19-Sep-2024

ନୂଆଦିଲ୍ଲୀ/ଭୁବନେଶ୍ୱର, ଓଡ଼ିଶା ଡାଏରୀ ଫାଉଣ୍ଡେସନ ଏବଂ ଓଡ଼ିଶା ମିଡିଆ ଇନ୍ଫୋ ସର୍ଭିସ୍ ଲିମିଟେଡର ଏକ ପଦକ୍ଷେପ କଳିଙ୍ଗ ସାହିତ୍ୟ ମହୋତ୍ସବ (କେ.ଏଲ୍.ଏଫ୍) ର ବହୁ ପ୍ରତୀକ୍ଷିତ ୧୧ ତମ ସଂସ୍କରଣ ଯାହା ମାର୍ଚ୍ଚ ୨୦୨୫ ରେ ହେବାକୁ ଯାଉଛି, ତାହା ପୂର୍ବରୁ ଏହାର ବିଶିଷ୍ଟ ପରାମର୍ଶଦାତା ବୋର୍ଡ ଗଠନର ଗର୍ବର ସହ ଘୋଷଣା କରିଛି। ଆରମ୍ଭରୁ, କେ.ଏଲ୍.ଏଫ୍. ଭାରତର ଏକ ପ୍ରମୁଖ ସାହିତ୍ୟିକ ମଞ୍ଚରେ ପରିଣତ ହୋଇଛି, ଯାହା ସାରା ବିଶ୍ୱର ଲେଖକ, ଚିନ୍ତାନାୟକ, କଳାକାର ଏବଂ ବିଦ୍ୱାନମାନଙ୍କ ମଧ୍ୟରେ ବାର୍ତ୍ତାଳାପ ଏବଂ ସାଂସ୍କୃତିକ ବିନିମୟକୁ ପ୍ରୋତ୍ସାହିତ କରି ଆସିଛି। ପରାମର୍ଶଦାତା ବୋର୍ଡର ଏହି ଘୋଷଣା କେ. ଏଲ୍. ଏଫ୍. ର ଯାତ୍ରାରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପକୁ ଚିହ୍ନିତ କରେ, ଯାହାର ଉଦ୍ଦେଶ୍ୟ ଉଭୟ ଭାରତ ଏବଂ ବାହାରେ ସାହିତ୍ୟ, କଳା ଏବଂ ଚିନ୍ତାଧାରାର ନେତୃତ୍ୱକୁ ପ୍ରୋତ୍ସାହିତ କରିବାର ଲକ୍ଷ୍ୟକୁ ଆଗକୁ ବଢ଼ାଇବା ଜ୍ଝ ଏହି ପରାମର୍ଶଦାତା ବୋର୍ଡରେ ସାହିତ୍ୟିକ ବିଶିଷ୍ଟ ବ୍ୟକ୍ତି, ସାଂସ୍କୃତିକ ପ୍ରତିମୂର୍ତ୍ତି ଏବଂ ବୁଦ୍ଧିଜୀବୀ ନେତାମାନଙ୍କର ଏକ ବିବିଧ ଗୋଷ୍ଠୀ ରହିଛି, ଯେଉଁମାନେ ଉତ୍ସବର ରଣନୈତିକ ଦୃଷ୍ଟିକୋଣ ଏବଂ କାର‌୍ୟ୍ୟକ୍ରମକୁ ମାର୍ଗଦର୍ଶନ କରିବେ। ଏହି ସମ୍ମାନିତ ବ୍ୟକ୍ତିମାନେ ସାହିତ୍ୟ, ଶିକ୍ଷା, ଗଣମାଧ୍ୟମ ଏବଂ କଳା କ୍ଷେତ୍ରରେ ଅସାଧାରଣ ଯୋଗଦାନ ଦେଇଛନ୍ତି।