15-Oct-2024

ଭୁବନେଶ୍ବର : ରାଜ୍ୟ ସରକାରୀ କର୍ମଚାରୀ ମାନଙ୍କ ଗ୍ରାଚୁଇଟି ସୀମା ୧୫ ଲକ୍ଷରୁ ୨୦ ଲକ୍ଷ ଟଙ୍କାକୁ ବୃଦ୍ଧି ଘୋଷଣା କରି   ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ମୋହନ ଚରଣ ମାଝୀ ଏହାକୁ ପିଛିଲା ଭାବେ ୨୦୨୪ ଜାନୁଆରୀ ୧ ରୁ ଲାଗୁ ହେବ ବୋଲି ଘୋଷଣା କରିଛନ୍ତି l 

 ନିଷ୍ପତ୍ତି ଅନୁଯାୟୀ, ରାଜ୍ୟ ସରକାରୀ କର୍ମଚାରୀ ମାନଙ୍କ ମୃତ୍ୟୁ ତଥା ଅବସର କାଳୀନ ଗ୍ରାଚୁଇଟି (DCRG)କୁ  ୧୫ ଲକ୍ଷ ରୁ ୨୦ ଲକ୍ଷ ଟଙ୍କାକୁ ତା ୧.୧.୨୦୨୪ ରୁ ପିଛିଲା ଭାବରେ ରାଜ୍ଯ ସରକାରଙ୍କ ଅର୍ଥ ବିଭାଗ ର ପତ୍ର ସଂଖ୍ୟା ୨୮୬୨୪ ତା ୯.୧୦.୨୦୨୪ ରିଖ ଅନୁଯାୟୀ ଲାଗୁ କରାଯାଇ ଏହାକୁ ରାଜ୍ୟ ରେ କାର୍ଯ୍ୟରତ ବିଭିନ୍ନ ସରକାରୀ ସେବା ସଙ୍ଗଠନ ଗୁଡିକର ଅନୁରୋଧ କ୍ରମେ ଲାଗୁ କରାଯାଇଅଛି ବୋଲି ସେ ପ୍ରକାଶ କରିଛନ୍ତି। ଏହା ସମ୍ପୂର୍ଣ୍ଣ ଭାବେ ଭିତ୍ତିହୀନ lଏଠାରେ  ପ୍ରକାଶ ଥାଉକି,  ଗୋଟିଏ ଅଣ ଗେଜେଟେଡ ସରକାରୀ କର୍ମଚାରୀ ର ମୂଳ ଦରମା ଯଦି ୬୦,୦୦୦/- ଟଙ୍କା ହୁଏ ତାହାର ଗ୍ରାଚୁଇଟି ସରକାରୀ ହିସାବ ଅନୁସାରେ ୧୪,୮୫,୦୦୦/- ଟଙ୍କା ହେଉଛି l ଏଥିରେ ରାଜ୍ଯ ସରକାରଙ୍କ ଅଧିନରେ କାର୍ଯ୍ୟରତ ଜଣେ  ହେଲେ   ତୃତୀୟ ଏବଂ ଚତୁର୍ଥ ଶ୍ରେଣି ଅଣ ଗେଜେଟେଡ ଜିଲ୍ଲା ସ୍ତରୀୟ ସରକାରୀ କର୍ମଚାରୀ କୌଣସି ପ୍ରକାରେ ଲାଭବାନ ହେବେ ନାହିଁ l କେବଳ ଉଚ୍ଚପଦାଧିକାରୀ ମାନେ ଏହା ଦ୍ଵାରା ଲାଭାନ୍ୱିତ ହେବେ l ରାଜ୍ଯ ସରକାରଙ୍କ ଉପରୋକ୍ତ ଅଧିସୂଚନା କୁ ଓଡିଶା ରାଜସ୍ଵ ଅମଲା ସଂଘ ଦୃଢ଼ ବିରୋଧ କରିବା ସହ ଅଣ ଗେଜେଟେଡ କର୍ମଚାରୀ ମାନେ କିପରି ସରକାରଙ୍କ ଘୋଷିତ ମୃତ୍ୟୁ ତଥା ଅବସର କାଳୀନ ଗ୍ରାଚୁଇଟି ୨୦,୦୦,୦୦୦/- କୋଡ଼ିଏ ଲକ୍ଷ ଟଙ୍କା ପାଇ ପାରିବେ ସେଥିପ୍ରତି ସରକାର ସ୍ଵତନ୍ତ୍ର ଦୃଷ୍ଟି ଦେଇ ତ୍ଵରିତ ପଦକ୍ଷେପ ଗ୍ରହଣ କଲେ ଓଡ଼ିଶାର ସମସ୍ତ କାର୍ଯ୍ୟରତ ଅଣଗେଜେଟେଡ କର୍ମଚାରୀ ମାନେ ଉପକୃତ ହୋଇପାରିବେ ବୋଲି ଓଡିଶା ରାଜସ୍ୱ ଅମଲା ସଂଘ ତରଫରୁ ଦାବି କରଯାଇଛି l
ପୁନଶ୍ଚ, ପୂର୍ବରୁ ସମର୍ପଣ ଛୁଟି (surrender leave) ଜିଲ୍ଲା ସ୍ତରରେ କାର୍ଯ୍ୟରତ ଅଣ ଗେଜେଟେଡ ସରକାରୀ  କର୍ମଚାରୀ ମାନେ ପାଇ ଆସୁଥିଲେ ମଧ୍ୟ, ବିଗତ ୨୪ ବର୍ଷ ହେଲା ତାହାର ବ୍ୟତିକ୍ରମ ହୋଇ ସମର୍ପଣ ଛୁଟି ପାଇବାରୁ ବଞ୍ଚିତ ହେଉଛନ୍ତି l ଏହା ହେବା ଦ୍ଵାରା  ସରକାରୀ କର୍ମଚାରୀ ମାନଙ୍କ ମହଲରେ ଘୋର ଅସନ୍ତୋଷ ବୃଦ୍ଧି ପାଇବାରେ ଲାଗିଛି  ଏବଂ ଏହାକୁ ନେଇ ନିକଟ ଭବିଷ୍ୟତରେ କର୍ମଚାରୀ ଅସନ୍ତୋଷ ଯେ ଏକ ଆନ୍ଦୋଳନାତ୍ମକ ପରିସ୍ଥିତି ସୃଷ୍ଟି ନ କରିବ ତାହା କହି ହେବ ନାହିଁ ବୋଲି ଓଡିଶା ରାଜସ୍ୱ ଅମଲା ସଂଘ ତରଫରୁ ରାଜ୍ଯ ସଭାପତି ତ୍ରିପତି ବାଲାଜୀ ସାହୁ ଏବଂ ସାଧାରଣ ସମ୍ପାଦକ ନରେଶ ଚନ୍ଦ୍ର ମହାପାତ୍ର ପ୍ରକାଶ କରିଛନ୍ତି l
ରାଜ୍ଯ ସରକାର ପକ୍ଷପାତିତା ପୂର୍ଣ୍ଣ ମନୋଭାବ ପ୍ରତ୍ୟାହାର କରି ସରକାରୀ କର୍ମଚାରୀ ମାନଙ୍କ ସମସ୍ୟା ଗୁଡିକ ସୌହାର୍ଦ୍ଦ୍ୟ ପୁର୍ଣ୍ଣ ବାତାବରଣ ମଧ୍ୟରେ ସମାଧାନ କରିବାକୁ ସେମାନେ ରାଜ୍ଯ ସରକାରଙ୍କୁ ଅନୁରୋଧ କରିଛନ୍ତି l