25-Oct-2024

ବଲାଙ୍ଗୀର:  ଆଜି ପଂଚାୟତ ଉଚ୍ଚ ବିଦ୍ୟାଳୟ, ବନ୍ଧପଡା ଠାରେ ବ୍ଲକସ୍ତରୀୟ ରଗବୀ  ଫୁଟବଲ ଚୟନ ଶିବିର ଅନୁଷ୍ଠିତ ହୋଇଯାଇଛି l ବିଦ୍ୟାଳୟର ପ୍ରଧାନଶିକ୍ଷକ  ଆନନ୍ଦ ବଡ଼ପଣ୍ଡାଙ୍କ ସଭାପତିତ୍ୱରେ ଅନୁଷ୍ଠିତ ଶିବିରରେ ଦଶପୁର ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ତପନ କୁମାର ସାହୁ ଓ ହରିବୋଲ ଦଣ୍ଡସେନା ସମ୍ମାନିତ ଅତିଥି, ବ୍ଲକ କ୍ରୀଡା ସମ୍ପାଦକ ସୁଶାନ୍ତ କୁମାର ନାଗ ତଥା ବିଦ୍ୟାଳୟର ଖେଳ ଶିକ୍ଷକ ପ୍ରବୀଣ

କୁମାର ପଣ୍ଡା ପ୍ରଭୃତି ମଂଚାସୀନ ଥିଲେ l ଏହି ଶିବିରରେ ପୁଇଁତଲା ବ୍ଲକ ଅନ୍ତର୍ଗତ ୬ ଟି ଉଚ୍ଚ ବିଦ୍ୟାଳୟରୁ ୩୬ଜଣ ଛାତ୍ର  ଅଂଶଗ୍ରହଣ କରିଥିବାବେଳେ ମନୋନୀତ ଛାତ୍ରମାନେ

ଜ଼ିଲ୍ଲାସ୍ତରୀୟ ପ୍ରତିଯୋଗିତl ତୁଷୁରା ଉଚ୍ଚ ବିଦ୍ୟାଳୟ, ତୁଷୁରା ଠାରେ ଅଂଶଗ୍ରହଣ କରିବେ ବୋଲି ସୂଚନା ଦିଆଯାଇଛି l ଏହି କାର୍ଯ୍ୟକ୍ରମକୁ ଖେଳ ଶିକ୍ଷକ ଚିତ୍ତରଞ୍ଜନ ସାହୁ, ଶୁଖିରାଜ ବିଶ୍ୱାଳ, ଲାଲବାହାଦୁର ବାରିକ, ପ୍ରଶାନ୍ତ ମିଶ୍ର, ସୁଦିପ ଦୀପ, ଟୁନା ପାତ୍ର  ସହଯୋଗ କରିଥିବାବେଳେ ଖେଳ ଶିକ୍ଷକ ପ୍ରଦ୍ୟୁମ୍ନ ରାଉତ ଧନ୍ୟବାଦ ଅର୍ପଣ କରିଥିଲେ l ବିଦ୍ୟାଳୟର ସମସ୍ତ କର୍ମଚାରୀ ତଥା ବ୍ଲକର ବିଭିନ୍ନ ବିଦ୍ୟାଳୟର ଖେଳ ଶିକ୍ଷକମାନେ ସହଯୋଗ କରିଥିଲେ l