31-Oct-2024

ନୂଆପଡା ଜିଲ୍ଲା ଅଧିନସ୍ଥ କୋମନା ବ୍ଲକ ଅନ୍ତର୍ଗତ ଜୟ କିଶନ ଉଚ୍ଚ ମାଧ୍ୟମିକ ବିଦ୍ୟାଳୟ ଲଖନା, ଖରିଆର ବ୍ଲକ ଅନ୍ତର୍ଗତ ଡୁଆଝର ଉଚ୍ଚ ମାଧ୍ୟମିକ ବିଦ୍ୟାଳୟ ଏବଂ ସିନାପାଲି ବ୍ଲକ ଅନ୍ତର୍ଗତ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ପୋର୍ଟିପଡା ରେ କାର୍ଯ୍ୟରତ ଥିବା ଅତିଥି ଅଧ୍ୟାପକ ମାନଙ୍କୁ ପାଞ୍ଚ ମାସ ହେଲା ସେମାନଙ୍କୁ ଏ ପର୍ଯ୍ୟନ୍ତ ଦରମା ମିଳି ନାହିଁ ଯଦ୍ୱାରା ଅଧ୍ୟାପକ ମାନେ ନିଜର ଗୁଜୁରାଣ ମେଣ୍ଟାଇବା ବା ପରିବାର ପରିପୋଷଣ କରିବା ସେମାନଙ୍କ ପକ୍ଷେ କାଠିକର ପାଠ ହୋଇ ଯାଇଛି. ସେମାନେ ବିଦ୍ୟାଳୟ ର ସମସ୍ତ ଛାତ୍ର ଛାତ୍ରୀ ମାନଙ୍କୁ ଠିକ ସମୟରେ ବିଦ୍ୟାଳୟକୁ ଆସି ନିଜର ପାଠ୍ୟ ଖସଡ଼ା ଅନୁଯାୟୀ ଶିକ୍ଷାଦାନ କରୁଛନ୍ତି ତତସଙ୍ଗେ ସଙ୍ଗେ ବିଦ୍ୟାଳୟର ଅନ୍ୟାନ୍ୟ କାର୍ଯ୍ୟ କଳାପ ମଧ୍ୟ ସେମାନେ ସୁଚାରୁ ରୂପେ ସମ୍ପାଦନ କରୁଛନ୍ତି. ତଥାପି ଓଡିଶା ସରକାର ସେମାନଙ୍କୁ ଦେଖି ଜାଣିଶୁଣି ନ ଦେଖିଲା ଭଳି ଅଭିନୟ କରୁଛନ୍ତି. ଯାହା ଫଳରେ ଅଧ୍ୟାପକ ମାନେ ନିଜର ଦୈନନ୍ଦିନ ଗୁଜୁରାଣ ମେଣ୍ଟାଇବା ପାଇଁ ମଧ୍ୟ ଅକ୍ଷମ ହୋଇ ଗଲେଣି. ସେମାନେ ଜିଲ୍ଲା ଶିକ୍ଷା ଅଧିକାରୀ କାର୍ଯ୍ୟାଳୟ କୁ ବାରମ୍ବାର ଗଲେ ମଧ୍ୟ ସେମାନଙ୍କୁ ମିଥ୍ୟା ପ୍ରତିଶୃତି ବ୍ୟତୀତ ଆଉ କିଛି ମିଳୁ ନାହିଁ. ଗତ ଓଡ଼ିଶାର ଗଣପର୍ବ ନୁଆଁଖାଇ, ଦଶହରା ରେ ମଧ୍ୟ ସେମାନେ ଦରମା ନ ପାଇ ଅଭାବ ଅନାଟନ ର ସହ ନିଜର ଜୀବନ ବିତେଇଛନ୍ତି ଅପର ପକ୍ଷରେ ସରକାରୀ କର୍ମଚାରୀ ମାନେ ଧୁମ ଧାମ ରେ ସେହି ପର୍ବ ମାନଙ୍କରେ ଆନନ୍ଦ ଉଲ୍ଲାସ ର ସହ ନିଜ ପରିବାର ସହ ପାଳନ କରି ଥିଲେ କିନ୍ତୁ ବେଶୀ ପରିତାପର ବିଷୟ ଏହି ପ୍ରକାର ଜଟିଳ ପରିସ୍ଥିତି ର ସମ୍ମୁଖୀନ ହୋଇ ମଧ୍ୟ ନିୟମିତ ଶିକ୍ଷକ,ନିୟମିତ ଅଧ୍ୟାପକ ମାନଙ୍କ ଭଳି ସେମାନେ ସବୁବେଳେ ନିଜ କର୍ତ୍ତବ୍ୟ ପାଳନ କରି ଆସୁଛନ୍ତି।ଏହି ପରି ପରିସ୍ଥିତିରେ ମଧ୍ୟ ଥାଇ ନିଜର କର୍ତ୍ତବ୍ୟରେ କେବେହେଲେ ଅବହେଳା କରି ନାହାନ୍ତି ପ୍ରତି ବଦଳରେ ସେମାନେ ଏ ପର୍ଯ୍ୟନ୍ତ ଧର୍ଯ୍ୟ ର ସହିତ କାର୍ଯ୍ୟ କରି ଆସୁଛନ୍ତି। ତେଣୁ ସେମାନେ ସରକାରଙ୍କୁ ବିନମ୍ର ଅନୁରୋଧ କରି ନିଜର ଦରମା ପ୍ରତି ଦୃଷ୍ଟି ଆକର୍ଷଣ କରିବା ପାଇଁ ଦାବୀ ଉପସ୍ଥାପନା କରିଛନ୍ତି। ଏବଂ ସେମାନେ ସରକାରଙ୍କ ସକାରାତ୍ମକ ଉତ୍ତର ପାଇଁ ଅପେକ୍ଷାରେ ରହିଛନ୍ତି।

ନୂଆପଡ଼ା ଜିଲ୍ଲାରୁ ବିଶି ଚନ୍ଦନ ମାଝୀ ଙ୍କ ରିପୋର୍ଟ ପ୍ରେରଣା ଖବର