15-Oct-2024

ଉପଚାର ରେ ପୂଜାଲାଗି କରାଯାଇଛି। ତେବେ ଗୋଟିଏ ବର୍ଷ ଧରି ଅପେକ୍ଷାର ଅନ୍ତ ଘଟାଇ ମାଁ ନିଜ ଦେଉଳ କୁ ଛାଡ଼ି ଅଗଣିତ ଭକ୍ତ ଓ ଶ୍ରଦ୍ଧାଳୁ ଙ୍କ ପାଖକୁ ପହଞ୍ଚି ସୁଃଖ ଦୁଃଖ ରେ ସାମିଲ ହୋଇଥିଲେ। ଏଥିପାଇଁ ଜିଲ୍ଲା ତଥା ରାଜ୍ୟ ବାହାରୁ ଅଗଣିତ ଭକ୍ତ ଓ ଶ୍ରଦ୍ଧାଳୁ ଟାଣି ହୋଇ ଆସିଥିଲେ ମାଁ ଙ୍କୁ ପାଖରେ ପାଇ ନିଜ ଦୁଃଖ ଜଣାଇବାକୁ ଏବଂ ମନଇଚ୍ଛା ବର ପାଇବାକୁ। ପ୍ରଥମେ ପାରମ୍ପରିକ ଢୋଲ , ନିଶାନ, ମହୁରୀ ଆଦି ବାଦ୍ୟ ସହ ଘଣ୍ଟ ଘଣ୍ଟା ର ତାଳେ ତାଳେ ଝାପିତଳ ମନ୍ଦିରରୁ କାଳିସି ଦେହରେ ବୁଢ଼ାରଜା ମାଁ ଦ୍ୱାରସେହ୍ନୀ ଙ୍କ ମନ୍ଦିରକୁ ପହଞ୍ଚିଥିଲେ । ପରେ ସେହି ପାରମ୍ପରିକ ବାଦ୍ୟ ଓ କେଉଁଟ ସମ୍ପ୍ରଦାୟର ସେବାୟତ ମାନଙ୍କ ଖଣ୍ଡା ଖେଳ ପ୍ରଦର୍ଶନ କରି ମୁଖ୍ୟ ସେବକ ଅରୁଣ ସିଂହଦେଓ ଙ୍କୁ ତାଙ୍କ ବାସଭବନରୁ ମନ୍ଦିର ପର୍ଯ୍ୟନ୍ତ ପାଛୋଟି ନେଇଥିଲେ। ଯଥାବିଧି ପୂଜାର୍ଚ୍ଚନା ପରେ ମାଁ ଦ୍ୱାରସେହ୍ନୀ କାଳିସି ଦେହରେ ସବାର ହୋଇ ତାଙ୍କ ବଡ ଭଉଣୀ ମାଁ ଛତ୍ରବାଉତୀ ଙ୍କ ସହ ବୁଏଲଯାତ୍ରା (ନଗର ପରିକ୍ରମା) ପାଇଁ ମନ୍ଦିରରୁ ବାହାରି ପ୍ରଥମେ ମାଳି ସେବାୟତ ମାନଙ୍କ ଦ୍ୱାରା ମନ୍ଦାର ମାଳ, ଦହନା ଆଦି ଫୁଲରେ ସୁସଜ୍ଜିତ କରାଯିବା ପରେ ଛତରଗୁଡି କୁ ପହଞ୍ଚି ସେ ନିଜେ ଆସିଛନ୍ତି ତାହା ସିଦ୍ଧ କରିବାକୁ ଜିଭରେ ତରବାରୀ ବଙ୍କା କରି ଉପସ୍ଥିତ ଅଗଣିତ ଭକ୍ତ ଓ ଶ୍ରଦ୍ଧାଳୁ ଙ୍କୁ ନିଜ ପରାକ୍ରମ ଦେଖାଇଥିଲେ।

ସେଠାରୁ ମୁଖ୍ୟ ସେବକ ଶ୍ରୀ ସିଂହଦେଓ ଙ୍କ ବାସଭବନ ସମ୍ମୁଖରେ ମଧ୍ୟ ସେ ଆସିଥିବା ସିଦ୍ଧ କରିବାପରେ ପାଟବୁକା ଖାଇ ବୁଏଲଯାତ୍ରା ଆରମ୍ଭ କରିଥିଲେ। ମଧ୍ୟରାତ୍ରରେ ହାଟପଦା ସ୍ଥିତ ମାଁ ଦୂର୍ଗା ଙ୍କ ମଣ୍ଡପରେ ପହଞ୍ଚି ଗୁପ୍ତ ପୂଜା ଉପଚାର ଏବଂ ଦୁହିଁଙ୍କ ମଧ୍ୟରେ ଦୈବ ବାର୍ତ୍ତା ହୋଇଥିଲା। ସକାଳୁ ଜେନା ବୁଢ଼ା ମନ୍ଦିରକୁ ପହଞ୍ଚିଥିଲେ। ଏଠାରେ ସେହି କାଳିସି ଦେହରେ ଜେନା ସବାର ହୋଇ ମୁଖ୍ୟ ସେବକ ଓ ଛତ୍ରବାଉତୀ ମନ୍ଦିର ସମ୍ମୁଖକୁ ପହଞ୍ଚି ଭକ୍ତ ଓ ଶ୍ରଦ୍ଧାଳୁ ଙ୍କୁ ଦର୍ଶନ ଦେଇ ସେଠାରେ ଉପସ୍ଥିତ ଅଗଣିତ ଭକ୍ତ ଓ ଶ୍ରଦ୍ଧାଳୁ ମାନଙ୍କୁ ଫେରିଯିବାକୁ ନିର୍ଦେଶ ଦେବା ପରେ ପୂର୍ବ ଦିଗକୁ ଯାଇ ଖପରଚୁପା ବା ଗାଁ ବାନ୍ଧିଥିଲେ। ଓ ମାଁ ଦ୍ୱାରସେହ୍ନୀ ମନ୍ଦିରକୁ ପ୍ରତ୍ୟାବର୍ତ୍ତନ କରିବାପରେ ଯାତ୍ରା ସମାପନ ହୋଇଥିଲା। ଚଳିତବର୍ଷ ପ୍ରବଳ ଜନସମାଗମ ହେବାରୁ ପ୍ରାୟ ୧୯ ଘଣ୍ଟା ଧରି ବୁଏଲ ଯାତ୍ରା ଅବିରତ ଭାବେ ଚାଳିଥିଲା ଓ କାଳିସି ଦେହରେ ମାଁ ଦ୍ୱାରସେହ୍ନୀ ଅବିରତ ଭାବେ ଭକ୍ତ ଓ ଶ୍ରଦ୍ଧାଳୁ ଙ୍କ ସୁଃଖ ଦୁଃଖ ଶୁଣିଥିଲେ।