24-Oct-2024

ସମ୍ବଲପୁର:(ନିରଞ୍ଜନ ତ୍ରିପାଠୀ)- କିଛି ଦିନ ପୂର୍ବରୁ ଖବର କାଗଜ ରେ ସମ୍ବାଦ ପ୍ରକାଶିତ ହୋଇଥିଲା ଯେ ସମ୍ବଲପୁର ଜିଲ୍ଲା ରେ ଡ୍ରପ ଆଉଟ ସଂଖ୍ୟା ସର୍ବାଧିକ ଅଟେ। ଏହି ସମ୍ବାଦ ବ୍ୟତିଥ  କରିଥିଲା ଧନକଉଡ଼ା ବ୍ଲକ ର ବରିଷ୍ଠ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀମତୀ ସେବଶ୍ରୀ ଭୋଇ ଙ୍କୁ। ନିଜ ବ୍ଲକ ରେ ଡ୍ରପ ଆଉଟ ପିଲା ଙ୍କ ସଂଖ୍ୟା କମାଇବା ପାଇଁ ଆରମ୍ଭ କଲେ ଏକ ଅଭିଯାନ ' ଜ଼ିରୋ ଡ୍ରପ ଆଉଟ @ ଧନକଉଡ଼ା ଶିକ୍ଷା ବ୍ଲକ। ବ୍ଲକ ର ସମସ୍ତ ସି ଆର ସି ସି ଓ କିଛି ଉତ୍ସର୍ଗୀକୃତ ଶିକ୍ଷକ ଙ୍କୁ ନେଇ ଏକ ରୋଡ଼ ମ୍ୟାପ ପ୍ରସ୍ତୁତ କରାଗଲା। ପ୍ରଥମେ ପ୍ରତେକ କ୍ଲଷ୍ଟର ର ବିଦ୍ୟାଳୟ ରେ କେତେଜଣ ପିଲା ବିଦ୍ୟାଳୟ କୁ ପଢି ଆସୁନାହାନ୍ତି ସେ ମାନଙ୍କୁ ଚିନ୍ହଟ କରାଗଲା। ପିଲା ମାନଙ୍କୁ ତଥା ସେମାନଙ୍କର ପରିବାର ଜନ ଙ୍କୁ ପିଲା କୁ ବିଦ୍ୟାଳୟ କୁ ପଠାଇବାକୁ ପ୍ରବାର୍ତ୍ତାଇବା ପାଇଁ ନିଜେ ଶ୍ରୀମତୀ ଭୋଇ ମଙ୍ଗ ଧରିଲେ ଓ ସେ ପିଲା ମାନଙ୍କ ଘର କୁ ଗଲେ। ଆଜି ଆଶାପାଲି ଉ ପ୍ରା ବିଦ୍ୟାଳୟ ରେ ପଢ଼ୁଥିବା ତଥା ବହୁଦିନଧରି ବିଦ୍ୟାଳୟକୁ ପଢି ଆସୁ ନ ଥିବା ଅଷ୍ଟମ ଶ୍ରେଣୀ ର ନଈନା ମହାନନ୍ଦ, ଆରତୀ ତାଣ୍ଡି, ସପ୍ତମ ଶ୍ରେଣୀ ର ଗଣେଶ ମୁଣ୍ଡା, ପଞ୍ଚମ ଶ୍ରେଣୀ ର ପ୍ରତିମା ପ୍ରଧାନ, ଦେବ ବାଗ, ଚତୁର୍ଥ ଶ୍ରେଣୀ ର ରାଜ ବାଗ ତୃତୀୟ ଶ୍ରେଣୀ ର ରାଜ ପ୍ରଧାନ,ଓ ପ୍ରଥମ ଶ୍ରେଣୀ ର ଅଭ୍ୟନ୍ତା ପୁହାଣ ଙ୍କ ଘରକୁ ଯାଇ ତାଙ୍କ ପିତା ମାତା ଙ୍କୁ ପିଲା ମାନଙ୍କୁ ବିଦ୍ୟାଳୟ କୁ ପଠାଇବା ପାଇଁ ପ୍ରବର୍ତ୍ତେଇ ଥିଲେ। ତାଙ୍କୁ ବିଦ୍ୟାଳୟ ର ଶିକ୍ଷୟତ୍ରୀ ବିଦେଶିନୀ ରାଏ, ରୋଜି ତ୍ରିପାଠୀ ଓ ସି ଆର ସି ସି ବିରେଶ୍ୱର କର ସହାୟତା କରିଥିଲେ। ସେ ସମସ୍ତ ସି ଆର ସି ସି ମାନଙ୍କୁ ଯେଉଁ ପିଲା ମାନେ ପଢ ଆସୁ ନାହାନ୍ତି ସେମାନଙ୍କ ଘର କୁ ଯାଇ ତାଙ୍କ ପିତା ମାତା ଙ୍କୁ ଅନୁରୋଧ କରିବା ପାଇଁ ନିର୍ଦେଶ ଦେଇଛନ୍ତି। ଆସନ୍ତା ଦିନ ରେ ଏହି କାର୍ଯ୍ୟକ୍ରମ କୁ ଆହୁରି ବ୍ୟାପକ କରିବା ପାଇଁ ଶ୍ରୀମତୀ ଭୋଇ ସମସ୍ତ ପିତା ମାତା, ସି ଆର ସି ସି, ପ୍ରଧାନ ଶିକ୍ଷକ ଓ ଶିକ୍ଷକ, ଶିକ୍ଷୟିତ୍ରୀ ମାନଙ୍କର ସହାୟତା କାମନା କରିଛନ୍ତି।