31-Oct-2024

ବରଗଡ଼:(ନିରଞ୍ଜନ ତ୍ରିପାଠୀ)- ବରଗଡ଼ ଉପକଣ୍ଠ ଖୁଣ୍ଟପାଲି ଠାରେ ଥିବା ବାବା ବାଲୁଙ୍କେଶ୍ୱର ମହାବିଦ୍ୟାଳୟର ଅଧ୍ୟକ୍ଷ ବାସୁଦେବ ସାହୁଙ୍କ ସଭାପତିତ୍ବରେ ବରଗଡ଼ ଇସ୍କନ ପକ୍ଷରୁ ଏକ ଆଧ୍ୟାତ୍ମିକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି !  ହରେକୃଷ୍ଣ ହରେରାମ ମହାମନ୍ତ୍ର ଦ୍ଵାରା ନିଜର ଏକାଗ୍ରତା ରହିବା ସଙ୍ଗେ ସଙ୍ଗେ ବୌଦ୍ଧିକ ବିକାଶ ଘଟିଥାଏ ଓ ଏଥିପାଇଁ ଛାତ୍ର ଛାତ୍ରୀ ମାନଙ୍କ ପାଇଁ ଏହା ଅତ୍ୟନ୍ତ ଜରୁରୀ ବୋଲି ପଶ୍ଚିମ ବଙ୍ଗର ମାୟାପୁରରୁ ଆସିଥିବା ଇସ୍କନ ପ୍ରଚାରକ ଆଚାର୍ଯ୍ୟ ଶ୍ରୀଦାମ‌ ଗୋବିନ୍ଦ ଦାଶ ଉଦବୋଧନ ଦେଇଥିଲେ ।ଏଥିରେ ମହାବିଦ୍ୟାଳୟର ଅଧ୍ୟାପକ ଦୁର୍ଲଭ ସାହୁ, ଆଚାର୍ଯ୍ୟ ଶ୍ରୀଦାମ ଗୋବିନ୍ଦ ଦାଶ ଇସ୍କନ ପ୍ରଚାରକ ସୁମଧୁର ଦାଶ,ଶୁକାନ୍ତ ଦାଶ, ଅଭିଜିତ ପ୍ରତିହାର, ଶୁଶାନ୍ତ ସାହୁ, ଗୀତାଞ୍ଜଳୀ ନାୟକ,ବଂଶୀ ବାଦକ ଅରବିନ୍ଦ ବିଶ୍ବାସ ଆଦି ଯୋଗଦେଇଥିଲେ ।