22-Aug-2024

ବରଗଡ଼(ନିରଞ୍ଜନ ତ୍ରିପାଠୀ)-ଟାଟା ପାୱାରର ମନମୁଖୀ ନୀତି ପାଇଁ ବରଗଡ଼ ଜିଲ୍ଲାର ଗ୍ରାମାଞ୍ଚଳର ବିଦ୍ୟୁତ ଉପଭୋକ୍ତାଙ୍କ ବିରୋଧ ବଢିବାରେ ଲାଗିଛି । ଏପରିକି ବିଭିନ୍ନ ସ୍ଥାନରେ କୃଷକ ତଥା ଘରୋଇ ବିଦ୍ୟୁତ ଗ୍ରାହକ ସ୍ମାର୍ଟ ମିଟର ଖୋଲି ବିଭାଗୀୟ କାର୍ଯ୍ୟାଳୟରେ ଜମା ଦେଉଥିବା ଜଣାଯାଏ । କମ୍ପାନୀର ମନମୁଖୀ ବିଦ୍ୟୁତ କାଟରେ ଗ୍ରାମାଞ୍ଚଳରୁ ସହରାଞ୍ଚଳର ଜନ ସାଧାରଣ ଅତିଷ୍ଠ ହୋଇ ପଡିଲେଣି। ବର୍ଷା ହେଲେ ମିଛ ସତ କରି ମନମୁଖୀ  ବିଦ୍ୟୁତ କାଟ ଏକ ସାଧାରଣ କଥା ହୋଇ ଯାଇଥିବା ପ୍ରକାଶ। ଦିନରେ ରାତିରେ ଲାଇନ କଟ୍ ରେ ଉପଭୋକ୍ତାଙ୍କ ଦୁଃଖ କହିଲେନ ସରେ ।ଏ ସମ୍ପର୍କରେ ପଚାରିଲା ଉତ୍ତର ମିଳେ ସଟଡାଉନ, ଟ୍ରିପ ଯାଇଛି।ଗତ ବୁଧବାର ରାତିରୁ ଲାଇନ କଟ୍ ହୋଇ ସକାଳ ଯାଏ ଆଠ ଘଣ୍ଟାରୁ ଅଧିକ ସମୟ ବିଦ୍ୟୁତ ବନ୍ଦ ରହିଥିଲା । ଏହି ପରି ଭାବରେ ସାରା ଜିଲ୍ଲାର ବିଦ୍ୟୁତ ଉପଭୋକ୍ତା ଟାଟା ପାୱାର ଉପରେ ଅସନ୍ତୁଷ୍ଟ ଥିବା ମତ ପ୍ରକାଶ ପାଏ ।