05-Jan-2021

ଖପ୍ରାଖୋଲ (ଗୋରେଖନାଥ ବରିହା) ଜାତୀୟ ଗ୍ରାମ୍ୟ ସ୍ବାସ୍ଥ୍ୟ ମିଶନ  ଆନୁକୂଲ୍ୟରେ ଗ୍ରାମାଞ୍ଚଳରେ ଲୋକ ମାନଙ୍କର ସ୍ବାସ୍ଥ୍ୟ ସମ୍ପର୍କରେ ସଚେତନ ସୃଷ୍ଟି କରିବା ଲକ୍ଷ୍ୟ ରଖି ୨୦୧୦ ମସିହା ରୁ ପ୍ରତି ରାଜସ୍ୱ ଗ୍ରାମ ଗୁଡିକରେ ଗାଁ କଲ୍ୟାଣ ସମିତି ଗଠନ କରାଯାଇଥିଲେ ହେଁ ତାହା ଲୋକଙ୍କ କାମ ରେ ଲାଗୁନାହିଁ ବୋଲି ଅଭିଯୋଗ ହୋଇଛି । କେତେକ କ୍ଷେତ୍ରରେ ୱ।ଡମେମ୍ବର , ଅଙ୍ଗନୱାଡ଼ି କର୍ମୀ ,ଓ ଆଶାକର୍ମୀଙ୍କ ମଧ୍ୟରେ ତାଲ ମେଳ ରହୁଥିବାରୁ ଅର୍ଥ ର ସଠିକ ବିନିଯୋଗ ହୋଇପାରୁନାହିଁ । ଗାଁ କଲ୍ୟାଣ ସମିତି ର ଅର୍ଥ ମୂଖ୍ୟତଃ ଲୋକ ପ୍ରତିନିଧି ୱ।ଡମେମ୍ବର , ସ୍ବାସ୍ଥ୍ୟ ବିଭାଗର ଆଶାକର୍ମୀ ଓ ମହିଳା ଶିଶୁ କଲ୍ୟାଣ ବିଭାଗର ଅଙ୍ଗନୱାଡ଼ି କର୍ମୀଙ୍କୁ ନେଇ ବ୍ୟୟ ବରାଦ କରାଯାଉଥିବାରୁ ଅନେକାଂଶରେ ଅର୍ଥର ବାଟମାରଣା ହେଉଥିବା ଅଭିଯୋଗ ହେଉଛି। ଖପ୍ରାଖୋଲ ବ୍ଳକ ର ୨୦ ଟି ପଞ୍ଚାୟତର ପ୍ରତି ରାଜସ୍ୱ ଗ୍ରାମରେ ଗାଁ କଲ୍ୟାଣ ସମିତି ଗଠନ ହୋଇଛି । ଏହି ଗାଁ କଲ୍ୟାଣ ସମିତି ପାଇଁ ବାର୍ଷିକ ୧୦ ହଜାର ଟଙ୍କା ସରକାରୀ ସହାୟତା ଆସୁଥିବା ବେଳେ ଏହାର ସଠିକ ବିନିଯୋଗ ହେଉନଥିବା ଅଭିଯୋଗ ହୋଇଛି । ସମିତି ର ସୁଗମକାରୀ ଆଶାକର୍ମୀ ମାସିକ ୧୫୦ ଟଙ୍କା ହିସାବରେ ବର୍ଷ କୁ ୧୮ ଶହ ଟଙ୍କା ପାଉଥିବା ବେଳେ ଅଙ୍ଗନୱାଡ଼ି କର୍ମୀ ସମିତି ଆବାହିକା ହୋଇ ଥିବା ରୁ ମାସିକ ୧୦୦ ଟଙ୍କା ହିସାବରେ ବର୍ଷ କୁ ୧୨୦୦ ଶହ ଟଙ୍କା ପାଇବେ । ସମିତି ଦାୟିତ୍ଵ ରେ ରହିଥିବା ୱ।ଡମେମ୍ବର ସମିତି ସଭାପତି ହୋଇଥିବାରୁ ମାସିକ ୫୦ ଟଙ୍କା ହିସାବରେ ୬୦୦ ଶହ ପାଇବେ । ଏହି ହିସାବରେ ୩ ଜଣ ବାର୍ଷିକ ୩ ହଜାର ୪ ଶହ ଟଙ୍କା ଖର୍ଚ୍ଚ ହୋଇଥାଏ । ସ୍ବଳ୍ପ ଅର୍ଥ ରେ ସମିତି ପ୍ରକୃତ କାର୍ଯ୍ୟକ୍ରମ ଠାରୁ ଦୂରେଇ ରହୁଥିବା ବେଳେ ବିଭାଗୀୟଙ୍କ ପ୍ରଦତ ପାଣ୍ଠି ଖର୍ଚ୍ଚ ର ତାଲିକା ବେଶ ଲମ୍ବା ହୋଇ ଥିବା ବେଳେ ଅର୍ଥ ର ଭରଣା କୁ ନେଇ ଗାଁ ଲୋକେ ସନ୍ଦିହlନ । ଏହି ଅର୍ଥ ରୁ ଆଶା କର୍ମୀ ନିଜ ସାଇକେଲ ମରାମତି ପାଇଁ ୨୦୦ ଶହ ଟଙ୍କା ନେବା ବେଳେ ଗାଁ ସ୍ବାସ୍ଥ୍ୟ ଯୋଜନା ପ୍ରସ୍ତୁତ କରିବା ବାବଦରେ ୫୦୦ ଟଙ୍କା ସମିତିର ପ୍ରତି ମାସରେ ଗୋଟିଏ ଦିନ ବୈଠକ ଆୟୋଜନ ପାଇଁ ୩୦୦ ଟଙ୍କା ,ଦରି କିଣିବା ବାବଦରେ ୫୦୦ ଟଙ୍କା ,ଲେଟର ପ୍ୟାଡ ପାଇଁ ୩୦୦ ଟଙ୍କା, ୪ ଗୋଟି ଦିବସ ପାଳନ ପାଇଁ ପ୍ରତ୍ୟେକ ଦିବସ ପିଚ୍ଛା ୩୦୦ ଟଙ୍କା ହିସାବରେ ବର୍ଷ କୁ ୧୨୦୦ ଟଙ୍କା, ସମିତି ଟିଣ ବାକ୍ସ କିଣା ବାବଦକୁ ୩୦୦ ଟଙ୍କା ,ଆଶା କର୍ମୀ ପାଇଁ ଟିଣ ବାକ୍ସ କିଣା ବାବଦକୁ ୩୦୦ ଟଙ୍କା , ପ୍ରତି ଗାଁ ରେ ଅଲିଆ କୁଣ୍ଡ ବସାଇବା ପାଇଁ ୫୦୦ ଟଙ୍କା , ସେହିପରି ବିଭିନ୍ନ ଆଦି ରୋଗ ର ନିରାକରଣ ପାଇଁ ସଚେତନ ମୂଲକ କାର୍ଯ୍ୟ କ୍ରମ ନିମନ୍ତେ ୨୦୦୦ ଟଙ୍କା ଜଳ ବାହିତ ରୋଗ ର ନିରାକରଣ ପାଇଁ କାର୍ଯ୍ୟ କ୍ରମ ଆୟୋଜନ ବାବଦରେ ୨୦୦୦ ଟଙ୍କା , ବ୍ୟତୀତ ସ୍ବାସ୍ଥ୍ୟ କାନ୍ଥରେ ବାର୍ତ୍ତା ଲେଖା ପାଇଁ ୫୦୦ ଟଙ୍କା ଗାଁ ପ୍ରବେଶ ପଥରେ ସ୍ବାସ୍ଥ୍ୟ କଳ ବସାଇବା ପାଇଁ ୩୦୦ ଟଙ୍କା ଖର୍ଚ୍ଚ ର ତାଲିକା ଭୁକ୍ତ ହୋଇ ଥିବା ରୁ ଅର୍ଥ ବଳକା ରହିବା ର ସମ୍ଭାବନା ନାହିଁ । ଯାହାକି ନିୟମ ମୁତାବକ ଗ୍ରାମରେ ଦାରିଦ୍ର୍ୟ ସୀମାରେଖା ତଳେ ରହୁଥିବା ୪ ଜଣ ଅସହାୟ ଗରିବ ବ୍ୟକ୍ତି ଙ୍କୁ ସହାୟତା ଦେବା ମଧ୍ୟ ସମ୍ଭବ ପର ନେହେଁ ଏତେ ଲମ୍ଭା ଖର୍ଚ୍ଚ ର ତାଲିକା ଥିବା ବେଳେ ଗାଁ କଲ୍ୟାଣ ସମିତି କେବଳ ଏକ ପ୍ରହସନ ବୋଲି ଲୋକଙ୍କ ମଧ୍ୟରେ ଆଲୋଚନାର ପରିସରକୁ ଆସିଛି । ଏହି ଲୋକାଭିମୁଖୀ ଯୋଜନାକୁ ଅଯଥାରେ କେବଳ ମାତ୍ର ଖର୍ଚ୍ଚ ରେ ସମିତି ରଖିବା ଦ୍ବାରା ସାଧାରଣରେ ଏହା ଲୋକଙ୍କର କାମରେ ନଲାଗି ବଂର ସମନ୍ୱୟର ଅଭାବରୁ ଏହାର କାର୍ଯ୍ୟ କାରିତାକୁ ନେଇ ପ୍ରଶ୍ନ ଉଠିଛି ।