05-Oct-2024

ଆଗଲପୁର, (ବିନୋଦ ଦୀପ) ଆଗଲପୁର ବ୍ଲକ୍ ଅନ୍ତର୍ଗତ ମୁରସୁଣ୍ଡି ଗାଁ ର ସୁପୁତ୍ର ବନମାଳୀ ପଧାନ ଦେଶ ସେବା ସାରି ଚାକିରୀରୁ ଅବସର ନେଇ ଘରକୁ ଫେରିବା ପରେ ଦେଶ ମାତୃକାର ଜୟ ଜୟ ଧ୍ୱନିରେ କମ୍ପି ଉଠିଥିଲା ଗାଁ ଦାଣ୍ଡ l ତାଙ୍କୁ ଗ୍ରାମବାସୀ ଙ୍କ ଦ୍ଵାରା ଏପରି ଭଵ୍ୟ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା ଯାହା ଦେଖି ତାଙ୍କ ଆଖିରୁ ଲୁହ ଝରି ଯାଇଥିଲା l ବନମାଳୀ ଛୋଟ ବେଳୁ ବହୁତ୍ କଷ୍ଟ ସହିଛନ୍ତି ସେ ପଞ୍ଚମ ପଢ଼ୁଥିବା ସମୟ ରେ ବାପା ସ୍ୱର୍ଗତ ହରିଶ୍ଚନ୍ଦ୍ର ପଧାନ ଓ ମାଆ ସ୍ୱର୍ଗତ  କିଶୋରୀ ପଧାନ ତାଙ୍କୁ ଏକା କରି ଚାଲି ଯାଇଥିଲେ l ବାପା - ମାଆ ଙ୍କୁ ହରେଇ ସତେ ଯେମିତି ତାଙ୍କ ଗୋଡ଼ ତଳୁ ମାଟି ଖସି ଯାଇଥିଲା l ତାଙ୍କ ବଡ ଭାଇ ଯେ କି ସାହାରା ହେବା କଥା ସେ ବି ଜନ୍ମ ରୁ ଅନ୍ଧ ଏବେ ସେ ଆରପାରି ରେ, ପରିବାର ର ବୋଝ ତାଙ୍କ ଉପରେ ପଡ଼ିଲା କାନ୍ଦି କାନ୍ଦି ଦିନ ବିତିଲା l ଅଳ୍ପ ବୟସ ରୁ ବହୁ ସଂଘର୍ଷ କରି ଦାରିଦ୍ର୍ୟ ସୀମାରେଖା ତଳେ ରହି ମଧ୍ୟ ପାଠ ପଢ଼ା ରେ ହାର ମାନି ନ ଥିଲେl ସେ ମେଧାବୀ ଛାତ୍ର ଟିଏ ଥିଲେ। ବନମାଳୀ ଅସୁରମୁଣ୍ଡା ହାଇସ୍କୁଲ୍ ରେ ମାଟ୍ରିକ୍ ପାସ୍ କରିବା ପରେ ଲୋଇସିଂହା କଲେଜ୍ ରେ ଯୁକ୍ତ ଦୁଇ ଅଧ୍ୟୟନ କରିଥିଲେ, କଥାରେ ଅଛି ଅନାଥ ର ନାଥ ପ୍ରଭୁ ଜଗନ୍ନାଥ ଯାହାକି 2000 ମସିହା ରେ ଭାରତୀୟ ସୈନ୍ୟବାହିନୀରେ ଯୋଗଦେଇ ଦେଶସେବା କରିବା ପାଇଁ ସୁଯୋଗ ପାଇଥିଲେ l ଦୀର୍ଘ 24 ବର୍ଷ ଭାରତ ମାଆ ର ସେବା କରି ସେପ୍ଟେମ୍ବର 30 ତାରିଖ ସୋମବାର ଦିନ ଚାକିରୀ ରୁ ଅବସର ନେଇଥିଲେ ଏବଂ ଗୁରୁବାର ଗାଁ କୁ ଫେରିଥିଲେ l ତାଙ୍କ ବାଟ କୁ ସତେ ଯେମିତି ଚାତକ ପରି ଚାହିଁ ରହିଥିଲେ ଗ୍ରାମବାସୀ l ଜନ୍ମମାଟି ରେ ତାଙ୍କ ପାଦ ପଡ଼ିବା ମାତ୍ରେ ଭବ୍ୟ ସମ୍ବର୍ଦ୍ଧନା ଦେଇ ଛୁଆ ଠୁ ବୁଢ଼ା ସମସ୍ତେ ପାଛୋଟି ନେଇଥିଲେ l ତାଙ୍କୁ ପୁଷ୍ପମାଲ୍ୟ ଦେଇ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରି ବିଶାଳ ଶୋଭାଯାତ୍ରା  କରାଯାଇଥିଲା l ତାପରେ , ପ୍ରଭୁ ନୃସିଂହ ବାବା ଙ୍କ ପାଖରେ ପୂଜା କରାଯାଇଥିଲା ଏବଂ ପରେ ଗାଁ ର ବିଭିନ୍ନ ପଡ଼ା ବା ସାହି ପରିକ୍ରମା କରି ଥିଲେ l ଅବସର ପ୍ରାପ୍ତ ଯବାନ ଶ୍ରୀ ପଧାନ ଗ୍ରାମରେ ପରିକ୍ରମା କରିବା ସମୟରେ  ଗୁରୁଜନମାନଙ୍କୁ ପ୍ରଣାମ କରି ତାଙ୍କ ଆଶୀର୍ବାଦ ନେଇ ଦେଶ ଓ ମାତୃକାର ଗୌରବମୟ ଗାଥା ଜଣାଇ ଦେଶ ସୁରକ୍ଷା ପାଇଁ ତାଙ୍କର ଅତିବାହିତ ସମୟକୁ ପ୍ରକାଶ କରିଥିଲେ ଏବଂ ମାଟି ମା ସେବା ଓ ଭାରତ ମାତାର ସେବାରେ ଉତ୍ସର୍ଗ ରଖି ଯୁବପିଢି ମାନଙ୍କୁ ଦେଶ ସେବା କରିବା ପାଇଁ ଆହ୍ୱାନ ଦେଇଥିଲେ l