13-Aug-2024

ବଲାଙ୍ଗିର(ଚିତ୍ରସେନ ବେହେରା): ନିର୍ବାଚନ ପୂର୍ବରୁ ଭାରତୀୟ ଜନତା ପାର୍ଟି ନିଜର ଘୋଷଣାପତ୍ରରେ ଯାହା ଯାହା ଉଲ୍ଲେଖ କରିଥିଲା,  ଗୋଟି ଗୋଟି କରି ସେ  ସବୁକୁ ପୂରଣ କରିଛି l ଏପରିକି ଗତ 8ତାରିଖ ରାଜ୍ୟରେ ଉପସ୍ଥାପନ ହୋଇଥିବା ବଜେଟ ଏକ ଐତିହାସିକ ବଜେଟ ବୋଲି ଆଜି ସ୍ଥାନୀୟ ସାମ୍ବାଦିକ ଭାବନା ଠାରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛି ବିଜେପି l ଓଡି଼ଆ ଅସ୍ମିତା ପାଇଁ 200 କୋଟି ଟଙ୍କା, ପୁରୀ ଜଗନ୍ନାଥ ମନ୍ଦିର ପାରିପାର୍ଶ୍ୱିକ ଉନ୍ନତି ପାଇଁ 500 କୋଟି ଟଂକା  ପ୍ରଦାନ କରିଛି ବିଜେପି l ଏହି ବଜେଟ ସମାଜର ସବୁସ୍ତରର ଲୋକଙ୍କୁ ସୁହାଇଲା ଭଳି ବଜେଟ ବୋଲି ବିଜେପି ପକ୍ଷରୁ କୁହାଯାଇଛି l ବଲାଙ୍ଗୀର ବିଜେପି ସଭାପତି ଶିବାଜୀ ମହାନ୍ତିଙ୍କ ଆବାହକତ୍ବରେ ଅନୁଷ୍ଠିତ ଆଜିର ସାମ୍ବାଦିକ ସମ୍ମିଳନୀରେ ବିଜେପି ନିଜର ନିର୍ବାଚନ ପ୍ରତିଶ୍ରୁତିକୁ ପାଳନ କରିଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କୃତଜ୍ଞତା ଜ୍ଞାପନ କରାଯାଇଥିଲା l ପୁରୀ ଜଗନ୍ନାଥ ମନ୍ଦିରର ଚାରି ଦ୍ଵାର ଖୋଲିବା, ରତ୍ନଭଣ୍ଡାରର ଚାବି ଆଣିବା, ସୁଭଦ୍ରା ଯୋଜନାରେ ମହିଳା ମାନଙ୍କୁ 50 ହଜାର ଟଙ୍କା ପ୍ରଦାନ, ଧାନର ସର୍ବନିମ୍ନ ସହାୟକ ମୂଲ୍ଯ 31ହଜାର ଟଂକାକୁ ବୃଦ୍ଧି, ସବୁ ଘରକୁ ବିଜୁଳି ଆଦି କ୍ଷେତ୍ରରେ ବିଜେପି ନିଜର କଥାକୁ କାମରେ କରି ଦେଖାଇଛି ବୋଲି ବିଜେପି ପକ୍ଷରୁ ସ୍ପଷ୍ଟ କରାଯାଇଛି l ଏଥିସହ ଓଡ଼ିଶାରେ ରେଳପଥର ବିକାଶ କ୍ଷେତ୍ରରେ ରାଜ୍ୟର ମୋହନ ସରକlର ନିଜର ଦକ୍ଷତାକୁ ପ୍ରମାଣିତ କରିଛନ୍ତି ବୋଲି ବିଜେପି ନିଜର ଦୃଢୋକ୍ତି ପ୍ରକାଶ କରିଛି l ଆଜିର ପ୍ରେସ୍ ମିଟ୍ ରେ ବିଜେପି ମିଡିଆ ପ୍ରଭାରୀ ଚିତ୍ରସେନ ବେହେରା, ଦିନେଶ ଶର୍ମା ଓ ଅମରଜିତ ପଟେଲ ଉପସ୍ଥିତ ଥିଲେ l