13-Aug-2024

- ସୋନପୁର ( ମନୋରଞ୍ଜନ ତ୍ରିପାଠୀ) ବିଜୁ ପଟ୍ଟନାୟକ ଯୁକ୍ତ ଦୁଇ ମହିଳା ଉଚ୍ଚ ମାଧ୍ୟମିକ ସ୍କୁଲ୍ ଠାରେ ଏନ୍ ଏସ ଏସ ସେବା ଶିବିର ସପ୍ତାହ ପାଳନ ଅବସରରେ ଏକ ସ୍ୱଚ୍ଛତା ସଚେତନତା ସଭା ଅନୁଷ୍ଠିତ ହୋଇ ଯାଇଛି l ଏହି  କାର୍ଯ୍ୟକ୍ରମ ରେ ଅତିଥି ଭାବରେ ଯୁକ୍ତ ଦୁଇ ସ୍କୁଲ୍ ର ଅଧ୍ୟକ୍ଷା ନଳିନୀ ପ୍ରଭା ପ୍ରଧାନ , ଅଧ୍ୟାପିକା ସ୍ନିଗ୍ଧା ଦାସ, ସ୍ୱଚ୍ଛ ଭାରତ ସଂଗଠନ ର କୋଡ଼ିନେଟର  ମନୋରଞ୍ଜନ ତ୍ରୀପାଠୀ ଓ ବକ୍ତା ବା ଗବେଷକ ଭାବେ ସଂଗଠନ ର ଉପଦେଷ୍ଟା ପ୍ରଦୀପ ପୁରୋହିତ ଯୋଗ ଦେଈ ସ୍ବଚ୍ଛତା ଅଭିଯାନ ଓ ପରିମଳ ଉପରେ ଛାତ୍ରୀ ଙ୍କୁ ସଚେତନ କରାଇ ବାହ୍ୟ ସ୍ୱଚ୍ଛତା ସହିତ ପ୍ରତ୍ୟେକ କାର୍ଯ୍ଯ ରେ ବ୍ୟକ୍ତିଗତ ଓ ମନ ର ସ୍ବଚ୍ଛତା ରହିଲେ ମହାତ୍ମା ଗାନ୍ଧୀ ଙ୍କ କ୍ଲିନ୍ ଇଣ୍ଡିଆ (ସ୍ୱଚ୍ଛ ଭାରତ)  ଗ୍ରୀନ ଇଣ୍ଡିଆ (ସବୁଜ ଭାରତ) ସ୍ବପ୍ନ ସାକାର ହେବ ବୋଲି ମତ ରଖିଥିଲେ l ଅଳିଆ ଆବର୍ଜ୍ଜନା କୁ କାହାର ଅଇଁଠା ପତ୍ର କୁ ସଫା କରିବା ରେ ନିଜ କୁ ଛୋଟ ଭାବିବା ଅନୁଚିତ l କାରଣ  ଛୋଟ ରେ ହିଁ ଏକ ବଡ ସମ୍ଭାବନା ଥାଏ ବୋଲି ବୁଝାଇ ଥିଲେ l ସଭା କୁ ଇଂରାଜୀ ଅଧ୍ୟାପକ ମଧୁ ସୁଦନ ପୁଝାରୀ ସଂଯୋଜନା କରିଥିବା ବେଳେ ଏନ୍ ଏସ ଏସ ପ୍ରୋଗ୍ରାମ ଅଫିସର ସରସ୍ଵତୀ ଦାଶ ସ୍ଵାଗତ ଅଭିଭାଷଣ ରଖିଥିଲେ l ଏହି  ଏନ୍ ଏସ ଏସ ସପ୍ତାହ ର ଉଦ୍ଘାଟନୀ ଦିବସ ରେ ଶିଶୁ ଯୌନ ନିର୍ଯ୍ୟାତନା ଓ ଲିଙ୍ଗଗତ ସମ୍ବନ୍ଧୀୟ  ସାଧନା କର୍ମୀ ତଥା ଏଡଭୋକେଟ ହିମାଂଶୁ ଭୁଷଣ ନାୟକ, ଓ ଏଡ୍ସ ଉପରେ ସାଧନା କର୍ମୀ ଅଧ୍ୟାପକ ଉମାକାନ୍ତ ନାଗ ଙ୍କ ଦ୍ଵାରା ସଚେତନତା କାର୍ଯ୍ୟକ୍ରମ ଅନୁଷ୍ଟିତ ହୋଇଥିଲା l  ଛାତ୍ରୀ ମାନଙ୍କ ଦ୍ଵାରା ଶ୍ରୀ ରାମେଶ୍ଵର ମନ୍ଦିର ଠାରେ ସ୍ବଚ୍ଛତା ଅଭିଯାନ ଓ ବୃକ୍ଷ ରୋପଣ କାର୍ଯକ୍ରମ ଅନୁଷ୍ଟିତ ହୋଇଥିଲା l