21-Oct-2024

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ବାବୁ ଫାସଡ଼ ପଞ୍ଚାୟତ ପରିସରରେ ଜନ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି l ଉକ୍ତ କାର୍ଯ୍ୟକ୍ରମ ରେ ବ୍ଲକ ଏ ବି ଡି ଓ  ରୁଦ୍ରପ୍ରସାଦ ସୁନା, ଆଗଲପୁର ଗୋଷ୍ଠୀ ସ୍ବାସ୍ଥ୍ୟ ବିଭାଗ ଅଧିକାରୀ ଡ. ଧୀରେନ୍ଦ୍ର ମେହେର, ବ୍ଲକ ଶିଶୁ ବିକାଶ ପ୍ରକଳ୍ପ ଅଧିକାରୀ ଶୁଭଶ୍ରୀ ମିଶ୍ର, ପ୍ରଭୃତି ଅଧିକାରୀ ମାନେ ଯୋଗଦେଇ ଲୋକଙ୍କ ଅଭିଯୋଗ ଶୁଣିଥିଲେ l ଗ୍ରାମ ପଞ୍ଚାୟତ ସରପଞ୍ଚ ଶ୍ରମତୀ ଜୟନ୍ତୀ ସେଠ ଓ  ଏ ଡି ଇ ଓ ସରୋଜ ସାହୁ ଙ୍କ ତତ୍ତ୍ଵାବଧାନରେ ଏହି ଶିବିର ଅନୁଷ୍ଠିତ ହୋଇଥିଲା l ଏଥିରେ 42 ଟି ପ୍ରଧାନମନ୍ତ୍ରୀ ଆବାସ ଗୃହ ନିର୍ମାଣ ସକାଶେ ବହୁ ସଂଖ୍ୟାରେ ଲୋକେ ଦରଖାସ୍ତ ଦେବାର ଦେଖିବାକୁ ମିଳିଥିଲା l ତା ସହିତ ଭତ୍ତା , ରାସ୍ତା ,  ନୂତନ ଯୋଗାଣ କାର୍ଡ , ଶିକ୍ଷା ,ସ୍ଵାସ୍ଥ୍ୟ , ତଥା ଅନ୍ୟାନ୍ୟ ପାଇ 38 ଟି ଆବେଦନ ଦରଖାସ୍ତ ପଞ୍ଜିକୃତ ହେବାର ଜଣାପଡିଛି l ଗ୍ରାମ ପଞ୍ଚାୟତରେ ପ୍ରଚାରପ୍ରସାର ଅଭାବ ରୁ ବହୁ ସଂଖ୍ୟାରେ ଅଭିଯୋଗକାରୀ ଆସି ନ ଥିବାର ମଧ୍ୟ ଦେଖିବାକୁ ମିଳିଥିଲା l ଗ୍ରାମ ପଞ୍ଚାୟତ ରେ ବାବୁପାଲି, ବରପଦର, ବାଞ୍ଜିପାଲି, ଘୁଚେପାଲି, ଲାଟସର, ଫାସଡ଼ ଏବଂ ଅନ୍ୟାନ୍ୟ ଗ୍ରାମ ଥାଇ ସୁଦ୍ଧା କମ ସଂଖ୍ୟାରେ ଲୋକ ଆସିଥିବାର ଦେଖିବାକୁ ମିଳିଥିଲା l ଯାହାକି ଅଭିଯୋଗ ଶୁଣାଣି 3 ଟା ସୁଦ୍ଧା ସମୟ ଥିଲେହେ 1 ଟା ମଧ୍ୟରେ ସୀମିତ ରହିଥିବା ଲୋକେ ଅଭିଯୋଗ କରିଛନ୍ତି l ଆଜିର କାର୍ଯ୍ୟକ୍ରମ ରେ ବ୍ଲକ ର ଜଳ ଓ ପରିମଳ ଅଧିକାରୀ ଦୁର୍ଗାପ୍ରସାଦ ମିଶ୍ର , ଗ୍ରାମ ପଞ୍ଚାୟତ ଅଧିକାରୀ ସୌଭାଗ୍ୟ ପଧାନ, ବି ଏସ ଏସ ଓ ସୁଶାନ୍ତ ମହାକୁର , ଯୋଗାଣ ବିଭାଗ ଙ୍କ ପ୍ରତିନିଧି , ମନରେଗା ଅଧିକାରୀ ଜଗତ ଜିତା ସେଠି, ମତ୍ସ୍ୟ ବିଭାଗ , ପଶୁ ବିଭାଗ ଓ ଗ୍ରାମ୍ୟ କୃଷି ଅଧିକାରୀ ଶ୍ରୀ ଅଶୋକ ସାହୁ ପ୍ରମୁଖ ଉପସ୍ଥିତ ଥିଲେ l

ପଞ୍ଚାୟତ ର ନାଏବ ସରପଞ୍ଚ ସରୋଜ ସାହୁ ,ଘଷିଆ ପଧାନ ଜଳନ୍ଧର ଖମାରୀ, ଲାଦୁ ଖମାରୀ ପ୍ରମୁଖ ଉକ୍ତ ଶିବିର ରେ ଉପସ୍ଥିତ ଥିଲେ l