15-Oct-2024

ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ) ଭାରତୀୟ ମଜଦୁର ସଙ୍ଘ ସହ ଅନୁବନ୍ଧିତ ରାଜ୍ୟ ଆଶାକର୍ମୀ ସଂଘର ପରାମର୍ଶକ୍ରମେ କନ୍ଧମାଳ ଜିଲ୍ଲା ଆଶାକର୍ମୀ ସଂଘ ପକ୍ଷରୁ ୭ଦଫା ଦାବୀନେଇ କନ୍ଧମାଳ ଜିଲାପାଳଙ୍କ ଜରିଆରେ  ମାନ୍ୟବର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବୀପତ୍ର ପ୍ରଦାନ କରାଯାଇଛି।

କନ୍ଧମାଳ ଜିଲ୍ଲାର ୧୨ଟିବ୍ଲକର ଆଶାକର୍ମୀ ମାନେ ଏକ ବିଶାଳ ରାଲିରେ ଯୋଗ ଦେଇମାଦିକୁନ୍ଦା ଛକରୁ  ବାହାରି ନଗର ପରିକ୍ରମା କରି ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପ୍ରତିବାଦ ସଭା କରିଥିଲେ। ବିଏମ ଏସର ଜିଲା ସଭାପତି ଅଶୋକ ପରିଡା ଯୋଗ ଦେଇ ଆଶାକର୍ମୀଙ୍କ ନାର୍ଯ୍ୟଦାବୀ ପୂରଣ ନେଇ ବକ୍ତବ୍ୟ ରଖିଥିଲେ। ଆଶାକର୍ମୀଙ୍କ ପ୍ରଚେଷ୍ଟା ଯୋଗୁଁ ଶିଶୁ ମୃତ୍ୟୁହାର ଓ

ମାତୃ ମୃତ୍ୟୁହାର  ଆଶାନୁରୂପ କମି ଯାଉଥିବା ବେଳେ ଆଶାକର୍ମୀଙ୍କ ପରିବାର ପ୍ରତିପୋଷଣ ପାଇଁ ସରକାର ଆଶାଜନକ ଭାବେ ପାରିଶ୍ରମିକ ପ୍ରଦାନ କରୁନାହାନ୍ତି। ଆଶାକର୍ମୀ ମାନେ ଜିଲ୍ଲାର ଦୁର୍ଗମ ଓ ଅପହଞ୍ଚ ଇଲାକାରେ ସ୍ୱାସ୍ଥ୍ୟ ସେବା ଭଳି ଏକ ଗୁରୁଦାୟିତ୍ୱ ନିର୍ବାହ କରିବା ସହିତ ସ୍ୱାସ୍ଥ୍ୟ ସେବା ପହଞ୍ଚାଉଥିବା ଦେଖିବାକୁ ମିଳିଛି।ସ୍ୱାସ୍ଥ୍ୟ ବିଭାଗର ପ୍ରତ୍ୟେକ ସେବାରେ ଆଶାକର୍ମୀ ମାନେ ନିୟୋଜିତ ଅଛନ୍ତି ଓ ୨୪ଘଣ୍ଟିଆ ସେବା ଯୋଗାଇ ଦେଉଛନ୍ତି।ଗର୍ଭବତୀ, ପ୍ରସୂତୀ,ଓ ନବଜାତକର ସ୍ୱାସ୍ଥ୍ୟ କ୍ଷେତ୍ରରେ ରାତି ଅଧରେ ମଧ୍ୟ ସେବା ଯୋଗାଇ ଦେଇଥାନ୍ତି। କିନ୍ତୁ ସରକାର ଗତ ୧୬  ବର୍ଷ ପରେ ମଧ୍ୟ ସ୍ଥାୟୀ ଚାକିରୀ ପାଇଁ ପଦକ୍ଷେପ ନେଉ ନଥିବାରୁ ଏହି ପ୍ରତିବାଦ କରାଯାଇଛି।ଚାକିରୀ ସ୍ଥାୟୀ ନ ହେବା ପର୍ଯ୍ୟନ୍ତ ସର୍ବନିମ୍ନ ମଜୁରୀ ୧୮ହଜାର ଟଙ୍କା ପ୍ରଦାନ କରିବାକୁ ଦାବୀ କରିଛନ୍ତି।ଅବସର ସମୟରେ ଏକକାଳୀନ ୫ଲକ୍ଷ ଟଙ୍କା ଅନୁଦାନ ଓ ମାସିକ ୫ହଜାର ପେନସନ ପ୍ରଦାନ କରିବାକୁ ଦାବିପତ୍ରରେ ଉଲ୍ଲେଖ ରହିଛି।ଅନ୍ୟ ଚାକିରୀ ଭଳି ସାମାଜିକ ସୁରକ୍ଷା ଲାଗୁ,ପ୍ରତି ସ୍ୱାସ୍ଥ୍ୟକେନ୍ଦ୍ରରେ ଆଶାଗୃହ ନିର୍ମାଣ, କାର୍ଯ୍ୟକ୍ଷେତ୍ରରେ ମୃତ୍ୟୁବରଣ କଲେ ପରିବାରର ଅନ୍ୟଜଣଙ୍କୁ ଆଶାକର୍ମୀ ନିଯୁକ୍ତି,ସ୍ୱାସ୍ଥ୍ୟ ଅଧିକାରୀଙ୍କ ଦ୍ୱାରା ଉପଯୁକ୍ତ ସମ୍ମାନ ପ୍ରଦର୍ଶନ ଓ କାର୍ଯ୍ୟ କ୍ଷେତ୍ରକୁ ଯିବାପାଇଁ ବିନାସୁଧରେ ସ୍କୁଟି ପ୍ରଦାନ କରିବାକୁ ନ୍ୟାୟ ସଙ୍ଗତ ଦାବୀ କରାଯାଇଛି।ଆଶା କର୍ମୀମାନେ ସର୍ବଦା ନିଜ ଜୀବନକୁ ବାଜି ଲଗାଇ ସମାଜରେ ସ୍ୱାସ୍ଥ୍ୟ ସେବା କରୁଥିବାରୁ ରାଜ୍ୟ ଓ କେନ୍ଦ୍ର ସରକାର ସେମାନଙ୍କ ନାର୍ଯ୍ୟଦାବୀ ପୂରଣ କରିବାକୁ ମାନ୍ୟବର

ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବୀ ପତ୍ର ପ୍ରଦାନ କରିଛନ୍ତି।ଦାବୀପୂରଣ ନହେଲେ ଆଗାମୀ ଦିନରେ ଆନ୍ଦୋଳନ ତୀବ୍ରତର କରାଯିବ ବୋଲି ଜିଲ୍ଲା ସଭାପତି ଅମ୍ବିକା ବେହେରା ତାଙ୍କ ପ୍ରତିକ୍ରିୟାରେ କହିଛନ୍ତି।ଜିଲା ଆଶା କର୍ମୀଙ୍କ ମଧ୍ୟରୁ ଅମ୍ବିକା ବେହେରାଙ୍କ ସହ,ନମିତା ପ୍ରଧାନ, ଅର୍ଚ୍ଚନା ପ୍ରଧାନ, ରୀନା ବେହେରା, ସସ୍ମିତା ବେହେରା, ସୈରିନ୍ଦ୍ରି ଦିଗାଲ,ଶାନ୍ତି ଲତା ବେହେରା, ଶାନ୍ତିଲତା ଦିଗାଲ, କିଶୋରୀ କହଁର, ରାତାଞଳୀ ବେହେରା, ରୁକ୍ମୁଣୀ ଦାସ, ରୁନୁମତି ଦିଗାଲ,ସୁଚତ୍ରା ପ୍ରଧାନ ବବିତା ମହାନ୍ତି, ଗୌରୀ ପଟନାୟକ, ଜର୍ମନୀ ବେହେରା, ଲାଲମଣି ମଲିକ,ରିଙ୍କି ଦିଗାଲ ପ୍ରମୁଖ  ସହକାରୀ ଜିଲାପାଳ କୁମୁଦିନି ମଲିକଙ୍କୁ ଦାବୀପତ୍ର ପ୍ରଦାନ କରିଥିଲେ।ଟାଉନଥାନା ଆଇଆଇସି ଶ୍ରୀ କନକ କୁମାର ମାଝୀଙ୍କ ସହ ଅନ୍ୟ ପୋଲିସ କର୍ମଚାରୀମାନେ ଆଇନଶୃଙ୍ଖଳା ଦୃଷ୍ଟିରୁ ସହଯୋଗ କରିଥିଲେ।