21-Aug-2024

 ବରଗଡ଼/ବିଜେପୁର:(ନିରଞ୍ଜନ ତ୍ରିପାଠୀ)- ଗତ ଅଗଷ୍ଟ ୧ ତାରିଖ ସୁପ୍ରିମକୋର୍ଟ ମୁଖ୍ୟ ବିଚାରପତିଙ୍କ ଦ୍ବାରା ଅନୁସୂଚିତ ଜାତି/ଜନଜାତି ସଂରକ୍ଷଣ ବିରୋଧି ରାୟ ପ୍ରକାଶ କରାଯାଇଥିବାରୁ ତାର ପ୍ରତିବାଦରେ ସାରା ଦେଶରେ ଅଗଷ୍ଟ ୨୧ ତାରିଖ କୁ ୧୨ ଘଣ୍ଟିଆ ଭାରତ ବନ୍ଦ ଡାକରା ଦିଆଯାଇଥିଲା । ଏହାର ସଫଳ ରୂପାୟନ ନିମିତ୍ତ ପୂର୍ବ ପ୍ରସ୍ତୁତି ଅନୁସାରେ ଅଦ୍ୟ ୨୧ ତାରିଖ ବରଗଡ ଜିଲ୍ଲ ଅଞ୍ଚଳରେ ବନ୍ଦ ପାଳନ କରରାଯାଇଥିବା ବେଳେ ଅନୁସୂଚିତ ଜାତି/ଜନଜାତି ମିଳିତ ମଞ୍ଚ ବିଜେପୁର ବ୍ଲକ  ଆନୁକୂଲ୍ୟରେ ଆଇନଜୀବୀ ଧୀମାନ ପୂର୍ଣ୍ଣଚନ୍ଦ୍ର ପାଇକଙ୍କ ସଭିପତିତ୍ବରେ ସଫଳତାର ସହିତ ୧୨ ଘଣ୍ଟିଆ ବିଜେପୁର ବନ୍ଦ ପାଳିତ ହୋଇଯାଇଛି । ପ୍ରଥମେ ଶ୍ରୀରାମ ନଗର ଛକ ଠାରୁ ଏକ ବିରାଟ ଶୋଭାଯାତ୍ରାରେ ବିଜେପୁର ବସ୍ତି ପରିକ୍ରମା କରାଯାଇଥିଲା । ଏହାପରେ ସଭାକାର୍ଯ୍ୟ ଆରମ୍ଭ ହୋଇଥିଲା । ପ୍ରଥମେ ପ୍ରତୀମା ସୁନା ଉପସ୍ଥିତ ସମସ୍ତଙ୍କୁ ସମ୍ବିଧାନ ମୁଖବନ୍ଧ ପଠନ କରାଇଥିଲେ । କରୁଣା ଲୁହା ସ୍ବାଗତ ଅଭିଭାଷଣ, ଯୁବ ସମାଜସେବୀ ପ୍ରଦୀପ ଦୀପ ମଞ୍ଚ ପରିଚାଳନା ଓ ଅମୂଲ୍ୟ ସୁନା ଉଦ୍ଦେଶ୍ୟ ଜ୍ଞାପନ କରିଥିଲେ । ଉକ୍ତ କାର୍ଯ୍ୟକ୍ରମରେ ଅନୁସୂଚିତ ଜନଜାତି ଜିଲ୍ଲା ସଭାପତି ଦୁର୍ଜନ ବରିହା ସୁପ୍ରିମକୋର୍ଟ ଦେଇଥିବା ରାୟ ଊପରେ ଆାଲୋଚନା କରିଥିବା ବେଳେ ରମାକାନ୍ତ ସାଗର ସଂରକ୍ଷଣ ବ୍ୟବସ୍ଥା ଉପରେ ଉକ୍ତ ରାୟ ବାବଦରେ ଉପସ୍ଥିତ ଜନତାଙ୍କୁ ଅବଗତ କରରାଇଥିଲେ । ପଦ୍ମିନୀ ଲୁହା, ପ୍ରତିଭା ଭୋସାଗର ନିଜସ୍ବ ମନ୍ତବ୍ୟ ଦେଇଥିଲେ । ତହସିଲ ବାଗ କବିତା ମାଧ୍ୟମରେ ସଚେତନ କରେଇଥିଲେ । ସଂରକ୍ଷଣ କୁଟା ନୁହେ ଆମର୍ ହକ୍ ବୋଲି ପରିତୋଷ ହରିପାଲ ମନ୍ତବ୍ୟ ଦେଇଥିଲେ । ଅବସରପ୍ରାପ୍ତ ପ୍ରଧାନ ଶିକ୍ଷକ ଫଗୁ ଲୁହା SC/ST କର୍ମଚାରୀଙ୍କୁ ସଚେତନ ବାର୍ତ୍ତା ଦେଇଥିବା ବେଳେ ଅଧ୍ୟାପକ ବିକାଶ କୁମ୍ଭାର ଭାରତୀୟ ଜାତି ବ୍ୟବସ୍ଥା ଉପରେ ଆଲୋଚନା କରିଥିଲେ । ଏହି ଅବସରରେ ଆଇନଜୀବୀ

ଧୀମାନ ପାଇକ ସୁପ୍ରିମକୋରର୍ଟ ମୁଖ୍ୟ ବିଚାରପତି ଦେଇଥିବା ରାୟକୁ ଅସାମ୍ବିଧାନିକ ରାୟ ବୋଲି ମତପୋଷଣ କରିବା ସହିତ ଆଗାମୀ ଦିନରେ ଏପରି ରାୟ ନଦେବା ପାଇଁ ତାଗିଦ୍ କରିଥିଲେ । ସୁବୋଧ ମହାନନ୍ଦ, ଜୟକୃଷ୍ଣ ମହାନନ୍ଦ ଓ ଅଞ୍ଚଳର ଅନେକ ବୁଦ୍ଧିଜୀବୀ ସ୍ବମତ ପ୍ରକାଶ କରିଥିଲେ । ଏହି କାର୍ଯ୍ୟକ୍ରମରେ ଅସଂଖ୍ୟ ପୁରୁଷଙ୍କ ସମେତ ସହସ୍ରାଧିକ ମହିଳା ଯୋଗଦେଇ କାର୍ଯ୍ୟକ୍ରମକୁ ସଫଳ କରିଥିଲେ । ଅଙ୍ଗଦ ବାଗ, ପ୍ରଶନ୍ନ ଲୁହା, ନୃପ ଲୁହା, ଗୁରୁଚରଣ ସୁନା, ରାକେଶ ଷାଣ୍ଢ, ବିରେନ୍ଦ୍ର ବରିହା, ବିରେନ୍ଦ୍ର ମହାନନ୍ଦ, ଜ୍ୟୋତିରଞ୍ଜନ ଭୋଇ ସମେତ ବନ୍ଧୁବର୍ଗ ସହଯୋଗ କରିଥିଲେ । SC/ST ମିଳିତ ମଞ୍ଚ ସଭାପତି ପ୍ରଫୁଲ୍ଲ ଭୋଇଙ୍କ ତତ୍ତ୍ବାବଧାନରେ ଆୟୋଜିତ ଉକ୍ତ କାର୍ଯ୍ୟକ୍ରମ ଶେଷରେ ଅମୂଲ୍ୟ ସୁନା ଧନ୍ୟବାଦ ଅର୍ପଣ କରିଥିଲେ ।