30-Oct-2024

ସମ୍ବଲପୁର/ଧନକଉଡା:(ନିରଞ୍ଜନ ତ୍ରିପାଠୀ)- ବିଦ୍ୟାଳୟ  ଶିକ୍ଷାରୁ ଦୂରଇ ଯାଇ ଥିବା ଜଣେ ଛାତ୍ର ପୁଣି ବିଦ୍ୟାଳୟଭିମୁଖି ହୋଇଛି। ଗୋବିନ୍ଦତଲା ନିବାସୀ ମଳୟ ଡାଲୁଆ ପାଠ ପଢିବା ପାଇଁ ଇଚ୍ଛା ଥିବା ସତ୍ୱେ ପାରିବାରିକ ସମସ୍ୟା ଯୋଗୁଁ ସପ୍ତମ ଶ୍ରେଣୀ ପରେ ଆଗକୁ ପଢି ନ ପାରି ଘରେ ରହି  ଯାଇଥିଲେ । ସ୍ଥାନୀୟ ପଡୋଶୀ ରଜନୀ ମହାନନ୍ଦଙ୍କ ଠାରୁ  ଖବର ପାଇ ଧନକଉଡା ବ୍ଲକ ବରିଷ୍ଠ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀମତୀ ସେବଶ୍ରୀ ଭୋଇ ସକାଳ ପ୍ରାୟ ଆଠ ଘଟିକାରେ ତାଙ୍କ ଘରେ ପହଞ୍ଚି ତାଙ୍କ ପିତା ମାତାଙ୍କୁ ବୁଝା ସୁଝା ପରେ ସରକାରୀ ଉଚ୍ଚ ବିଦ୍ୟାଳୟ କମିଶନର କଲୋନୀରେ ଅଷ୍ଟମ ଶ୍ରେଣୀରେ ନାମ ଲେଖାଇବାର ବ୍ୟବସ୍ଥା କରିଛନ୍ତି। ଏହି କାର୍ଯ୍ୟରେ ତାଙ୍କୁ ଶିକ୍ଷୟିତ୍ରୀ ରଚନା ସିଂ ଓ ସି ଆର ସି ସି ବେଞ୍ଜୁରାଣୀ ବେହେରା ସାହାଯ୍ୟ କରିଥିବା ଜଣାପଡିଛି ।