31-Oct-2024

ଅତାବିରା(ଆକାଶ ମିଶ୍ର): ଅତାବିରା
ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ ରେଙ୍ଗାଲିକ୍ୟାମ୍ପ କେନାଲ କଲୋନୀ ରେ ପ୍ରସିଦ୍ଧ ମାଁ  ଶ୍ୟାମାକାଳୀ ଙ୍କ ପୂଜା  ମହାଆଡମ୍ବରରେ ଅନୁଷ୍ଠିତ ହେଉଛି। ଏହି ଉପଲକ୍ଷେ ଆଜି କଳସ ଯାତ୍ରା ଅନୁଷ୍ଠିତ ହୋଇଯାଇଛି।  କଲୋନୀ ତଥା ଆଖପାଖ  ଗ୍ରାମର ଶତାଧିକ ମହିଳା ଓ ପୁରୁଷ ବିରାଟ କଳସ ଯାତ୍ରା ପାଇଁ ଶୋଭାଯାତ୍ରାରେ ବାହାରି ବାବେବୀରା ର ଅଭୟ ନୃସିଂହ ସମ୍ପ୍ରଦା କଳାପରିଷଦ, ରେମତା ର ମାଁ ମଙ୍ଗଳା ଘଣ୍ଟାବlଦ୍ୟ ସହ ବିଶାଳ ଶୋଭାଯାତ୍ରା  କେନାଲ କୁ ଯାଇଥିଲେ। ସେଠାରେ ମନ୍ତ୍ର ପୂଜା ଆଦି ସହ ଜଳକୁ ସୁଦ୍ଧା କରାଯାଇ ମନ୍ତ୍ରିତ ଜଳ ପୂର୍ଣ୍ଣ କଳସ ଧରି ପୂଜା ମଣ୍ଡପ ନିକଟରେ ପହଞ୍ଚିଥିଲେ। ଏହାପରେ ମା’ଙ୍କ ନିକଟରେ ପାରମ୍ପରିକ ରୀତିନୀତି ଅନୁସାରେ ପୂଜାର୍ଚ୍ଚନା ଆରମ୍ଭ ହୋଇଥିଲା।ତିନି ଦିନ ଧରି ମା’ଙ୍କ ପୂଜାର୍ଚ୍ଚନା ହେବ ବୋଲି ପରିଚାଳନା କମିଟି ପକ୍ଷରୁ କୁହାଯାଇଛି। ପୂଜାରେ  କର୍ତ୍ତା ରୂପେ  ଦିବ୍ୟକିଶୋର କୁଅଁର  ଓ  ପତ୍ନୀ ଦୀପାଞ୍ଜଳୀ କୁଅଁର ଦାୟିତ୍ଵ ତୁଲାଇ ଥିବା ବେଳେ  ଅଚ୍ୟୁତାନନ୍ଦ ଶତପଥୀ  ଓ ସାଥୀ ପଣ୍ଡିତ ରୂପେ ପୂଜା ଦାୟିତ୍ଵ ତୁଲାଉଛନ୍ତି। ତିନି ଦିନ ଧରି ହେବାକୁ ଥିବା ଏହି ପୂଜା ର ପ୍ରଥମ ଦିବସରେ  ଆଜି କଳସ ସ୍ଥାପନା ପରେ  ଷୋଡଶ ପୂଜା ସହ ମାଁ ଙ୍କୁ ଆବାହନ କରାଯାଇଥିଲା । ସନ୍ଧ୍ୟାରେ  ସାଂସ୍କୃତିକ କାର୍ଯ୍ୟକ୍ରମରେ  କୀର୍ତ୍ତନ ଧାରା ହୋଇଥିଲା ।
ବର୍ଷକରେ ଥରେ ଏହି ପୂଜା ପାଇଁ ରେଙ୍ଗାଲିକ୍ୟାମ୍ପ ଛକ ରଙ୍ଗୀନ ଆଲୋକ ମାଲାରେ ଝଲସି ଉଠୁଛି, ଯାହା ଏହି ପୂଜାକୁ ଦ୍ଵିଗୁଣିତ ଆକର୍ଷଣୀୟ ପ୍ରଦାନ କରୁଛି। ମନ୍ଦିରରେ ମାଁଙ୍କ ପୂଜା ହେବା ବ୍ୟତୀତ ମାଟିରେ ମଧ୍ୟ ମାଁ  ଙ୍କ ବିଗ୍ରହ ତିଆରି କରାଯାଇ ପ୍ରାଣ ପ୍ରତିଷ୍ଠା କରାଯାଇଥାଏ।ଏଥିପାଇଁ ମନ୍ଦିର ପାର୍ଶ୍ଵରେ ସ୍ବତନ୍ତ୍ର ମେଢ଼ ତିଆରି କରାଯାଇଛି।ଏହି କାଳୀପୂଜାରେ ଜିଲ୍ଲା ବାହାରୁ ଶହଶହ ବ୍ୟବସାୟୀଙ୍କ ଆଗମନ

ହୁଏ। ଚାଲୁଣି ଛୁଞ୍ଚିଠାରୁ ଆରମ୍ଭ କରି ଘରକରଣା ଜିନିଷ ସବୁକିଛି ମିଳେ ପୂଜାରେ। ଏହି ପୂଜାରେ ଅତ୍ୟାଧୁନିକ ତଥ୍ୟ ବ୍ୟବହାର କରି ନିର୍ମାଣ କରାଯାଇଥିବା କଳା କୁଞ୍ଜ କାଳୀପୂଜାର ଅନ୍ୟତମ ଆକର୍ଷଣ। ଏଥିପାଇଁ ଜିଲା ତଥା ରାଜ୍ୟ ବାହାରୁ କାରିଗର ଆସିଥାନ୍ତି ମୂର୍ତ୍ତି ନିର୍ମାଣ  କରିଥାନ୍ତି। ଏହା ସହ ଛୋଟବଡ଼ ବ୍ୟବସାୟୀ, ମୀନାବଜାର, ରାମଦୋଳି ଓ ଦୋକାନ ବଜାର ବଢ଼ିବାରେ ଲାଗିଛି।