05-Aug-2024

ସୁବର୍ଣ୍ଣପୁର  (ମନୋରଞ୍ଜନ ତ୍ରିପାଠୀ)

 ସୋନପୁର ବଡ଼ବଜାର ରାୟଗୁରୁ ପଡା ନିବାସୀ ଶଙ୍ଖନିଧି ରାୟଗୁରୂ (ମୁନ୍ନା) ଙ୍କ ୬୨ ବର୍ଷ ବୟସରେ ବିଶାଖାପାଟଣା ସ୍ଥିତ ଏକ ଘରୋଇ ହସ୍ପିଟାଲରେ ହୃଦଘାତ ଜନିତ ରୋଗର ଚିକିତ୍ସା ହେଉଥିବା ସମୟରେ ଦେହାନ୍ତ ଘଟିଛି। ତାଙ୍କର ଜୁଲାଇ ୮ ତାରିଖ ରେ ଓପନ ହାର୍ଟ ସର୍ଜରୀ ସଫଳତା ର ସହ ହୋଇଥିବା ବେଳେ ସେଠାରେ ରହି ସେ ଆସ୍ତେ ଆସ୍ତେ ସୁସ୍ଥ ଅନୁଭବ କରୁଥିଲେ କିନ୍ତୁ ହଠାତ ୪ ଦିନ ତଳେ ପୁଣି ଅସୁସ୍ଥତା ଅନୁଭବ କରିବାରୁ ପୁଣି ଚିକିତ୍ସା ଚାଲିଥିବା ବେଳେ ୩ ତାରିଖ ସକାଳୁ ଦେହାନ୍ତ ହୋଇଯାଇଥିଲା। ସୁବର୍ଣ୍ଣପୁର ଜିଲ୍ଲାରେ ଜଣେ ସ୍ବେଛାସେବୀ ଭାବେ ଜଣାଶୁଣା ଶ୍ରୀ ରାୟଗୁରୁ ଏଇ ମାଟି ପାଇଁ ଅନେକ ନିସ୍ଵାର୍ଥପର ସେବା କରି ଉଦାହରଣ ସୃଷ୍ଟି କରିଯାଇଛନ୍ତି। ବିଶେଷ ଭାବରେ ଦରବାର ସାହିତ୍ୟକୁ ସଂରକ୍ଷଣ କରି ଲୋକଲୋଚନକୁ ଆଣିବାର ଉଦ୍ୟମ ନିଶ୍ଚିତ ଭାବେ ତାଙ୍କୁ ଏଇ ମାଟି ମନେରଖିବ। ବିଭିନ୍ନ ଅନୁଷ୍ଠାନ ସହିତ ସେ ଯୋଡି ହୋଇ ମାଟିର ବିଭିନ୍ନ ସମସ୍ୟା ଉତ୍ଥାପନ କରି ସଫଳ ହୋଇଥିବାର ନଜିର ନିଶ୍ଚିତ ଆଗାମୀ ପିଢ଼ିଙ୍କୁ ପ୍ରେରଣା ଯୋଗାଇବ। ତାଙ୍କର ଧର୍ମପତ୍ନୀ ଗୋଟିଏ ପୁଅ ଓ ଗୋଟିଏ ଝିଅ ସହିତ ପରିବାରର ଭାଇଭଉଣୀ ଓ ଅନ୍ୟାନ୍ୟ ସଦସ୍ୟଙ୍କ ସହିତ ଏକ ସୌହାର୍ଦ୍ଧ୍ୟପୂର୍ଣ୍ଣ ପାରିବାରିକ ଜୀବନ ବିତାଉଥିବା ଶ୍ରୀ ରାୟଗୁରୁ ଙ୍କ ଅକାଳ ବିୟୋଗ ରେ ସାରା ସହର ସ୍ତବ୍ଧ ହୋଇଯାଇଛି। ବିଶାଖାପାଟଣା ରୁ ତାଙ୍କର ପାର୍ଥିବ ଶରୀର ସୋନପୁରରେ ରାତି ୧୧ ଟା ରେ ପହଞ୍ଚିବା ପରେ ଏକ ଶୋକାକୁଳ ପରିବେଶ ସୃଷ୍ଟି ହୋଇଥିଲା। ତାଙ୍କର ମର ଶରୀରକୁ ବହୁ ବିଶିଷ୍ଟ ବ୍ୟକ୍ତି ଅନ୍ତିମ ଦର୍ଶନ କରିଥିବା ବେଳେ ରାତ୍ର ୧୨ ଟାରେ ରାମେଶ୍ୱର ସ୍ଥିତ ତ୍ରୀବେଣୀ ସଙ୍ଗମ ଠାରେ ତାଙ୍କର ପୁଅ ଓମ ରାୟଗୁରୁ ମୁଖାଗ୍ନି ଦେବା ସହ ଅନ୍ତିମ ସଂସ୍କାର ଯଥାରୀତି ରେ ସତ୍କାର ହୋଇଥିଲା। ଶ୍ରୀ ଗୋପାଲ୍ଜି ତଡିତ ମନ୍ତ୍ର ଶ୍ୱାସ ସୋନପୁର ପକ୍ଷରୁ ସ୍ୱର୍ଗତ ରାୟଗୁରୁ ଙ୍କ ବିୟୋଗ ରେ ଶୋକ ସଭା ଅନୁଷ୍ଠିତ ହୋଇ ଥିଲା l ସମସ୍ତ ଯୋଗୀ ସାମୁହିକ ପ୍ରାର୍ଥନା କରି ଅମର ଆତ୍ମା ର ଶାନ୍ତି ସଦ ଗତି କାମନା କରି ଶ୍ରୀ ରାୟଗୁରୁ ଙ୍କ ସ୍ମୁତି ଚାରଣ କରିଥିଲେ l ଏବଂ ସୋନପୁର କୁ ଖୁବ୍ ଭଲ ପାଉଥିବା ଏଠିକାର ସାହିତ୍ୟ, କଳା ସଂସ୍କୃତି, ଐତିହ , ପରମ୍ପରା ପ୍ରେମୀ ଶ୍ରୀ ରାୟଗୁରୁ ସବୁଦିନ ମନେ ରହିବେ ବୋଲି ମତ ରଖିଥିଲେ l