18-Sep-2024

ବରଗଡ:(ନିରଞ୍ଜନ ତ୍ରିପାଠୀ) ଆଜି ବରଗଡ ସରକାରୀ ବାଳିକା ଉଚ୍ଚ ବିଦ୍ୟାଳୟ ଠାରେ ଛାତ୍ରୀମାନଙ୍କ ପାଇଁ ଜିଲ୍ଲା ଅଗ୍ନିଶମ ଓ ବିପର୍ଯ୍ୟୟ ପ୍ରଶମନ ବିଭାଗ ତରଫରୁ ଏକ ସଚେତନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଜିଲ୍ଲା ଅଗ୍ନିଶମ ଓ ବିପର୍ଯ୍ୟୟ ପ୍ରସମନ ଅଧିକାରୀ ସୁଦୀପ୍ତ ସ୍ୱାଇଁ ଛାତ୍ରୀମାନଙ୍କୁ ବିଭିନ୍ନ ପ୍ରକାରର ଅଗ୍ନି ନିରାପତ୍ତା ଓ ବିପର୍ଯ୍ୟୟ ପରିଚାଳନା ବିଷୟରେ ବିସ୍ତୃତ ଭାବରେ ତାଲିମ ଦେଇଥିଲେ l ଅଗ୍ନିଶମ ବିଭାଗର ଅନ୍ୟାନ୍ୟ କର୍ମଚାରୀ ମାନେ ପେଟ୍ରୋଲରେ, ଗ୍ୟାସ ସିଲିଣ୍ଡରରେ ଓ ବିଦ୍ୟୁତ ସର୍ଟ ସର୍କିଟ  ସମୟରେ ସୃଷ୍ଟି ହେଉ ଥିବା ନିଆଁକୁ କିପରି ଆୟତ୍ତ କରାଯାଇପାରିବ ଓ ସେଥିରୁ କିପରି ଧନ ଜୀବନ ରକ୍ଷା କରାଯାଇପାରିବ ସେ ସମ୍ବନ୍ଧରେ ମକଡ୍ରିଲ ମାଧ୍ୟ୍ୟମରେ ସଚେତନ କରାଇଥିଲେ । ତେବେ ଏହି କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନଶିକ୍ଷୟତ୍ରୀ ସୁଶ୍ରୀ ଶାନ୍ତି ସୁନା ଅଧ୍ୟକ୍ଷତା କରିଥିଲେ l  ଶେଷରେ ବରିଷ୍ଠ ଶିକ୍ଷକ ବିବେକାନନ୍ଦ ଅଦାବର ଧନ୍ୟବାଦ ଅର୍ପଣ କରିଥିଲେ l