05-Oct-2024

ଗଣିଆ। : ନୟାଗଡ଼ ଜିଲ୍ଲା ଗଣିଆ ବ୍ଲକ୍ ର ସ୍ଥାନୀୟ ଶ୍ରୀ ଶ୍ରୀ ରଘୁନାଥଜୀଉ (ଡିଗ୍ରୀ) ମହାବିଦ୍ୟାଳୟ  ଗଣିଆ   ପରିସରରେ ଓଡ଼ିଶା ଜ୍ଞାନ ନିଗମ ଲି( ଓ . କେ. ସି. ଏଲ୍) ଆନୁକୁଲ୍ୟରେ ସୂଚନା ପ୍ରଯୁକ୍ତି ବିଦ୍ୟା ଉପରେ ଏକ ଆଲୋଚନାଚକ୍ର ସଭା ଅନୁଷ୍ଠିତ ହୋଇଯାଇଛି । ଏହି ଆଲୋଚନା ଚକ୍ରରେ ମହାବିଦ୍ୟାଳୟର ବିଭିନ୍ନ ବିଭାଗରୁ ପ୍ରାୟ ୧୫୦ ଛାତ୍ର ଛାତ୍ରୀ ଯୋଗ ଦେଇଥିଲେ । ଆଲୋଚନାଚକ୍ର ଆରମ୍ଭରେ

ମହାବିଦ୍ୟାଳୟର ଅଧ୍ୟକ୍ଷ ଲକ୍ଷ୍ମୀକାନ୍ତ ପଣ୍ଡା ସଭାର ସଭାପତିତ୍ବ କରିଥିଲେ। ପରେ ପରେ  ମହାବିଦ୍ୟାଳୟର ଇତିହାସ ବିଭାଗ ଅଧ୍ୟାପକ ଅଶୋକ କୁମାର ମିଶ୍ର  ମୁଖ୍ୟ ବକ୍ତା ଭାବେ ଅତିଥିମାନଙ୍କ ପରିଚୟ ପ୍ରଦାନ କରିବା ସହିତ ସୂଚନା ପ୍ରଯୁକ୍ତିବିଦ୍ୟା ସମ୍ବନ୍ଧରେ ଛାତ୍ର ଛାତ୍ରୀଙ୍କୁ ସଂକ୍ଷିପ୍ତ ବିବରଣୀ ପ୍ରଦାନ କରିଥିଲେ ।  ତତ୍ ସହିତ ଆଲୋଚନା ଚକ୍ର ର କାର୍ଯ୍ୟ ଭାର କୁ ଓଡ଼ିଆ ବିଭାଗର ଅଧ୍ୟାପକ ଶ୍ରୀଯୁକ୍ତ ଭଗବାନ ପୃଷ୍ଟି ସୁଚାରୁରୂପେ ଆଗକୁ ଆଗେଇନେଇଥିଲେ ।ଏହି ଆଲୋଚନାଚକ୍ର ରେ ମୁଖ୍ୟ ଅତିଥି ଭାବରେ ନୟାଗଡ ଜିଲ୍ଲା  ଡି.ଏଲ୍.ସି ପ୍ରତାପ କୁମାର ମହାନ୍ତି , ସମ୍ମାନିତ ଅତିଥି ଭାବେ ଶିରିସ ରଞ୍ଜନ ସାହୁ (ଦଶପଲ୍ଲା କେନ୍ଦ୍ର ର ମୁଖ୍ୟ) , ଶ୍ରୀଯୁକ୍ତ ଧିରେନ୍ କୁମାର୍ ପଟ୍ଟନାୟକ (ନୟାଗଡ଼ କେନ୍ଦ୍ର ର ମୁଖ୍ୟ) ,  ବିଜୟଲକ୍ଷ୍ମୀ ରାଉତ ( ଗଣିଆ କେନ୍ଦ୍ରର ମୁଖ୍ୟ) ଯୋଗ ଦେଇଥିଲେ । ମୁଖ୍ୟ ଅତିଥି ଛାତ୍ରଛାତ୍ରୀ ଙ୍କୁ ବର୍ତ୍ତମାନ ଯୁଗ ରେ କମ୍ପ୍ୟୁଟର ଶିକ୍ଷା  ଓ ପ୍ରଯୁକ୍ତି ବିଦ୍ୟା ସମସ୍ତ ଛାତ୍ରଛାତ୍ରୀଙ୍କ ପାଇଁ ଆବଶ୍ୟକ।  ସୂଚନା ପ୍ରଯୁକ୍ତି ବିଦ୍ୟା ଯେଉଁଭଳି ଭାବରେ ତାର କାୟା ବିସ୍ତାର କରିଛି ପ୍ରତ୍ୟେକ ସରକାରୀ ଚାକିରୀ ଠାରୁ ଆରମ୍ଭ କରି  ପ୍ରାଇଭେଟ୍ କମ୍ପାନୀରେ କାମ କରିବାକୁ ହେଲେ କୌଣସି ସ୍ଵୀକୃତି ପାଇଥିବା ସଂସ୍ଥାରୁ  ସାର୍ଟିଫିକେଟ ର ଆବଶ୍ୟକ ରହିଛି ବୋଲି ସୂଚନା ଦେଇଥିଲେ । ବିଭିନ୍ନ ଗଳ୍ପ ମାଧ୍ୟମରେ ଅତି ସୁନ୍ଦର୍ ଭାବରେ ସମ୍ମାନିତ ଅତିଥି ଶ୍ରୀଯୁକ୍ତ ମହାନ୍ତି ପିଲାମାନଙ୍କୁ କମ୍ପ୍ୟୁଟର ଶିକ୍ଷାର ଉପାଦେୟତା ଉପରେ ବୁଝାଇଥିଲେ । ମହାବିଦ୍ୟାଳୟର ଅର୍ଥଶାସ୍ତ୍ର ବିଭାଗର ଅଧ୍ୟାପକ ଶ୍ରୀ ରାକେଶ କୁମାର ବରାଡ  ସଭାର ଶାନ୍ତିଶୃଙ୍ଖଳା ବଜାୟ ରଖିବାରେ ସହଯୋଗ କରିଥିଲେ। ପରିଶେଷରେ ଶ୍ରୀଯୁକ୍ତ ପଟ୍ଟନାୟକ ଛାତ୍ରଛାତ୍ରୀଙ୍କୁ ଆଜିକାଲିର ଠକ ସଂସ୍ଥା ଠୁ ଦୂରେଇ ରହି ସଠିକ୍ କେନ୍ଦ୍ରର ରେ କମ୍ପୁଟର ଅଧ୍ୟୟନ ନିମନ୍ତେ ସୂଚିତ କରିଥଲେ। ଏବଂ ତାଙ୍କ ବକ୍ତବ୍ୟ ରେ  OKCL ର OS-CIT, OS-CIT A, OS-CIT A+ , Tally  ଏକ ଅନ୍ତଃରାଷ୍ଟ୍ରୀୟ ମାନର ପାଠ୍ୟକ୍ରମ ଯାହାକି ଓଡ଼ିଶା ସରକର ଙ୍କ ଦ୍ଵାରା ସ୍ୱୀକୃତି ପ୍ରାପ୍ତ ସଂସ୍ଥା  ଏବଂ ଏହା  ଛାତ୍ରଛାତ୍ରୀଙ୍କ ନିମନ୍ତେ ଉନ୍ନତ ଭବିଷ୍ୟତରେ କାର୍ଯ୍ୟକାରୀ ହେବ  କହିଥିଲେ । ପରିଶେଷରେ ଗଣିଆ କେନ୍ଦ୍ରର ମୁଖ୍ୟ ବିଜୟଲକ୍ଷ୍ମୀ ରାଉତ ଛାତ୍ରଛାତ୍ରୀଙ୍କ ଉତ୍ସାହ ନିମନ୍ତେ ଆକର୍ଷଣୀୟ ଅଫର୍  ପ୍ରଦାନ କରିବା ସହ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।

ଗଣିଆ ରୁ ବିଜୟ ଲକ୍ଷ୍ମୀ ରାଉତ ଙ୍କ ରିପୋର୍ଟ ପ୍ରେରଣା ନିଉଜ୍।