04-Aug-2024

ବରଗଡ଼/ବିଜେପୁର(ନିରଞ୍ଜନ ତ୍ରିପାଠୀ)- ବରଗଡ ଜିଲ୍ଲା ବିଜେପୁର ଏସ ଏଚ ଜି ଭବନରେ ବ୍ଲକର ମିଳିତ ପ୍ରାଥମିକ ଶିକ୍ଷକ ସଂଘ ପକ୍ଷରୁ ଵ୍ଲକସ୍ତରୀୟ ବିଦାୟ ସମ୍ବର୍ଦ୍ଧନା ସମାରୋହ ଅନୁଷ୍ଠିତ ହୋଇଯାଇଛି। ସଭାପତି ବାସୁଦେବ ପ୍ରଧାନଙ୍କ ଅଧ୍ୟକ୍ଷତାରେ ସଂପାଦକ ସୌମ୍ୟରଂଜନ ପଧାନ ମଞ୍ଚାସୀନ ଥିଲେ। ଏହି ଅବସରରେ ବିଜେପୁର ବ୍ଲକର ପ୍ରାକ୍ତନ ଵିଇଓ ସୁରେଶ କୁମାର ରାଉତରାୟଙ୍କୁ ଉପାୟନ ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଥିଲା। ସିଆରସିସି ଦୁର୍ବାଦଳ ବଡଗୋଛିଆ ମାନପତ୍ର ପଠନ କରିଥିଲେ। କଣ୍ଠଶିଳ୍ପୀ ପଦ୍ମନାଭ ଦାଶ ସ୍ବାଗତ ସଙ୍ଗୀତ ପରିବେଷଣ କରିଥିଲେ।ଶଶି ଭୂଷଣ ସାହୁ ଅତିଥି ପରିଚୟ, ବରିଷ୍ଠ ଶିକ୍ଷକ ଭାଗବତ ସାହୁ ଉଦ୍ଦେଶ୍ୟ ଜ୍ଞାପନ କରିଥିଲେ। ସାମ୍ପ୍ରତିକ ସମୟ ବିଜ୍ଞାନ ଓ ପ୍ରଯୁକ୍ତି ବିଦ୍ୟାର ଯୁଗ। ପ୍ରତିଟି କ୍ଷେତ୍ରରେ ଏହି ବିଦ୍ୟାର ବହୁଳ ବ୍ୟବହାର ହେଉଛି। ତେଣୁ ସମସ୍ତ ଶିକ୍ଷକ ଶିକ୍ଷୟିତ୍ରୀ ବିଜ୍ଞାନ ଓ ପ୍ରଯୁକ୍ତି ବିଦ୍ୟାର ଦକ୍ଷ ହେଵା ଆବଶ୍ୟକ ଵୋଲି ପ୍ରାକ୍ତନ ବିଇଓ ରାଉତରାୟ ସମ୍ବର୍ଦ୍ଧନାର ପ୍ରତ୍ୟୁତ୍ତରରେ ପ୍ରକାଶ କରିଥିଲେ। ଶିକ୍ଷକ ସଂଘ ପକ୍ଷରୁ ବିଡ଼ିଓଙ୍କୁ ନିଆରା ଢଙ୍ଗରେ ଶୁଭେଚ୍ଛା ଜ୍ଞାପନ କରାଯାଇଥିଲା। ଶିକ୍ଷକ ଅକ୍ଷୟ ସାହୁ ସଂଗୀତରେ, କଵି ରାମ ପ୍ରସାଦ ବାଗ କବିତାରେ ତଥା ଶିକ୍ଷୟିତ୍ରୀ କଵିତା ସାହୁ ବକ୍ତବ୍ୟ ମାଧ୍ୟମରେ ଶୁଭେଚ୍ଛା ଜଣାଇଥିଲେ। କାର୍ଯ୍ୟକ୍ରମ ପରିଚାଳନାରେ ପ୍ରାଥମିକ ଶିକ୍ଷକ ସଂଘର କର୍ମକର୍ତ୍ତାଗଣ ସହଯୋଗ କରିଥିଲେ। ଶିକ୍ଷକ ପ୍ରେମରାଜ ପଧାନ ଧନ୍ୟବାଦ ଅର୍ପଣ କରିଥିଲେ।