22-Aug-2024

ହରଭଙ୍ଗା(ଦେବବ୍ରତ ଦାଶ):-ଉପନିର୍ବାଚନରେ ହରଭଙ୍ଗା ବ୍ଲକ ଉପାଧ୍ୟକ୍ଷ ପଦ ପୁଣି ହାତେଇଲା ବିଜେପି । ରାଜ୍ୟ ନିର୍ବାଚନ ଅଧିକାରୀ ଙ୍କ ନିର୍ଦ୍ଦେଶ କ୍ରମେ ଆଜି ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ରେ ପଞ୍ଚାୟତ ସମିତି ଉପାଧ୍ୟକ୍ଷ ଉପ ନିର୍ବାଚନ ହୋଇଯାଇଛି । ଗତ ସାଧାରଣ ନିର୍ବାଚନରେ ପୂର୍ବ ଉପାଧ୍ୟକ୍ଷ ଥିବା ସରୋଜ କୁମାର ପ୍ରଧାନ ବୌଦ୍ଧ ରେ ବିଧାୟକ ପ୍ରାଥି ଭାବେ ବିଜେପି ରୁ ପାର୍ଟି ରୁ ନିର୍ବାଚନ ଲଢ଼ି ବହୁ ମତରେ ବିଜୟ ଲାଭ କରି ବୌଦ୍ଧ ବିଧାୟକ ହୋଇଥିଲେ । ପରେ ସେ ହରଭଙ୍ଗା ପଞ୍ଚାୟତ ସମିତି ଉପାଧ୍ୟକ୍ଷ ପଦରୁ ଇସ୍ତଫା ଦେଇଥିଲେ । ସେବେଠାରୁ ହରଭଙ୍ଗା ବ୍ଲକ ଉପାଧ୍ୟକ୍ଷ ପଦପି ଖାଲି ରହିଥିଲା । ତେବେ ଆଜି ଏହି ପଦବୀ ପାଇଁ ଉପନିର୍ବାଚନ ହୋଇଯାଇଛି  । ସୂଚନା ଥାଉକୁ ହରଭଙ୍ଗା ବ୍ଲକ ରେ  ୨୨ଟି ପଞ୍ଚାୟତ ରହିଥିବା ବେଳେ ଗତ ପଞ୍ଚାୟତ ନିର୍ବାଚନ ରେ ୧୨ଜଣ ବିଜେପି ସମର୍ଥିତ ସମିତି ସଭ୍ୟଙ୍କ ଭୋଟ ପାଇଁ ସରୋଜ ଉପାଧ୍ୟକ୍ଷ ପଦ ହାତେଇଥିଲେ ଓ ପତ୍ନୀ ସେହ୍ନଲତା ପ୍ରଧାନ ଅଧ୍ୟକ୍ଷ ପଦ ହାତେଇଥିଲେ । ଆଉ ୧୦ଟି ଭୋଟ ବିଜେଡି ପକ୍ଷରୁ ପ୍ରାଥି ଙ୍କୁ ଯାଇଥିଲା । ତେବେ ସରୋଜ ଗତ ୦୪.୦୬.୨୦୨୪ରେ ନିଜ ପଦ ରୁ ଇସ୍ତଫା ଦେଇଥିଲେ । ଦୀର୍ଘ ଦୁଇମାସ ପରେ ପଞ୍ଚାୟତ ସମିତି ଉପାଧ୍ୟକ୍ଷ ପଦ ପାଇଁ ଏବେ ନିର୍ବାଚନ ଅଧିକାରୀ ଙ୍କ ନିର୍ଦ୍ଦେଶକ୍ରମେ ହୋଇଛି ଉପନିର୍ବାଚନ । ତେବେ ନିର୍ବାଚନ କୁ ଆଖି ଆଗରେ ରଖି ସୁରକ୍ଷା ବ୍ୟବସ୍ଥା କଡାକଡି କରାଯାଇଥିବା ବେଳେ ବୌଦ୍ଧବ୍ଲକ ବିଡ଼ିଓ ଯୁଧିଷ୍ଠିର ମେହେର ନିର୍ବାଚନ ଅଧିକାରୀ ଭାବେ କରାଇଛନ୍ତି ହରଭଙ୍ଗା ପଞ୍ଚାୟତ ସମିତି ଉପାଧ୍ୟକ୍ଷ ନିର୍ବାଚନ । ସକାଳ ୧୦ଟା ସମୟରେ କୁସଙ୍ଗ ପଂଚାୟତ ସମିତି ସଭ୍ୟ କାହ୍ନୁ ଚରଣ ନାଥ ନାମାଙ୍କନ ପତ୍ର ଦାଖଲ କରିଥିଲେ । ପରବର୍ତ୍ତୀ ସମୟରେ ନିର୍ବାଚନ ଅଧିକାରୀ ଙ୍କ ଦ୍ଵାରା ନାମାଙ୍କନ ପତ୍ର ଯାଞ୍ଚ କରାଯାଇଥିଲା । କିନ୍ତୁ ତାଙ୍କ ବିପକ୍ଷରେ କୌଣସି

ନାମାଙ୍କନ ଭରାଯାଇନଥିଲା ଫଳରେ କାହ୍ନୁ ଚରଣ ନାଥ ନିର୍ଦ୍ୱନ୍ଦ ରେ ନିର୍ବାଚିତ ହୋଇ ଉପାଧ୍ୟକ୍ଷ ପଦ ହତେଇବା ରେ ସଫଳ ହୋଇଛନ୍ତି । ତାଙ୍କୁ ନିର୍ବାଚନ ଅଧିକାରୀ ବିଜୟ ଘୋଷଣା କରିଛନ୍ତି । କାହ୍ନୁ ଚରଣ ବିଜୟ ହେବା ପରେ ତାଙ୍କୁ ବିଜେପି ର ସମର୍ଥକ ମାନେ ପୁଷ୍ପଗୁଚ୍ଛ ଦେଇ ସ୍ୱାଗତ କରିଛନ୍ତି । ଅନ୍ୟପଟେ ଅଞ୍ଚଳ ବିକାଶ ତାଙ୍କର ମୂଳ ଲକ୍ଷ୍ୟ ବୋଲି ସେ ପ୍ରତିକ୍ରିୟା ରେ କହିଛନ୍ତି । ସେପଟେ ସରୋଜ ପ୍ରଧାନ ବିଧାୟକ ହେବା ପରେ ଖାଲି ରହିଛି ରାଧାନାଥ ଗ୍ରାମ ପଞ୍ଚାୟତ ର ସମିତି ସଭ୍ୟ ପଦପି ତେଣୁ ସମିତିସଭ୍ୟ ଉପନିର୍ବାଚନ ର ବିଜ୍ଞପ୍ତି କେବେ ପ୍ରକାଶ ପାଇବ ତାକୁ ନେଇ ରାଜନୈତିକ ମହଲରେ ଚର୍ଚ୍ଚା ଆଲୋଚନା ଜୋର ଧରିଛି।