26-Aug-2024

ଖଣ୍ଡପଡା:ଖଣ୍ଡପଡା ବ୍ଲକ କୁମ୍ଭାରପଡା ଶ୍ରୀ ଶ୍ରୀ ଲଡ଼ୁକେଶ୍ୱର ଜୀଉ ମହାବିଦ୍ୟାଳୟ ପରିସରରେ ଶୁକ୍ରବାର ଯୁକ୍ତଦୁଇ ପ୍ରଥମ ବର୍ଷ ର ଛାତ୍ରଛାତ୍ରୀ ଙ୍କ ପାଇଁ ସ୍ୱାଗତ ଉତ୍ସବ ପାଳିତ ହୋଇଯାଇଛି l ଅନୁଷ୍ଠାନର ଅଧକ୍ଷ ପ୍ରମୋଦ କୁମାର ରାଉତ ଙ୍କ ଅଧକ୍ଷତାରେ ଆୟୋଜିତ କାର୍ଯ୍ୟକ୍ରମ ରେ ଅଧ୍ୟାପିକା ବିଜୟ ଲଷ୍ମୀ ରାଉତ କାର୍ଯ୍ୟକ୍ରମ କୁ ସଂଯୋଜନା କରିଥିଲେ l ପ୍ରଥମେ ଦ୍ୱିତୀୟ ବର୍ଷ ର ଛାତ୍ରଛାତ୍ରୀ ମାନେ ପ୍ରଥମ ବର୍ଷ ର ଛାତ୍ରଛାତ୍ରୀଙ୍କୁ ଫୁଲ ଚନ୍ଦନ ଦେଇ ସ୍ୱାଗତ କରିଥିଲେ l ପରେ ଏକ ସାଧାରଣବୈଠକ ଅନୁଷ୍ଠିତ ହୋଇଥିଲା l ଏହି ଅବସରରେ ଅଧ୍ୟାପକ ଗୁଣନିଧି ଦାଶ ଅନୁଷ୍ଠାନ ର ଇତିହାସ, ନୀତିନୀୟମ ଓ ଚଳିତବର୍ଷର ପାଠ୍ୟ କ୍ରମ, ସୁବିଧା ସୁଯୋଗ ସମ୍ପର୍କରେ ଆଲୋକପାତ କରିଥିଲେ l ମହାବିଦ୍ୟାଳୟ ର ସମସ୍ତ ଅଧ୍ୟାପକ, ଅଧ୍ୟାପିକା ମାନେ ନିଜର ପାଠ୍ୟକ୍ରମ ସଂକ୍ରାନ୍ତରେ ନବାଗତ ଛାତ୍ରଛାତ୍ରୀ ମାନଙ୍କୁ ସୂଚନା ପ୍ରଦାନ କରିବା ସହିତ  ଉନ୍ନତ ଶିକ୍ଷା ପ୍ରାପ୍ତି ଓ ସଂସ୍କାର ରେ ପରିଚାଳିତ ହେବା ପାଇଁ ପରାମର୍ଶ ଦେଇଥିଲେ l ମହାବିଦ୍ୟାଳୟ ର  ଦ୍ୱିତୀୟ ବର୍ଷ ର ଛାତ୍ରଛାତ୍ରୀ ମାନେ ଏହି ସୁନ୍ଦର କାର୍ଯ୍ୟ କ୍ରମ ଆୟୋଜନ କରିଥିବା ବେଳେ ଶେଷରେ ପାଠାଗାର ସହାୟକ ବିଜୟ କୁମାର ସେଠୀ  ଧନ୍ୟବାଦ ଅର୍ପଣ କରିଥିଲେ l ସୂଚନା ଥାଉ କି ଚଳିତବର୍ଷ ପ୍ରଥମ ପର୍ଯ୍ୟାୟରେ  ୮୦ ଜଣ ଛାତ୍ରଛାତ୍ରୀ ଯୁକ୍ତ ଦୁଇ ପ୍ରଥମ ଶ୍ରେଣୀ ରେ ନାମ ଲେଖାଇଛନ୍ତି।

[ନୟାଗଡ଼ରୁ ବିଜୟ ଲକ୍ଷ୍ମୀ ରାଉତଙ୍କ ରିପୋର୍ଟ, ପ୍ରେରଣା ନିଉଜ୍]