31-Oct-2024

ସମ୍ବଲପୁର ଜିଲ୍ଲା ନାକଟିଦେଉଳ ବ୍ଲକ  କିସିଣ୍ଡା ଉଚ୍ଚ ମାଧ୍ୟମିକ ବିଦ୍ୟାଳୟରେ ଯୁବ ରେଡ଼କ୍ରସ ପକ୍ଷରୁ ଅନୁଷ୍ଠାନ  ପରିସରରେ ଯୁବ ରେଡକ୍ରସ ପ୍ରବେଶ ଉତ୍ସବ ଏବଂ  ପ୍ରାଥମିକ  ସହାୟତା ତାଲିମ ଶିବର ଅନୁଷ୍ଠିତ ହୋଇଯାଇଛି। ଅନୁଷ୍ଠାନର ଅଧ୍ଯକ୍ଷା ସୁଶ୍ରୀତା ଭୋଇଙ୍କ ସଭାପତିତ୍ୱରେ  ଆୟୋଜିତ ଏହି ଶିବିରରେ ୟୁଥ  ରେଡ଼କ୍ରସ ସମ୍ବଲପୁର ଜିଲା ସଂଯୋଜକ  ତଥା ରେଢାଖୋଲ ଭୀମଭୋଇ ମହାବିଦ୍ୟାଳୟର ଅଧ୍ୟାପକ ଅଞ୍ଜନ କୁମାର ମିଶ୍ର ଯୋଗଦେଇ ରେଡ଼କ୍ରସର ଲକ୍ଷ୍ୟ ଏବଂ

ଉଦ୍ଦେଶ୍ୟ ସମ୍ପର୍କରେ ଆଲୋକପାତ କରିଥିଲେ। ମାଷ୍ଟର ଟ୍ରେନରଭାବେ ସୁବର୍ଣ୍ଣପୁର ଜିଲ୍ଲା ମା ଉମାଦେବୀ ଆଞ୍ଚଳିକ ଉଚ୍ଚ ମାଧ୍ୟମିକ ବିଦ୍ୟାଳୟର ଆଇଟି ଅଧ୍ୟାପକ ଉଦ୍ଧବ ପଧାନ ଯୋଗଦେଇ ପ୍ରାଥମିକ ସହାୟତା ସମ୍ପର୍କରେ ଛାତ୍ରୀଛାତ୍ରଙ୍କୁ ତାଲିମ ପ୍ରଦାନ କରି ଅନ୍ଧବିଶ୍ୱାସର ବସବର୍ତ୍ତୀ ନ ହୋଇ ଅନ୍ୟ ମାନଙ୍କୁ କିପରି ସଚେତନ କରିବେ ସେହି ଉପରେ ଯାଦୁ ପ୍ରଦର୍ଶନ କରି ସମସ୍ତଙ୍କୁ ଉତ୍ସାହିତ କରିଥିଲେ । କିସିଣ୍ଡା ଉଚ୍ଚ ମାଧ୍ୟମିକ ବିଦ୍ୟାଳୟ ୟୁଥ ରେଡ଼କ୍ରସ କାଉନସେଲର ତଥା ଶିକ୍ଷା ବିଭାଗ ଅଧ୍ୟାପିକା ସ୍ବାଗତିକା ମୁଦୁଲି ଏବଂ କ୍ରୀଡ଼ା ଶିକ୍ଷକ ସୁରେଶ ପାତ୍ର ଶିବିର ସଂଯୋଜନା କରିଥିବା ବେଳେ ଶିବିରରେ ୧୫୦ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ l ଶେଷରେ ଅଧ୍ୟାପକ କୌଶିକ ପ୍ରଧାନ ଧନ୍ୟବାଦ ଅର୍ପଣ କରିଥିଲେ।ଏହି କାର୍ଯ୍ୟକ୍ରମ ରେ କଲେଜର ସମସ୍ତ  କର୍ମଚାରୀ ସହଯୋଗ କରିଥିଲେ l