13-Aug-2024

ବୋଡ଼େନ (ରାମନାଥ ପଣ୍ଡା)
କେନ୍ଦ୍ର ସରକାର ତଥା ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀଙ୍କ ଆହ୍ବାନକ୍ରମେ ସମଗ୍ର  ଭାରତ ବର୍ଷରେ ହର ଘର ତ୍ରିରଙ୍ଗା ଅଭିଯାନ ଆରମ୍ଭ ହୋଇଯାଇଛି। ସ୍ବାଧୀନତାର ୭୮ ତମ ସ୍ବାଧିନତା ଦିବସ ପାଳନ ନିମିତ୍ତ ଆରମ୍ଭ ହୋଇଥିବା ହର ଘର ତ୍ରିରଙ୍ଗା ଅଭିଯାନରେ ସମଗ୍ର ଭାରତ ବର୍ଷର ଜନସାଧାରଣଙ୍କୁ ସାମିଲ କରି ବିଭିନ୍ନତା ମଧ୍ୟରେ ଏକତାର ବାର୍ତ୍ତା ପହଞ୍ଚାଇବାର ସୁନ୍ଦର ପ୍ରୟାସ କରାଯାଇଛି ।
ଏହି ଅବସରରେ ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ସମସ୍ତ ୧୫ ଗୋଟି ପଞ୍ଚାୟତରେ ସରପଂଚ,ସମିତି ସଭ୍ୟା ଓ ପଞ୍ଚାୟତ ନିର୍ବାହୀ ଅଧିକାରୀଙ୍କ ମାଧ୍ୟମରେ ମିଶନ ଶକ୍ତିର ସମସ୍ତ କ୍ୟାଡ଼ର ଯଥା ଏମ ବି କେ,ସି ଆର୍ ପି,କେ ଏମ ,ପି ଏମ ଏବଂ ଜି ଆର୍ ଏସ ଓ ଯୋଗାଣ ସହାୟକଙ୍କ ସହଯୋଗ କ୍ରମେ ବିଭିନ୍ନ ସ୍ଥାନରେ ପଦଯାତ୍ରା କରି ତ୍ରିରଙ୍ଗା ବଣ୍ଟନ କରାଯାଇଥିବା ବେଳେ ବ୍ଲକ ହେଡକ୍ୱାଟରରେ ଗୋଷ୍ଠୀ ଉନ୍ନୟନ ଅଧିକାରୀ  ପ୍ରିୟରଞ୍ଜନ କୁମାରଙ୍କ ନେତୃତ୍ୱରେ ସ୍ଥାନୀୟ ବିଜୁ ପଟ୍ଟନାୟକ ଉଚ୍ଚ ମାଧ୍ୟମିକ ବିଦ୍ୟାଳୟର କଳା,ବାଣିଜ୍ୟ ଓ ବିଜ୍ଞାନ ବିଭାଗ ଏବଂ ସ୍ନାତକ ମହାବିଦ୍ୟାଳୟର ସମସ୍ତ ଛାତ୍ର ଛାତ୍ରୀ କାର୍ଯ୍ୟକ୍ରମରେ ସାମିଲ ହୋଇଥିଲେ ।

ସ୍ନାତକ ମହାବିଦ୍ୟାଳୟ ପରିସରରୁ ଆରମ୍ଭ ହୋଇଥିଲା ହର ଘର ତ୍ରିରଙ୍ଗା କାର୍ଯ୍ୟକ୍ରମ । କାର୍ଯ୍ୟକ୍ରମରେ ବ୍ଲକ ଅଧ୍ୟକ୍ଷା ପ୍ରେମସିଲା ନାଗ ,ସହକାରୀ ନିର୍ବାହୀ ଯନ୍ତ୍ରୀ ଆଶୁତୋଷ ରାଉତ,ସହକାରୀ ଯନ୍ତ୍ରୀ ଯୋଗେଶ୍ୱର ନାଏକ, କନିଷ୍ଠ ଯନ୍ତ୍ରୀ ସଂଗ୍ରାମ କେଶରୀ ପରିଡ଼ା, ଜି ପି ଇ ଓ ଭୀଷ୍ମ କୁମ୍ଭାର ଓ ପ୍ରଫୁଲ୍ଲ କୁମାର ନାୟକ, ଏ ପି ଓ ରବିନାରାୟଣ ରାଉତ,ଓ ଏଲ ଏମ ବି ଏଲ ସି କମ୍ ବି ପି ଏମ ସୁନୀତା ସୋନା,ବି ପି  ସି ରଜେଶ କୁମାର ସାହୁଙ୍କ ସମେତ ବ୍ଲକ କାର୍ଯ୍ୟାଳୟର ସମସ୍ତ କର୍ମଚାରୀ,ଏ ଏସ ଆଇ ସୁରତ ମାଝୀଙ୍କ ସହ ପୋଲିସ କର୍ମଚାରୀ, ଉଭୟ କଲେଜର ଅଧ୍ୟାପକ ଅଧ୍ୟାପିକା , ବିଜେପି କର୍ମୀ,  ହଜାରରୁ ଉର୍ଦ୍ଧ ଛାତ୍ରଛାତ୍ରୀମାନେ ଅଂଶଗ୍ରହଣ କରିଥିଲେ | ଉଭୟ  କଲେଜରୁ ଏମ ଏସ ଏସ କାର୍ଯ୍ୟକର୍ତ୍ତା ସାମିଲ ରହି ସହଯୋଗ କରିଥିଲେ ।ପ୍ରଥମେ ସମସ୍ତେ ସ୍ନାତକ ମହାବିଦ୍ୟାଳୟ ପରିସର ମଧ୍ୟରେ  ଏକତ୍ରିତ ହୋଇ ୪ କି ମିଟର ଯାଏଁ ଏକ ବିରାଟ ତ୍ରିରଙ୍ଗା ପତାକା ଶୋଭାଯାତ୍ରାରେ ବାହାରି ଏକ ସ୍ୱରରେ ହର ଘର ତ୍ରିରଙ୍ଗା, ତ୍ରିରଙ୍ଗା ର ସମ୍ମାନ ଦେଶର ସମ୍ମାନ, ଭାରତ ମାତାକି ଜୟ , ବନ୍ଦେ ମାତରଂ, ହିନ୍ଦୁ ମୁସଲିମ ଶିଖ ଈସାଈ ଆମେ ସବୁ ଭାଇ ଭାଇ ଭଳି ବିଭିନ୍ନ ନାରା ଦେଇ ବୋଡ଼େନ  ବସ୍ତି ପରିକ୍ରମା କରିଥିଲେ |ପରେ ଏନ୍ ଏସ ଏସ ର ଏକ ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇ ଛାତ୍ର ଛାତ୍ରୀ ଙ୍କୁ ବିଭିନ୍ନ ସେବା ବିଷୟରେ ଦିଗଦର୍ଶନ ଦିଆଯାଇଥିଲା ।