30-Oct-2024

ସୋନପୁର- (ମନୋରଞ୍ଜନ ତ୍ରିପାଠୀ ) କଣ୍ଟାମାଳ ପୁଲିସ ଏକ ଗଞ୍ଜେଇ ଚୋରା ଚାଲାଣ କୁ ରୋକିବା ସହ ବ୍ୟାପକ ଗଞ୍ଜେଇ ଜବତ କରିଥିବା ଜଣା ପଡ଼ିଛି | ୭ କୁଇଣ୍ଟାଲ ୪୫ କେଜି ଗଂଜେଇ ପୋଲିସ ଜବତ କରିଥିବା ବେଳେ ଚାଲାଣକାରୀ ପୁଲିସ କୁ ଦେଖି ଘଟଣା ସ୍ଥଳରୁ ଫେରାର ମାରି ଥିବା ଜଣା ପଡିଛି | ସୂଚନା ମତେ କଣ୍ଟାମାଳ ଥାନା ଅଧିକାରୀ ବିଶ୍ୱସ୍ତ ସୂତ୍ରରୁ ଖବର ପାଇ କଣ୍ଟାମାଳ ଥାନା ଅନ୍ତର୍ଗତ ବିରାମୁଣ୍ଡା ଗ୍ରାମ ନିକଟସ୍ଥ ଜଙ୍ଗଲ ନିକଟରେ ଗଂଜେଇ ଚାଲାଣ ପାଇଁ ପ୍ରସ୍ତୁତି ଚାଲିଥିବା ବେଳେ କଣ୍ଟାମାଳ ପୁଲିସ ର ଏକ ଟିମ ଚଢ଼ାଉ କରି ବ୍ୟାପକ ଗଂଜେଇ ଜବତ କରିଥିବା ବେଳେ ଚାଲାଣକାରୀ ଘଟଣା ସ୍ଥଳରୁ ଫେରାର ମାରିଥିଲେ | କଣ୍ଟାମାଳ ଥାନା ଅଧିକାରୀ ଭାବାନନ୍ଦ ପ୍ରଧାନଙ୍କ ନେତୃତ୍ୱରେ ଏକ ଟିମ୍ ଉକ୍ତ ଜଙ୍ଗଲରେ ଚଢାଉ କରି ଗଞ୍ଜେଇ ଜବତ୍ କରି ଥାନାକୁ ଆଣିଥିଲେ | ଏ ସଂକ୍ରାନ୍ତରେ କଣ୍ଟାମାଳ ଥାନା ରେ  ୧୮୫/୨୦୨୪ ରେ ଏକ ମାମଲା ରୁଜୁ କରି ଅଧିକ ତଦନ୍ତ ଜାରି ଥିବା କଣ୍ଟାମାଳ ଥାନା ଅଧିକାରୀ ଭାବାନନ୍ଦ ପ୍ରଧାନ ସୂଚନା ଦେଇଛନ୍ତି l  ସେହିପରି ଅନ୍ୟ ଏକ ଘଟଣାରେ କଣ୍ଟାମାଳ ପୋଲିସ ପକ୍ଷରୁ ଏକ କାର ରୁ ବିପୁଳ ପରିମାଣ ର ଗଂଜେଇ ସହ କାର ମଧ୍ୟ ଜବତ କରିଛି I କୌଣସି ସୂତ୍ର ରୁ କଣ୍ଟାମାଳ ପୁଲିସ ଏକ ନାଲି ରଙ୍ଗ ର କାର ରେ ଗଂଜେଇ ଚାଲାଣ ଖବର ପାଇ କଣ୍ଟାମାଳ ତହସିଲ ଛକ ଠାରେ  ଉକ୍ତ ଗାଡି କୁ ଯାଞ୍ଜ ବେଳେ ଗାଡ଼ି ରୁ ୨୨କେଜି ଗଂଜେଇ ସହିତ ଗାଡି କୁ ମଧ୍ୟ ଜବତ କରି  ପୋଲିସ୍ ଅଧିକ ତଦନ୍ତ କରୁ ଥିବା କଣ୍ଟାମାଳ ପୋଲିସ ସୂଚନା ଦେଇଛନ୍ତି I