17-Oct-2024

ବଲାଙ୍ଗୀର(ପ୍ରେରଣା ଖବର): ଆଜି ଭୋର୍ ୫ ଟା ସମୟରେ ସମ୍ବଲପୁର ପଟୁ ଆସୁଥିବା ଏକ ୧୬ ଚକିଆ ବେଦାନ୍ତ କମ୍ପାନୀ ର ହାଇୱl ଟ୍ରକ(ଓ ଆର୧୫ ଭି ୫୨୯୯୯)ଦୁର୍ଘଟଣାଗ୍ରସ୍ତ ହୋଇଛି l ସ୍ଥାନୀୟ ମହାଦେବ ମନ୍ଦିର ପାର୍ଶ୍ଵରେ ଥିବା ଶନି ମନ୍ଦିରକୁ ଏହି ଟ୍ରକ୍ ଟି ଧକ୍କା ଦେବା ଯୋଗୁଁ ଶନି ମନ୍ଦିର ସମ୍ପୂର୍ଣ୍ଣ ଭାଙ୍ଗିଯାଇଛି l ଟ୍ରକ୍ ର ସାମ୍ନା ଭାଗ ଭାଙ୍ଗିଯାଇ ଥିବା ବେଳେ ଏଥିରେ କେହି ମୃତାହତ ହୋଇନାହାନ୍ତି l ଦୁର୍ଘଟଣାରେ ଗାଡି ଚଳାଉଥିବା ଡ୍ରାଇଭର୍ତେ ଜଣକ ଗୁରୁତର ଆହାତ ହୋଇଥିବା ଜଣାପଡିଛି l ତେବେ  ବେପରୁଆ

ଗାଡି ଚାଳନା ଓ ଅସାବଧାନତା ଯୋଗୁଁ ବାହାର ଜିଲ୍ଲାରୁ ଆସୁଥିବା ଏହି ଭାରି ଯାନ ଗୁଡ଼ିକ ଦୁର୍ଘଟଣାଗ୍ରସ୍ତ ହୋଇ କେତେବେଳେ ଧାର୍ମିକ ଅନୁଷ୍ଠାନ ତ କେତେବେଳେ ସରକାରୀ ସମ୍ପତ୍ତିକୁ ନଷ୍ଟ କରୁଛନ୍ତି l ବଲାଙ୍ଗୀର ସହର ଦେଇ  ଭୋରରୁ ଅତିକ୍ରମ କରୁଥିବା ଏହି ଭାରି ଯାନ ଲୋକଙ୍କ ମାଧ୍ୟରେ ଭୟର ବାତାବରଣ ଖେଳିଯାଇଛି l ଦୁର୍ଘଟଣା ପରେ ପୋଲିସ ଓ

ଅଗ୍ନିଶମ ବିଭାଗର ଟିମ୍ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି l ପୋଲିସ ଗାଡିକୁ ଅଟକ ରଖିଛି l ରାସ୍ତା ପାର୍ଶ୍ଵରେ ଥିବା ଏହି ପବିତ୍ର ପୀଠ ତଥା ଲୋକଙ୍କ ଧାର୍ମିକ ବିଶ୍ଵାସ ର ପ୍ରତୀକ ଶନି ମନ୍ଦିରକୁ ଧକ୍କା ଦେଇ ନଷ୍ଟଭ୍ରଷ୍ଟ କରିଦେବା ଘଟଣାକୁ ବଲାଙ୍ଗୀରର ଅଗଣିତ ଭକ୍ତ ଓ ଶ୍ରଦ୍ଧାଳୁ ନିନ୍ଦା କରିବା ସହ ଦୋଷୀ ଗାଡି ଡ୍ରାଇଭର୍ ବିରୁଦ୍ଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି l