24-Oct-2024

ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ବ୍ଲକର ଅଖିଳ ଭାରତ କୃଷକ ସଭାପକ୍ଷରୁ ବ୍ଲକ ସଭାପତି ସତ୍ୟ ନାରାୟଣ ମହାପାତ୍ରଙ୍କ ନେତୃତ୍ୱରେ ପୁରୁଷୋତ୍ତମପୁର କାଲି ମନ୍ଦିର ଛକ ଠାରୁ ପୁରୁଷୋତ୍ତମପୁର ବ୍ଲକ ଓ ଏନଏସି ଅଞ୍ଚଳରସର୍ବ ସାଧାରଣ ଲୋକମାନଙ୍କର ବିଭିନ୍ନ ଅସୁବିଧାକୁ ନେଇ କାଳୀ ମନ୍ଦିର 

ଛକଠାରୁ ବ୍ଲକ ମଧ୍ୟକୁ ଯାଇ ୧୬ ଦଫା ଦାବି ନେଇ ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ବ୍ଲକ ବିଡ଼ିଓ ମନୋଜ କୁମାର ନାୟକଙ୍କୁ ବାଦୀପତ୍ର ପ୍ରଦାନ କରିଥିଲେ l ଅଖିଳ ଭାରତ କୃଷକ ସଭାପକ୍ଷରୁ ୧୬ଗୋଟି ଦାବି ହେଲା ସମସ୍ତ ଫସଲର ସର୍ବନିମ୍ନ ସହାୟକ ମୂଲ୍ୟ ସି-୨+୫୦ ପ୍ରତିଶତ ପାଇଁ ଆଇନଗତ ଗ୍ୟାରେଣ୍ଟି ସହତ ସରକାରୀ ଭାବେ ସମସ୍ତ ଫସଲ ସଂଗ୍ରହକୁ ସୁନିଶ୍ଚିତ କରିବା ସହ ସମସ୍ତ ଚାଷୀଙ୍କୁ ଋଣ ଛାଡ଼ କରିବା, ଦରଦାମ ବୃଦ୍ଧିକୁ ବନ୍ଦ କରି ମୁନଫାଖୋର ବ୍ୟବସାୟୀଙ୍କ ବିରୋଧରେ କଠୋରଦଣ୍ଡ ବିଧାନ କରିବା, କୃଷି ସମତେ ଜମି ଅଧିଗ୍ରହଣ ପୂର୍ବରୁ ଗ୍ରାମ ସଭାରେ ପାରୀତ କରି କାର୍ଯ୍ୟକାରି କରିବା ଏବଂ ବିଦ୍ୟୁତ ସଂଶୋଧନ ବିଲ ୨୦୨୦କୁ ବାତିଲ କରି ଆଗୁଆ ବିଲ ପୌଠ ଉଦେଶ୍ୟରେ ସ୍ମାର୍ଟ ମିଟର ଯୋଜନାକୁ ସମ୍ପୂର୍ଣ ବନ୍ଦ କରିବା, ବିଜେପି ସରକାର ଆସିବା ପୂର୍ବରୁ ନିର୍ବାଚନ ପ୍ରତିଶୃତି ଦେଇଥିବା ୩୦୦ ୟୁନିଟ ବିଲ ଶୁକ୍ଳ ଛାଡ଼ କରିବା, କୃଷି କ୍ଷେତ୍ରରେ ବିଦ୍ୟୁତ ବିଲ ଛାଡ଼ କରିବା, ୧୮ ବର୍ଷରୁ ଉର୍ଦ୍ଧ ସମସ୍ତ ମହିଳାଙ୍କୁ ସୁଭଦ୍ରା ଯୋଜ ନାରେ ଅନ୍ତର୍ଭୁକ୍ତ କରିବା, ସମସ୍ତ ବୃଦ୍ଧାବୃଦ୍ଧ, ବିଧବା ମହିଳା ଓ ସମସ୍ତ ଭିନ୍ନକ୍ଷମ, ଅବିବାହିତ ଯୁବତୀ ଏବଂ ଛାଡ଼ପତ୍ର ମହିଳା ମାନଙ୍କୁ ପେନସେନଭୋଗୀଙ୍କୁ ୩ ହଜାର ଟଙ୍କା ଭତା ପ୍ରଦାନ କରିବା, ମନରେଖାଯୋଜନାକୁ ସମ୍ପ୍ରସାରଣ କରି କୃଷି କ୍ଷେତ୍ରରେ ସାମିଲ କରିବା, ୬୦ବର୍ଷରେ ପଦାର୍ପଣ କରିଥିବା ସମସ୍ତ କୃଷକ ମାନଙ୍କୁ ୧୦ ହଜାର ଟଙ୍କା ପେନସନ ପ୍ରଦାନ କରିବା,  ପଞ୍ଜିକରଣ କରିଥିବା ସମସ୍ତ ଚାଷୀଙ୍କୁ ଧାର୍ଯ୍ୟଲକ୍ଷ ବାହାରେ ବଳକା ଧାନ ସଂଗ୍ରହକୁ ସୁନିଶ୍ଚିତ କରି କୁଇଣ୍ଟାଲ ପିଛା କେନ୍ଦ୍ର ସରକାରଙ୍କ ଦ୍ୱାରା ନିର୍ଧାରିତ ୨୩୦୦ ଓ ରାଜ୍ୟ ସରକାର ଦେଉଥିବା ବୋନସ ୮୦୦=୩୧୦୦ ପ୍ରଦାନ କରିବା, ସମସ୍ତ ବ୍ଲକ ଅଫିସରେ ଅଭି ଯୋଗ ପ୍ରକୋଷ୍ଠଖୋଲିବା | ଆଛୁଳି ଛକ ଠାରୁ ତାରା ତାରିଣୀ ମନ୍ଦିରକୁ ଯିବାପାଇଁ ହାଣ୍ଡିଘର ଗ୍ରାମରେ ନୂତନ ବ୍ରିଜ ପ୍ରଯ୍ୟନ୍ତ ରାସ୍ତାର ସମ୍ପ୍ର ସାରଣ କରିବା, ପୁରୁଷୋ ତ୍ତମପୁର ବ୍ଲକ ଭାଟ୍ଟକୁମରଡ଼ା, ବଡ଼ ଖରିଡା, ପାଣ୍ଡିଆ, ପ୍ରତା ପୁର, ସମାର ମେଡିକାଲରେ ଖାଲିପଡ଼ିଥିବା ଡାକ୍ତର ପଦବୀକୁ ତୁରନ୍ତ

ପୂରଣ କରିବା ପାଇଁ ସରକାରଙ୍କ ଦୂଷ୍ଟି ଗୋଚର ନେବାପାଇଁ ପୁରୁଷୋତ୍ତମ ପୁର ବ୍ଲକ ବିଡ଼ିଓଙ୍କ ଜରିଆରେ ଦାବିପତ୍ର ପ୍ରଦାନ କରିଥିଲେ l ଏଥିରେ ଗଞ୍ଜାମ ଜିଲ୍ଲା ଅଖିଳ ଭାରତ କୃଷକ ସଭାର ସହସମ୍ପାଦକ ପ୍ରକାଶ ଚନ୍ଦ୍ର ବେହେରା,ଗଞ୍ଜାମ ଜିଲ୍ଲା  ସହସମ୍ପାଦକ ପ୍ରଦୀପ ସେଠି, ପ୍ରହଲ୍ଲାଦ ସ୍ୱାଇଁ, କିଶୋର ମହାପାତ୍ର, ଦଣ୍ଡପାଣି ପ୍ରଧାନ, କଂଗ୍ରେସ ବେହେରା ସମେତ ଶତାଧିକ ଚାଷୀମାନେ ଉପସ୍ଥିତ ଥିଲେ l