21-Oct-2024

ବରଗଡ଼/ଗାଇସିଲେଟ:(ନିରଞ୍ଜନ ତ୍ରିପାଠୀ)- ବିଭିନ୍ନ ସମୟରେ ଚାଷୀ, ଶ୍ରମିକ ଓ ଜନ ସାଧାରଣଙ୍କ ପାଇଁ ସରକାର ଅନେକ ଯୋଜନାମାନ ପ୍ରଣୟନ କରିଥିଲେ ମଧ୍ୟ ଜନ ସାଧାରଣଙ୍କ ପାଖକୁ ଠିକ ଭାବରେ ପହଞ୍ଚି ପାରୁନାହିଁ । ଯୋଜନା ଗୁଡିକ ବାଟବଣା ହେଇଯାଉଛି l ଏହି ବିଷୟରେ କୃଷି ବିଭାଗ, ଉଦ୍ୟାନ ବିଭାଗ,ଜଳ ବିଭାଜିକା ବିଭାଗ,ମସ୍ୟ ବିଭାଗ, ପ୍ରାଣୀ ଚିକିତ୍ସା ବିଭାଗ, ଶିକ୍ଷା ବିଭାଗ, ଜଙ୍ଗଲ ବିଭାଗ, ଯୋଗାଣ ବିଭାଗ ଓ ପଞ୍ଚାୟତରାଜ ବିଭାଗ ଅଧିକାରୀ ମାନଙ୍କୁ  ନେଇ ଏକ ବୈଠକ କରିବା ପାଇଁ ପ୍ରସ୍ତାବ ଦେବା ସହ ଆଲୋଚନା କରାଯାଇଥିଲା l ଏହି ବୈଠକ ଦ୍ୱାରା ଜନସାଧାରଣ ଅନେକ ଯୋଜନା ବିଷୟରେ ଅବଗତ ହେବା ସହ ଲାଭ ପାଇପାରିବେ ବୋଲି ସଂଗଠନ ପକ୍ଷରୁ କୁହାଯାଇଛି l ରାଜବୋଡାସମ୍ବର କୃଷକ ସଂଗଠନ ଗାଇସିଲେଟ ବ୍ଲକର ସଭାପତି ଅରବିନ୍ଦ ପଣ୍ଡାଙ୍କ ନେତୃତ୍ୱ ସଂଗଠନ ତରଫରୁ ଗାଇସିଲେଟ ତହସିଲଦାର ଶ୍ରୀମାମ ମହାନନ୍ଦିଆଙ୍କୁ ଭେଟି ଏକ ଦାବୀ ପତ୍ର ପ୍ରଦାନ କରାଯାଇଛି l ଏହି ଦାବୀ ପତ୍ର ପ୍ରଦାନ ବେଳେ ସଂଗଠନର ଉପସଭାପତି ସରୋଜ ସାହୁ, ସମ୍ପାଦକ ଗଜପତି ସାହୁ, କୋଷାଧକ୍ଷ ଆନନ୍ଦ ପଧାନ, ମନୋଜ ଦାଶ, ବୀରେନ୍ଦ୍ର ସାହୁ ପ୍ରମୁଖ ଉପସ୍ଥିତ ଥିଲେ l