15-Oct-2024

ସିନ୍ଧେକେଲା(ଅନୀଲ କୁମାର ତ୍ରିପାଠୀ) ବଲାଙ୍ଗୀର ଜିଲ୍ଲା ସିନ୍ଧେକେଲା ଥାନା ଅନ୍ତର୍ଗତ ଭବାନୀପାଟଣା-ରାୟପୁର ୧୬ ନମ୍ବର ରାଜ୍ୟ ରାଜପଥର କୁରସୁଡ ଗ୍ରାମର ଅନତି ଦୂରରେ ସଡ଼କ ଦୁର୍ଘଟଣାରେ ଜଣେ ମୃତ। ଘଟଣାନୁଯାଇ ଶନିବାର ସଂଧ୍ୟା ପ୍ରାୟ ୭ ଟା ୩୦ ମିନିଟ ଟା ସମୟରେ କଳାହାଣ୍ଡି ଜିଲ୍ଲା ଭବାନୀପାଟଣା ସଦର ଥାନା ଅନ୍ତର୍ଗତ ସଙ୍କରୀମାଳ ଗ୍ରାମର ସୁବାସ ଗୌଡ (୨୮) ନିଜ ଶ୍ବଶୁର ଘର କୁରସୁଡ ଗ୍ରାମକୁ ହୋଣ୍ଡା ୟୁନିକନ ବାଇକ ନମ୍ବର ଓଡି ୦୮ ୟୁ ୦୯୦୧ ରେ ଆସୁଥିଲେ। ତେବେ ଆଗରୁ ଭବାନୀପାଟଣା ପଟରୁ ରାୟପୁର କିମ୍ବା ରାଇଗଡ ଯାଉଥିବା ଟ୍ରକ୍ କୌଣସି କାରଣରୁ ଖରାପ ହୋଇପଡିଥିବା ଏକ ମାଲବାହୀ ଟ୍ରକ ନମ୍ବର ସିଜି ୦୪ ପିସି ୫୧୭୭ ରାସ୍ତା କଡ଼ରେ ଛିଡ଼ା ହୋଇଥିଲା। କୌଣସି କାରଣରୁ ସେହି ଟ୍ରକରେ ପିଟିହୋଇ ମୁଣ୍ଡରେ ଗଭୀର ଆଘାତ ଲାଗିଥିଲା । ଫଳରେ ଘଟଣାସ୍ଥଳରେ ହିଁ ଅତ୍ୟଧିକ ରକ୍ତ ସ୍ରାବ ହୋଇ ସୁବାସ ଗୌଡ ଙ୍କ ପ୍ରାଣବାୟୁ ଉଡିଯାଇଥିଲା ବୋଲି ସିନ୍ଧେକେଲା ଆଇଆଇସି ବସନ୍ତ କୁମାର ଦଳାଇ ସୁଚନା ଦେଇଛନ୍ତି। କେସ ନମ୍ବର ୨୮୯ ରୁଜୁ କରି ଶବ ଜବତ କରିବାସହ ବ୍ୟବଛେଦ ପରେ ପରିବାରବର୍ଗଙ୍କୁ ହସ୍ତାନ୍ତର କରାଯାଇଥିବା ପୋଲିସ ପକ୍ଷରୁ ସୁଚନା ମିଳିଛି।