06-Oct-2024

ଲୋଇସିଂହା, (ବିନୋଦ ଦୀପ) ଆଜି ଲୋଇସିଂହା ବ୍ଲକ ବୁଢ଼ୀପଦର ପଂଚାୟତ ଅନ୍ତର୍ଗତ ଶିବଶକ୍ତି ପାର୍କ, ନେଗୀପାଲି ର ଶୁଭ ଉଦଘାଟନ ହୋଇଯାଇଛି l ଏହି ଉଦ୍ଘାଟନୀ ଉତ୍ସବ ରେ ମୁଖ୍ୟଅତିଥି ଭାବେ କ୍ୟାବିନେଟ ମନ୍ତ୍ରୀ ପଂଚାୟତିରାଜ ବିଭାଗ ରବିନାରାୟଣ ନାୟକ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ଼ ମୁକେଶ ମହାଲିଙ୍ଗ, ବଲାଙ୍ଗୀର ସାଂସଦ ଶ୍ରୀମତୀ ସଂଗୀତା କୁମାରୀ ସିଂଦେଓ, ଟିଟିଲାଗଡ଼ ବିଧାୟକ ନବୀନ ଜୈନ ଯୋଗ ଦେଇଥିଲେ l

କାର୍ଯ୍ୟକ୍ରମ ରେ ମୁଖ୍ୟଅତିଥି ଶ୍ରୀ ନାୟକ ପାର୍କ ର ଆହୁରି ଉନ୍ନତି କାମନା କରିବା ସହ ଆଗାମୀ ଦିନରେ ବିଜେପି ସରକାର ମୁଖ୍ୟତଃ ପଶ୍ଚିମାଞ୍ଚଲ ର ଯେଉଁ ଦାଦନ ସମସ୍ୟା ସହିତ ବିକାଶ ର ଅଭାବ ରହିଛି ତାହାକୁ ଦୂର କରିବା ପାଇଁ ଆହ୍ୱାନ ଦେଇଥିଲେ l ଏହାସହ ଲୋଇସିଂହା ବିଡ଼ିଓ ଅକ୍ଷୟପାଣି ଉଦ୍ଦୁ, ଜିପିଓ କିଶୋରଚନ୍ଦ୍ର ମାନସିଂହ, ବ୍ଲକ ସହକାରୀ ଯନ୍ତ୍ରୀ ସିଦ୍ଧlର୍ଥ ପାଢ଼ୀ ସହ ଅନ୍ୟାନ୍ୟ ଯନ୍ତ୍ରୀ, ପିଇଓ ପ୍ରହଲ୍ଲାଦ ବେହେରା, ବୁଢ଼ୀପଦର ସରପଞ୍ଚ ଶ୍ରୀମତୀ ଲକ୍ଷ୍ମୀ ପଧାନ, ସମାଜସେବୀ ଯୁଧିଷ୍ଠିର ପଧାନ, ସୀତାରାମ ପଧାନ ସହ ଅନ୍ୟାନ୍ୟ ମାନେ ଉପସ୍ଥିତ ରହି କାର୍ଯ୍ୟ ପରିଚାଳନା ସହିତ ସଫଳ କରିଥିବା ବେଳେ ଶେଷରେ ଧନ୍ୟବାଦ ଅର୍ପଣ କରିଥିଲେ ବିଡ଼ିଓ ଶ୍ରୀ ଅକ୍ଷୟ ପାଣି ଉଦ୍ଦୁ l