31-Oct-2024

ବରଗଡ଼:(ନିରଞ୍ଜନ ତ୍ରିପାଠୀ)-ସରକାରୀ ଉଚ୍ଚ ବିଦ୍ୟାଳୟ ସାଲେପାଲି ଠାରେ ବରଗଡ଼ ଜିଲ୍ଲା ଅନ୍ତର୍ଗତ ସୋହେଲା ବ୍ଲକ ସ୍ତରୀୟ ସୁରଭି କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି ଏହି ଅବସରରେ ଗୋଷ୍ଠୀ ଶିକ୍ଷା ଅଧିକାରୀ ଅମୃତା ସାହୁଙ୍କ ସଭାପତିତ୍ବରେ ଅନୁଷ୍ଠିତ ଉଦଘାଟନୀ ଉତ୍ସବରେ ମୁଖ୍ଯ ଅତିଥି ଭାବେ ସୋହେଲା ବ୍ଲକ ଅଧ୍ୟକ୍ଷା ବବି ପଧାନ, ସମ୍ମାନୀତ ଅତିଥି ଭାବେ  ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଜ୍ଯୋତିକାନ୍ତ ସାହୁ, ଜିଲ୍ଲାପରିଷଦ ସଦସ୍ଯା ଜାଇଫୁଲ  ସିଂ ବରିହା,  ସରପଞ୍ଚ ଚୈତନ୍ୟ ବେହେରା, ସମିତି ସଭ୍ଯ ସୁବ୍ରତ ସିଂ, ଏବିଇଓ ମନୋହର ଉଟି, ଏବିଇଓ ମୋତିଲାଲ ନନ୍ଦ, ଅବସରପ୍ରାପ୍ତ ଏବିଇଓ ଗୋଲାପଚାନ୍ଦ ମିଶ୍ର, ବିଦ୍ୟାଳୟର ପରିଚାଳନା କମିଟିର ସଭାପତି ଚିନ୍ତାମଣୀ ପ୍ରଧାନ, ସି ଆର ସି ସି ଟିକେଶ୍ବର ପଧାନ ମଞ୍ଚାସୀନ ଥିଲେ ।
 ପ୍ରଧାନ ଶିକ୍ଷକ  ରୋହିତ ବାରିକ ସ୍ବାଗତ ଭାଷଣ ତଥା ଉଦ୍ଦେଶ୍ଯଜ୍ଞାପନ କରିଥିଲେ ଏବିଇଓ ମୋତିଲାଲ ନନ୍ଦ ଧନ୍ୟବାଦ ଅର୍ପଣ କରିଥିଲେ । ସଭାକାର୍ଯ୍ୟକୁ ସିଆରସିସି କେଦାରନାଥ ସାହୁ ସଂଯୋଜନା କରିଥିଲେ । ସ୍ଥାନୀୟ ବିଦ୍ୟାଳୟର ଛାତ୍ରୀମାନେ ସ୍ବାଗତ ସଂଗୀତ ଗାନ କରିଥିଲେ ।

ବ୍ଲକର ଷୋହଳ କ୍ଲଷ୍ଟରରୁ ବରିଷ୍ଠ ଓ କନିଷ୍ଠ ବିଭାଗରୁ ଛାତ୍ର ଛାତ୍ରୀ ମାନେ ବିଭିନ୍ନ ପ୍ରତିଯୋଗିତାରେ ଭାଗ ନେଇଥିଲେ । ଲୋକ କଳା ଆଧାରିତ ଦଳଗତ ନୃତ୍ଯ ଉପସ୍ଥିତ ଦର୍ଶକଙ୍କୁ ମନ୍ତ୍ରମୁଗ୍ଧ କରିଥିଲା। ସଂଧ୍ୟାରେ ବିଇଓ ଅମୃତା ସାହୁଙ୍କ ସଭାପତିତ୍ବରେ ଅନୁଷ୍ଠିତ ଉଦଯାପନୀ ଉତ୍ସବରେ ମୁଖ୍ଯ ଅତିଥି ଭାବେ ଭଟଲୀ ବିଧାୟକ ଇରାସିସ ଆଚାର୍ଯ୍ଯ ଯୋଗଦେଇ କୃତୀ ଛାତ୍ର ଛାତ୍ରୀଙ୍କୁ ପୁରସ୍କାର ପ୍ରଦାନ କରିଥିଲେ । ସମ୍ମାନୀତ ଅତିଥି ଭାବେ ବରଗଡ ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନର ଅଧ୍ୟକ୍ଷ ଡ.ରଜନୀକାନ୍ତ ଦାଶ, ଶିକ୍ଷକ ପ୍ରଶିକ୍ଷିକା ରୀମାରାଣୀ ଭୋଇ, ସୋହେଲା ସରକାରୀ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ନବୀନ କିଶୋର ନନ୍ଦ, ମଞ୍ଚାସୀନ ଥିଲେ । ଏବିଇଓ  ମନୋହର ଉଟୀ ବିବରଣୀ ପାଠ କରିଥିବା ବେଲେ ଶିକ୍ଷକ ସୁରେନ୍ଦ୍ର ମୋହନ ସାହୁ ଧନ୍ୟବାଦ ଅର୍ପଣ କରିଥିଲେ । ରାଜ୍ଯ ସରକାରଙ୍କ ନିପୁନ ଓଡ଼ିଶା କାର୍ଯ୍ୟକ୍ରମର ବ୍ଲକସ୍ତରୀୟ ଉଦଘାଟନ ସହ ପ୍ରତି କ୍ଳଷ୍ଟରର ଶ୍ରେଷ୍ଠ ଏଫ ଏଲ ଏନ ଶିକ୍ଷକ ଶିକ୍ଷୟିତ୍ରୀଙ୍କୁ ମାନପତ୍ର  ପ୍ରଦାନ କରା ଯାଇ ଥିଲା । ଏହି ଅବସରରେ ବିଦ୍ୟାଳୟକୁ ଭୂମିଦାନ କରିଥିବା ଗୌନ୍ତିଆ ପରିବାରର ପ୍ରମୋଦ ପାତ୍ର, ସୁରଭୀର ବିଷୟ  ଲୋକକଳା ଆଧାରରେ ମୂର୍ତ୍ତୀକାର ଗୋବିନ୍ଦ ମେହେର, ସଂକୀର୍ତ୍ତନ ଗୁରୁ କ୍ଷୀରେଶ୍ବର ପଟେଲ, ଏବଂ ଅବସରଗ୍ରହଣ କରିଥିବା ସୋହେଲା ସରକାରୀ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ନବୀନ କିଶୋର ନନ୍ଦ, ମରେଇକେଲ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ରବୀନ୍ଦ୍ର ନାଏକଙ୍କୁ ଅବସରକାଳୀନ ସମ୍ବର୍ଦ୍ଧନା ଦିଆଯାଇଥିଲା । କାର୍ଯ୍ୟକ୍ରମ ପରିଚାଳନାରେ ବ୍ଲକର ସମସ୍ତ ସି ଆର ସି ସି, ପ୍ରଧାନଶିକ୍ଷକ, ଶିକ୍ଷକ, ଶିକ୍ଷୟିତ୍ରୀଙ୍କ ସହ ପରିଚାଳନା କମିଟୀର ସଦସ୍ଯ, ଗ୍ରାମବାସୀ ସହଯୋଗ କରିଥିଲେ ।