22-Sep-2024

କଣ୍ଟାମାଳ(ପ୍ରେରଣା ଖବର):କଣ୍ଟାମାଳ ବ୍ଲକ ଲମ୍ବସରୀ ପଞ୍ଚାୟତ ଅନ୍ତର୍ଗତ ବେହେରାପଡା ଠାରେ ଆଦିବାସୀ କନ୍ଧ ସମାଜ ପକ୍ଷରୁ ନୁଆଁଖାଇ ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଆରିମୂଳ ‌ପ୍ରଗଣା‌ ସଭାପତି ନରୋତ୍ତମ ମଲ୍ଲିକଙ୍କ ଆହ୍ୱାନକ୍ରମେ ଅନୁଷ୍ଠିତ କାର୍ଯ୍ୟକ୍ରମରେ କଣ୍ଟାମାଳ ବ୍ଳକର ବିଭିନ୍ନ ଅଞ୍ଚଳରୁ ଆଦିବାସୀମାନେ ନୁଆଁଖାଇ ‌ଭେଟଘାଟ କାର୍ଯ୍ୟକ୍ରମରେ ସାମିଲ ହୋଇଥିଲେ । ପ୍ରଥମେ ଆଦିମାତା ଆଦିଶକ୍ତିଙ୍କ ପୂଜାର୍ଚ୍ଚନା ପରେ ନରୋତ୍ତମ ମଲ୍ଲିକଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ କଣ୍ଟାମାଳ ବ୍ଳକ ଆଦିବାସୀ ସଙ୍ଘ ସଭାପତି ଡମ୍ବରୁଧର କହଁର, ନାରାୟଣପ୍ରସାଦ ସରପଞ୍ଚ ପ୍ରତିନିଧି ସତ୍ୟନାରାୟଣ ମାଝୀ, ରିଙ୍କୁ ମାଝୀ, ବିହାରୀ ମାଝୀ, ନିଳାଚଳ ଭୋଇ, ପ୍ରହଲ୍ଲାଦ ଭୋଇ, ଗୋପିନାଥ କହଁର ପ୍ରମୁଖ ଯୋଗଦେଇ ଆଦିବାସୀ ସଂସ୍କୃତି ଓ ନୁଆଁଖାଇ ବିଷୟରେ ମତବ୍ୟକ୍ତ କରିଥିଲେ l ଏହି ଅବସରରେ ସ୍ଥାନୀୟ ଆଦିବାସୀ କଳାକାର ମାନଙ୍କୁ ନେଇ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ସୁଶାନ୍ତ ମଲ୍ଲିକ, ବିଜୁ ମଲ୍ଲିକ, ବିରେନ ମଲ୍ଲିକ, ହେମନ୍ତ ଛତ୍ରିଆ, କିନ୍ତୁ ବେହେରା, ରାବଣେଶର ବେହେରା ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ l