01-Nov-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବିଜେପୁର ଠାରେ ଅନୁଷ୍ଠିତ ମାଁ ଶ୍ୟାମାକାଳୀଙ୍କ ପୂଜା ମହୋତ୍ସବର ଦ୍ୱିତୀୟ ଦିବସରେ ବରଗଡ଼ ସ୍ଥିତ ପୁରୋହିତ ନର୍ସିଂ ହୋମର ପରିଚାଳକ ତଥା ଭାରତୀୟ ଜନତା ପାର୍ଟିର ପୂର୍ବତନ ରାଜ୍ୟ ସ୍ୱାସ୍ଥ୍ୟ ସଂଯୋଜକ, ବରିଷ୍ଠ ବିଜେପିର ତୁଙ୍ଗ ନେତା ଡ଼ା ରାମକୃଷ୍ଣ ପୁରୋହିତ ମାଁ ଶ୍ୟାମାକାଳୀ ପୂଜା କମିଟି ବିଜେପୁରଙ୍କ ନିମନ୍ତ୍ରଣ କ୍ରମେ ରାତ୍ର ୮ ଘଟିକା ସମୟରେ ପୂଜା ମଣ୍ଡପକୁ ଆସି ମାଁ ଙ୍କୁ ଦର୍ଶନ କରିବା ସହିତ ଆଶିଷ ଭିକ୍ଷା କରିଥିଲେ।

ଏହି ଅବସରରେ ଆଜି ସାନ୍ଧ୍ୟ ରଜନୀରେ ଦର୍ଶନଙ୍କ ମନୋରଞ୍ଜନ ପାଇଁ ଅନୁଷ୍ଠିତ ହେଉଥିବା ସ୍ୱପ୍ନାରାଣୀ ଯୋଶୀଙ୍କ ଅର୍କେଷ୍ଟ୍ରା ପ୍ରୋଗ୍ରାମର ମଞ୍ଚକୁ କମିଟିର ସଦସ୍ୟ ମାନେ ଡ଼ା ପୁରୋହିତଙ୍କୁ ପାଛୋଟି ନେଇ ପୂଜା କମିଟି ପକ୍ଷରୁ ଉପଢ଼ୌକନ ଦେଇ ସମ୍ବର୍ଦ୍ଧିତ କରିଥିଲେ।ପରେ ଡ଼ା.ପୁରୋହିତ ଆର୍ଟିଷ୍ଟ ସ୍ୱପାରାଣୀଙ୍କୁ ନିଜ ହସ୍ତରେ ଉପଢ଼ୌକନ ଦେଇ ସମ୍ବର୍ଦ୍ଧିତ କଲାପରେ ହିନ୍ଦୁ ଧର୍ମର ପରମ୍ପରା ତଥା ଆଧ୍ୟାତ୍ମିକ ଚିନ୍ତାଧାରା ଅନୁସାରେ ଅନୁଷ୍ଠିତ ସମସ୍ତ ପର୍ବପର୍ବାଣୀ ତଥା ମାଁ କାଳୀ ପୂଜାର ମହତ୍ୱ ସମ୍ପର୍କରେ ଉପସ୍ଥିତ ଦର୍ଶନଙ୍କୁ ସଂଵୋଧିତ କରିଥିଲେ। ଶେଷରେ ମାଁ ଶ୍ୟାମାକାଳୀ ପୂଜା କମିଟିର କର୍ମକର୍ତ୍ତା ତଥା ସମସ୍ତ ସଦସ୍ୟ ମାନଙ୍କ ନିଷ୍ଠାପର ଉଦ୍ୟମରେ ପୂଜା ମହୋତ୍ସବ ଶାନ୍ତି ଶୃଙ୍ଖଳା ଭାବେ ଅନୁଷ୍ଠିତ ହେଉଥିବାରୁ ତାଙ୍କ ଉଦ୍ୟମକୁ ସାଧୁବାଦ ଜଣାଇବା ସହ ହଜାର ହଜାର ଦର୍ଶକମାନଙ୍କ ସୁଖସମୃଦ୍ଧି କାମନା କରିଥିଲେ।