04-Aug-2024

ବରଗଡ଼/ବିଜେପୁର:(ନିରଞ୍ଜନ ତ୍ରିପାଠୀ)-  ବରଗଡ଼ ଜିଲ୍ଲା ବିଜେପୁର ମିଳିତ ପ୍ରାଥମିକ ଶିକ୍ଷକ ସଂଘ ପକ୍ଷରୁ ସ୍ଥାନୀୟ ବିଧାୟକ ଜମିଦାର ସନତ କୁମାର ଗଡତୀୟାଙ୍କୁ ଉଛ୍ଵସିତ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା।ଏହି ଅବସରରେ କଲେଜ ରୋଡ ସ୍ଥିତ ଏସ.ଏଚ.ଜି ଭବନରେ ଏକ ଭଵ୍ୟ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା। ସଂଘର ସଭାପତି ବାସୁଦେବ ପଧାନଙ୍କ ଅଧ୍ୟକ୍ଷତାରେ ବରିଷ୍ଠ ଶିକ୍ଷକ ସୁମନ୍ତ କୁମାର ଗଡତୀୟା ସମ୍ମାନିତ ଅତିଥି ଭାବେ ଯୋଗଦେଇ ଥିଲେ।ଉତ୍ସଵକୁ ସିଆରସିସି ରାଜେଶ୍ଵର ବେହେରା ସଂଚାଳନ କରିଥିଲେ। ବିଧାୟକଙ୍କୁ ଉପାୟନ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଥିଲା। ସମାଜକୁ ଶୃଙ୍ଖଳିତ ତଥା ଉନ୍ନତ କରିବାରେ ପ୍ରାଥମିକ ଶିକ୍ଷାର ପ୍ରମୁଖ ଭୂମିକା ରହିଛି। ତେଣୁ ଏହି ଅଞ୍ଚଳରେ ଶୈକ୍ଷିକ ବାତାବରଣର ପ୍ରଗତି ପାଇଁ ବିଦ୍ୟାଳୟର ଭୌତିକ ପରିବେଶକୁ ସୁଦୃତ କରିବା ଦିଗରେ ମୋର ପ୍ରୟାସ ଅବ୍ୟାହତ ରହିବ ଵୋଲି ମୁଖ୍ୟ ଅତିଥି ବିଧାୟକ ସନତ କୁମାର ଗଡତୀୟା ସମ୍ବର୍ଦ୍ଧନାର ପ୍ରତ୍ୟୁତ୍ତରରେ ପ୍ରକାଶ କରିଥିଲେ। ଶିକ୍ଷକ ଶଶି ଭୂଷଣ ସାହୁ ଅତିଥି ପରିଚୟ ଓ ଉଦ୍ଦେଶ୍ୟ ଜ୍ଞାପନ କରିଥିଲେ। ଶିକ୍ଷକ ପ୍ରେମରାଜ ପଧାନ ଧନ୍ୟବାଦ ଅର୍ପଣ କରିଥିଲେ।