26-Aug-2024

ହରଭଙ୍ଗା(ଦେବବ୍ରତ ଦାଶଙ୍କ ରିପୋର୍ଟ) ମା ଦୁର୍ଗା ବଣିକ ସଂଘ ର ସଭାପତି ହେଲେ ବରିଷ୍ଠ ବ୍ୟବସାୟୀ ତଥା ସମାଜସେବୀ ବିଭୁଦତ୍ତ ବୋଷ । ବୌଦ୍ଧ ଜିଲ୍ଲା ଚାରିଛକ ମା ଦୁର୍ଗା ବଣିକ ସଂଘ ପକ୍ଷରୁ ନୂତନ ସଭାପତି ଚୟନ ହୋଇଯାଇଛି । ଦୀର୍ଘ ବର୍ଷ ଧରି ମା ଦୁର୍ଗା ବଣିକ ସଂଘ ର ସଭାପତି ଥିବା ଦିଲ୍ଲୀପ ସାହୁ  ବ୍ୟକ୍ତିଗତ କାରଣ ରୁ ସଭାପତି ପଦରୁ ନିଜର ଇସ୍ତଫା ପତ୍ର ସଂଘ କୁ ପ୍ରଦାନ କରିଛନ୍ତି । ପରେ ସଂଘ ର ସମ୍ପାଦକ ଅଜିତ କୁମାର ନାୟକ ମଧ୍ୟ ନିଜ ପଦରୁ ଇସ୍ତଫା ପ୍ରଦାନ କରିଥିଲେ । ଏ ନେଇ ସଂଘ ପକ୍ଷରୁ ଏକ ବୈଠକ ଡାକଯାଇ ନୂତନ ସଭାପତି ଚୟନ କରାଯାଇଛି । ଏହି ବୈଠକ ରେ ସଂଘ ର ଉପସଭାପତି ଦିଲ୍ଲୀପ କୁମାର ପ୍ରଧାନ ଙ୍କ ସଭାପତିତ୍ୱରେ ବଣିକ ସଂଘ ପ୍ରାୟ ୩୬ଜଣ ସଦସ୍ୟ ତଥା ବ୍ୟବସାୟୀ କ ଉପସ୍ଥିତ ରେ ସର୍ବସଂମ୍ମତି କ୍ରମେ ଚାରିଛକ ବଜାର ର ବରିଷ୍ଠ ବ୍ୟବସାୟୀ ତଥା ସମାଜସେବୀ ଓ ବଡ଼ଖବର ସାମ୍ବାଦିକ ବିଭୁଦତ୍ତ ବୋଷ ଙ୍କୁ ସଭାପତି ରୂପେ ଚୟନ କରାଯାଇଛି । ଯାହାକୁ ନେଇ ବଣିକସଂଘ ର ବ୍ୟବସାୟୀ ଙ୍କ ମଧ୍ୟ ଖୁସିର ମହୋଲ ରହିଥିବା ବେଳେ ଆଗାମୀ ଦିନରେ ବଣିକସଂଘ ତଥା ଚାରିଛକ ବଜାର ର ଉର୍ଣ୍ଣତି ଓ ସଂଘ ରେ ଶାନ୍ତି ଶୃଙ୍ଖଳା ବଜାଇ ରଖିବା ମୋ ମୁଖ୍ୟ ଲକ୍ଷ ବୋଲି ସଭାପତି ବିଭୁଦତ୍ତ ବୋଷ କହିଛନ୍ତି । ତାଙ୍କୁ ସଭାପତି ଭଳି ଗୁରୁଦାୟିତ୍ୱ ବଣିକ ସଂଘ ପ୍ରଦାନ କରିଥିବାରୁ ସଂଘର ସମସ୍ତ ସଦସ୍ୟ ଙ୍କୁ ଧନ୍ୟବାଦ ଯାଇଛନ୍ତି । ଅନ୍ୟପଟେ ଆଗାମୀ ବୈଠକରେ ନୂତନ ସମ୍ପାଦକ ଓ କର୍ମକର୍ତ୍ତା ଚୟନ କରାଯିବ ବୋଲ ନୂତନ ସଭାପତି କହିଛନ୍ତି ।