21-Oct-2024

ଟିକାବାଲି(ରମେଶ ପଣ୍ଡା): ଟିକାବାଲି ନିକଟ  ଚକାପାଦ ବ୍ଲକ ବସ୍ତିଙ୍ଗିଆର ଲିପ୍ସା କହଁର ଓଡିଶା ପ୍ରଶାସନିକ ସେବାରେ ୬୬୩ ରେଙ୍କ ରଖି କନ୍ଧମାଳ ତଥା ଚକାପାଦ ବ୍ଳକ ବସ୍ତିଙ୍ଗିଆ ଅଞ୍ଚଳ ପାଇଁ ଗୌରବ ଆଣିଛନ୍ତି । ଲିପ୍ସା ବାଲିଗୁଡ଼ା ଉଚ୍ଚ ବିଦ୍ୟାଳୟରୁ ଉତୀର୍ଣ୍ଣ ହେବାପରେ  ରୟାଲ କଲେଜ ଅଫ ସାଇନ୍ସ ଏଣ୍ଡ ଟେକନଲୋଜିରେ +୨ ବିଜ୍ଞାନ ଏବଂ ଟ୍ରାଇଡେଣ୍ଟ କଲେଜରେ ଇଲେକ୍ଟ୍ରୋନିକ୍ସ ଏଣ୍ଡ ଟେଲି କମ୍ୟୁନିକେସନରେ ବିଟେକ କରିବା ପରେ  ଫୁଲବାଣୀ କପୋ୍ରେଟିବ ସୋସାଇଟିରେ ଇନସିପେକ୍ଟର ଭାବେ କାର୍ଯ୍ୟରତ ଥିଲେ। ଲିପ୍ସା ବିନା ପ୍ରଶିକ୍ଷଣ ରେ ନିଜେ ପରିଶ୍ରମ କରି ଆଜି ଏହି ସଫଳତା ପାଇଥିବା କହିଛନ୍ତି ।  ବାପା ଭୁଲେଶ୍ବର କହଁର  ଜିଲ୍ଲା ସମାଜ ମଙ୍ଗଳ ଅଧିକାରୀ ଭାବେ କରାପୁଟ ଏବଂ ନୟାଗଡ଼ ଜିଲାରେ କାର୍ଯ୍ୟ କରୁଥିଲେ, ବର୍ତମାନ ସେ ଅବସର ଗ୍ରହଣ କରି ଘରେ ରହିଥିବା ବେଳେ ମା ସୁକାନ୍ତି କହଁର ଜଣେ ଗୃହିଣୀ । ଲିପ୍ସା  ଓଡିଶା ପ୍ରଶାସନିକ ସେବା ପରୀକ୍ଷା ରେ ଉତୀର୍ଣ୍ଣ ହେଇଥ‌ିବା ଖବର ଶୁଣି ବସ୍ତିଙ୍ଗିଆ ଅଂଚଳରେ ଖୁସିର ଲହରୀ ଖେଳି ଯାଇଛି । ଲିପ୍ସା ଙ୍କୁ ବସ୍ତିଙ୍ଗିଆ ଅଞ୍ଚଳ ର ଲୋକେ ତଥା ଉନ୍ନୟନ ପରିଷଦର ସଭାପତି ବିମଳ କୁମାର ନାୟକ ଏବଂ ପାୱାର ସ୍ବେଛାସେବୀ ସଂଘଠନ ପରିବାର ପକ୍ଷରୁ ଶୁଭେଚ୍ଛା ଜ୍ଞାପନ କରାଯାଇଛି |