୍ଦେଶ ଦେଇଥିଲେ  କିନ୍ତୁ ଏଠି ପ୍ରଶ୍ନ ଉଠୁଛି କାହିଁକି ଓ କେଉଁ ଉଦ୍ଦେଶ୍ୟରେ ମାଆ ଟି ତାର ଛୁଆକୁ ଅଲଗା ହାତରେ ଟେକି ଦେଲା ?  ଅର୍ଥ ଅଭାବରୁ କିଛି ଅର୍ଥ ଲାଳସାରେ ବିକ୍ରି କଲା ନା ତାର ଦରିଦ୍ରତା ତାଙ୍କୁ ଛୁଆ ଟାକୁ ଅଲଗା ହାତରେ ଟେକି ଦେବାକୁ ବାଧ୍ୟ କଲା ଏହା ସରକାର ପାଇଁ ଚିନ୍ତାର ବିଷୟ l ଅର୍ଥର ଅଭାବରୁ ମହିଳାଙ୍କ ପରିବାର ବାହାର ରାଜ୍ୟକୁ ଦାଦନ ଖଟିବାକୁ ଯାଇଥାନ୍ତି । ତାଙ୍କର ୬/୭ ଟି ଛୁଆ ହୋଇଥିବାରୁ ଲାଳନପାଳନ କଷ୍ଟଦାୟକ କଥା, ଏପଟେ ବିରୋଧୀ ଦଳ ନେତା ତଥା ବଲାଙ୍ଗୀର ବିଧାୟକ କଳିକେଶ ନାରାୟଣ ସିଂଦେଓ ଛୁଆ ବିକ୍ରି ନବୀନ ସରକାର ଅମଳରେ କେବେ ହୋଇନଥିଲା ଏବେ ହେବା ଚିନ୍ତାର ବିଷୟ ବୋଲି କହିଛନ୍ତି । କନ୍ଧମାଳ ଜିଲ୍ଲାରେ ଆମ୍ବଟାକୁଆ ଖାଇ ୩ ଜଣଙ୍କ ମୃତ୍ୟୁ ସହ ଆଉ କିଛି ଚିକିତ୍ସିତ ହେଉଥିବା ଚର୍ଚ୍ଚା ଓଡିଶା ରାଜନୀତିରେ ହଲଚଲ କରି ସରକାର ବିରୋଧରେ ଖୋରାକ ଯୋଗାଇଥିବା ବେଳେ ଶିଶୁବିକ୍ରି ଘଟଣା ଯାହାକି ଉପମୁଖ୍ୟମନ୍ତ୍ରୀଙ୍କ ନିର୍ବାଚନ ମଣ୍ଡଳୀରେ ଘଟିଛି ତାହା ବିରୋଧୀଙ୍କୁ ଆଗାମୀ ବିଧାନସଭାରେ ମୁଖ୍ୟ ପ୍ରସଙ୍ଗ ମିଳିବ ବୋଲି ଚର୍ଚ୍ଚା ହେଉଛି। କିନ୍ତୁ ବୁଦ୍ଧିଜୀବୀଙ୍କ ଚର୍ଚ୍ଚା ହିସାବରେ ବର୍ତମାନ ସରକାର ଶିଶୁ ବିକ୍ରି ଦାରିଦ୍ର୍ୟତାଙ୍କୁ ସୂଚାଉଛି ଓ ଏ ଉପରେ ଦୃଷ୍ଟି ଦେବାକୁ ଦାବି ହେଉଛି ।ଖପ୍ରାଖୋଲ ଅଞ୍ଚଳ ହେଉଛି ଏକ ଆଦିବାସୀ ଅଧ୍ୟୁଷିତ ଓ ଦାଦନପ୍ରବଣ ଅଞ୍ଚଳ l ଏଠି ମଣିଷ ପେଟ ପାଇଁ ଦାଦନ ଯାଆନ୍ତି । ଓଡିଶା ସରକାର ଦାଦନ ବନ୍ଦ ପାଇଁ ଏଠିକାର ବିଧାୟକ, ଉପମୁଖ୍ୟମନ୍ତ୍ରୀଙ୍କ ନେତୃତ୍ୱରେ ଟାସ୍କଫୋର୍ସ ଗଠନ କରିଛନ୍ତି କିନ୍ତୁ ତାଙ୍କ ନିର୍ବାଚନମଣ୍ଡଳୀରେ ଗରିବୀ ପାଇଁ ଦାଦନ ରୁ ମୁକ୍ତି ମିଳିନଥିଲା ବେଳେ ପ୍ରଥମ କରି ଦାରିଦ୍ର୍ୟତା ପାଇଁ ଶିଶୁ ବିକ୍ରି ସରକାରଙ୍କ ଅପାରଗତାକୁ ସୂଚାଉଥିବା ବିରୋଧୀ ଦାବି କରୁଛନ୍ତି ।