17-Sep-2024

ମହାରାଷ୍ଟ୍ର, (ପ୍ରେରଣା ଖବର) ଗତ ସେପ୍ଟେମ୍ବର 15 ତାରିଖ ରବିବାର ଦିନ ମହାରାଷ୍ଟ୍ର ର ପୁନେସ୍ଥିତ କଳ୍ପତରୁ ହଲ ୟୁନିଭେର୍ସିଟି ରୋଡ଼ ଠାରେ ନୁଆଁଖାଇ ଭେଟଘାଟ 2024 ବଡ଼ ଧୂମଧାମ ରେ ପାଳିତ ହୋଇଯାଇଛି l ଏହି ପର୍ବ ରେ ରଙ୍ଗ ବେରଙ୍ଗ ର ପାରମ୍ପରିକ ସମ୍ବଲପୁରୀ ବସ୍ତ୍ର ପରିଧାନ କରି ସହରରେ ଥିବା ପ୍ରଭାସି ଓଡିଶାବାସି ଏକତ୍ର ହୋଇ ବହୁ ଉଲ୍ଲାସ, ଉଦ୍ଦୀପନା ଓ ହସଖୁସିରେ ନୁଆଁଖାଇ ପାଳନ କରିଥିଲେ l ଏହି ପର୍ବ ରେ ଅଧିଷ୍ଠାତ୍ରୀ ଦେବୀ ମା ସମଲେଶ୍ୱରୀ ଙ୍କୁ ପୂଜାର୍ଚନା କରି ତଥା ଓଡିଶା ରୁ ଆଣିଥିବା ନୂଆଧାନ ର ଭୋଗ ଲଗାଇ ଉପସ୍ଥିତ ଥିବା ସମସ୍ତେ ଭୋଗ ଲଗାଇଲେ l ଦିନ 10 ଟାରୁ କାର୍ଯ୍ୟକ୍ରମ ର ଶୁଭାରମ୍ଭ କରାଯାଇଥିଲା l ଏହାପରେ ମହିଳା ମାନେ ସମବେତ ଭଜନ ପରିବେଷଣ କରିଥିଲେ l ଏହାସହ କୁନି କୁନି ପିଲା ଏବଂ ବଡ଼ ମାନଙ୍କ ଦ୍ୱାରା ନାଚ, ଗୀତ ଓ ସଂଗୀତ ପର୍ବ କୁ ଉତ୍ସବମୁଖର କରିଥିଲା l ରୁଣୁଝୁଣୁ କଲାପରିଷଦ, ବଲାଙ୍ଗୀର ର ଢୋଲ, ତାସା, ନିଶାନ ଆଦି ପାଞ୍ଚ ବାଦ୍ୟ ର ତାଳେ ତାଳେ ଉପସ୍ଥିତ ଜନସାଧାରଣ ଙ୍କ ସମ୍ବଲପୁରୀ ନାଚ ଅଦଦ୍ଭୁତ ପରିବେଶ ସୃଷ୍ଟି କରିଥିଲା l ଏହି ମଞ୍ଚ ରେ ଯୋଗଦାନ କରିଥିବା ବ୍ୟକ୍ତିମାନେ ନିଜ ନିଜ ମଧ୍ୟରେ ଭାବର ଆଦାନପ୍ରଦାନ କରିଥିଲେ l କୁନି କୁନି ପିଲାଙ୍କ ଦ୍ୱାରା ପରିବେଷଣ ହୋଇଥିଲା ଚିତ୍ର, ନାଚ, ସଂଗୀତ l ପ୍ରତିଯୋଗିତା ରେ ଭାଗ ନେଇଥିବା କୁନି ପିଲାଙ୍କୁ ପୁରସ୍କାର ବିତରଣ କରାଗଲା l ମଧ୍ୟାହ୍ନ ଅବସରରେ ସୁସ୍ୱାଦିଷ୍ଟ ସୁଦ୍ଧ ଓଡ଼ିଆ ଖାଦ୍ୟ ଯଥା କ୍ଷୀରି, ପୂରୀ, ଲେଥା, କରଡ଼ି ଆମ୍ବିଳା, ଆରିସା, ରସଗୋଲା, କଙ୍କୋଡୋ ଭଜା, ବିରିବରା, ଚଣା ଝୋଳ, ଘୁଘୁନି, ଭାତ, ଡାଲି, ପୋଟଳ କସା ଜନସାଧାରଣ ଙ୍କ ମନ ମୋହି ନେଇଥିଲା l ଓଡ଼ିଆ ବାହାରେ ନୁଆଁଖାଇ ପାଳନ କରିବାରେ ପୁନେ ହେଉଛେ ଦିଲ୍ଲୀ ପରେ ଦ୍ଵିତୀୟ ସହର l 2007 ମସିହାରୁ ଦୀର୍ଘ 18 ବର୍ଷ ଏହି ପର୍ବ ପାଳନ କରି ଆସୁଛନ୍ତି l ନିବେଦିତା, ବନ୍ଦିତା, ଉମାକାନ୍ତ, ବେଣୁଧର, ସ୍ୱାଧୀନ, ନରେନ୍, ପ୍ରତ୍ୟୁଷ, କ୍ରିଷ୍ଣl, ଶିବାଶିଷ, ରବି, ଦିଲୀପ, ଦିଲୀପ ଓ ସରୋଜ ପ୍ରମୁଖ ସଦସ୍ୟ ନୁଆଁଖାଇ ଭେଟଘାଟ କାର୍ଯ୍ୟକ୍ରମ କୁ ଏହିବର୍ଷ ସୁଚାରୁରୂପେ ପରିଚାଳନା କରିଥିଲେ l ଆହୁରି ଅନେକ ପୁରୁଣା ସଦସ୍ୟ କାର୍ଯ୍ୟ ବ୍ୟସ୍ତତା ଯୋଗୁଁ ଆସିପାରି ନ ଥିଲେ l କିନ୍ତୁ କାର୍ଯ୍ୟକ୍ରମ ର ସଫଳତା ପାଇଁ ଶୁଭକାମନା ଜଣାଇଥିଲେ l ଏହି ପର୍ବ ରେ ପୂର୍ବ ବର୍ଷ ଅପେକ୍ଷା ପ୍ରବଳ ଜନ ସମାଗମ ହୋଇଥିଲା l ପରିଶେଷରେ ଚାହା ଓ ପକୁଡି ସାଙ୍ଗକୁ ଆମ୍ବଲପୁରୀ ନାଚ, ସଂଗୀତ ଧୁନରେ ସମସ୍ତ ଜନସାଧାରଣ ଝୁମି ଯାଇଥିଲେ l ଭାଇଚାରା ଓ ବନ୍ଧୁତା ବନ୍ଧନ ରେ ବାନ୍ଧି ରଖିଥିବା ଏହିପର୍ବ ପୁନେ ରେ ସଫଳତା ର ସହ ପରିଚାଳନା କରି ଥିବାରୁ ଯୋଗ ଦେଇଥିବା ଜନସାଧାରଣ ଭୂୟାଁସୀ ପ୍ରଶଂସା କରିଥିଲେ l ଏବଂ ଆଗାମୀ ଦିନ ମାନଙ୍କରେ ଓଡିଶା ର ବିଭିନ୍ନ ପର୍ବ ପର୍ବାଣି ପାଳନ କରିବା ପାଇଁ ଇଛାବ୍ୟକ୍ତ କରିଥିଲେ l