26-Aug-2024

ଆଜି ପବିତ୍ର ଜନ୍ମାଷ୍ଟମୀ ଉତ୍ସବ l ସାରା ଭାରତର ନରନାରୀ ଉତ୍ସବମୁଖର l ଉକ୍ତ ଦିନ ଦେବାଦି ଦେବ ଠାକୁର ଶ୍ରୀକୁଷ୍ଣ ଧରାପୁଷ୍ଠରେ ଅବତରଣ କରି ପାପଭାରାକ୍ରାନ୍ତ ଧରିତ୍ରୀକୁ ଦାନବମାନଙ୍କ ଠାରୁ ରକ୍ଷା କରିଥିଲେ l ତାଙ୍କର ଗୁଣାବଳୀ ଅବର୍ଣ୍ଣନୀୟ, ଅକଳ୍ପନୀୟ ଓ ଅଚିନ୍ତନୀୟ l ତାଙ୍କୁ ଭକ୍ତ ଭକ୍ତି ପ୍ରାଣରେ ଡାକିଲେ , ସେ ତାହାର ଦୁଃଖ  ଲାଘବ କରିଥାନ୍ତି l ସେହି ବନ୍ଦନୀୟ ଠାକୁରଙ୍କ ଜନ୍ମଦିନରେ ମନ୍ଦିର ଦେବାଳୟ ଆଜି ଭକ୍ତ ଓ ଭଗବାନ ଏକାକାର ହେବା ଭଳି ଦେଖାଯାଇଛି l ରାଇରଙ୍ଗପୁର ସହରସ୍ତ ମାଉସୀମା ମନ୍ଦିର, ଶ୍ରୀ ଜଗନ୍ନାଥ

ମନ୍ଦିର ଓ ଶ୍ରୀ ରାଧାକୁଷ୍ଣ ମନ୍ଦିର ରେ ଭକ୍ତମାନଙ୍କର ନାହିଁ ନ ଥିବା ଭିଡ ସାଙ୍ଗକୁ ଭକ୍ତଗଣ ଶ୍ରୀ ଠାକୁରଙ୍କ ଠାରେ ନୈବେଦ୍ଯ ସମର୍ପଣ କରି ଆଶିଷ କାମନା କରିଥିଲେ l ଏହି ଉପଲକ୍ଷେ ମାଉସୀମାଁ ମନ୍ଦିର  ଠାରେ ସନ୍ଧ୍ଯା ସମୟରେ ବାଦି ପାଲାର ଆୟୋଜନ କରାଯାଇଥିଲା l ଏହାକୁ ଦେଖିବାକୁ ସହରର ଶହ ଶହ ଭକ୍ତ ସମବେତ ହୋଇଥିଲେ l ତାସହିତ ପ୍ରଭୁଙ୍କର ଗୁଣକୀର୍ତ୍ତନ କରିଥିଲେ l ଭକ୍ତବୁନ୍ଦଙ୍କୁ ମନ୍ଦିର ପ୍ରଶାସନ ପକ୍ଷରୁ ପ୍ରସାଦ ବଣ୍ଟନ କରାଯାଇଥିଲା l ଲାଇଟ ଡେକୋରେସନ୍ ରେ ମନ୍ଦିରର ଶୋଭା ଦ୍ବିଗୁଣିତ ହୋଇଥିଲା l ଲୋକେ ପ୍ରଭୁଙ୍କୁ ଦର୍ଶନ କରି ଆତ୍ମତୁପ୍ତି ଅନୁଭବ କରିଥିଲେ l ଏହିପରି ବାମନଘାଟୀ ଉପଖଣ୍ଡର ସମସ୍ତ ବ୍ଲକରେ ମଧ୍ଯ ଧୁମ୍ ଧାମରେ ପବିତ୍ର ଜନ୍ମାଷ୍ଟମୀ ଉତ୍ସବ ପାଳିତ ହୋଇଯାଇଛି l

(ରାଇରଙ୍ଗପୁରରୁ ଶ୍ଯାମଳେନ୍ଦୁ ପରିଡାଙ୍କ ରିପୋର୍ଟ)