03-Aug-2024

ତରଭା《କପିଳାସ ସେଠ》 ବଲାଙ୍ଗୀର-ଖୋର୍ଦ୍ଧା ୫୭ନମ୍ବର ଜାତୀୟ ରାଜପଥ  ଶିବତୁଳା ପମ୍ଫ ନିକଟରେ କଂକ୍ରିଟ ରାସ୍ତାରୁ ସିମେଣ୍ଟ ଉଠିଯାଇ ଲୁହାଛଡ଼ ବାହାରି  ଯାଇ ମରଣଯନ୍ତାରେ ପରିଣତ ହୋଇଛି I ବିଭାଗୀୟ ଅଧିକାରୀ ଜାଣି ଦେଖି ନିରବ ରହିଥିବାରୁ ଅଞ୍ଚଳରେ ଅସନ୍ତୋଷ ବୃଦ୍ଧି ପାଉଛି I ଜାତୀୟ ରାଜପଥ ବିଭାଗ ପକ୍ଷରୁ ବଲାଙ୍ଗିରରୁ ସୋନପୁର ପର୍ଯ୍ୟନ୍ତ କଂକ୍ରିଟ ରାସ୍ତା ନିର୍ମାଣ ହୋଇଛି l ବଳାଙ୍ଗିରରୁ ୨୩ କିମି ଦୂର ଶିବତୁଳା ସର ପୋଲର ଉପର କଂକ୍ରିଟ ଉଠି ଗଲାଣି ଏବଂ ଟିକେ ଆଗକୁ ରାସ୍ତା ମଝି ଜଏଣ୍ଟ ଜାଗା ଓସାରିଆ ହୋଇ ଯାଇଥିବାରୁ ବାଇକ ଆରୋହୀ ମାନେ ଦୁର୍ଘଟଣାର ଶିକାର ହେଉଛନ୍ତି I ଉକ୍ତ ଜଏଣ୍ଟ ସ୍ଥାନରେ ପିଚୁଭର୍ତ୍ତି କରିବା କଥା ହେଲେ କରାଯାଇ ନାହିଁ I ଶିବତୁଳା ୧୮ଏମ.ଏଲ.ଡି ଜଳ ବିଶୋଧନାଗାର ପମ୍ପହାଉସ ସମ୍ମୁଖରେ ରାସ୍ତା ଉପରୁ କଂକ୍ରିଟ ଉଠି ଲୁହା ଛଡ଼ ରାସ୍ତା ଉପରକୁ ଉଠି ଦିଶି ଯାଉଛି। ଏଠାରେ ନିମ୍ନମାନର କାମ ହୋଇଥିବା ଅଭିଯୋଗ ହେଉଛି। ଏହି ରାସ୍ତା ନିର୍ମାଣରେ ତ୍ରୁଟି ଯୋଗୁଁ ବିଭିନ୍ନ ସମୟରେ ଦୁର୍ଘଟଣା ଘଟୁଥିବା ବେଳେ ଉକ୍ତ ସ୍ଥାନଟି ଲୁହା ଛଡ଼ ଟେକି ହୋଇ ଦୁର୍ଘଟଣାକୁ ଆମନ୍ତ୍ରଣ କରୁଛି। ବିଶେଷ କରି ବାଇକ ଆରୋହୀ ଯାତ୍ରୀଙ୍କ ପାଇଁ ରକ୍ତ ସ୍ଥାନଟି ଅତି ବିପଦଜନକ ହୋଇ ରହିଛି। ଦୀର୍ଘ ମାସ ବିତି ଯାଇଥିଲେ ହେଁ ଏନଏଚ କର୍ତ୍ତୃପକ୍ଷ ନିଦାବିଷ୍ଣୁ ସାଜିଛନ୍ତି । ରାସ୍ତାର ଅବସ୍ଥା ଏପରି ହୋଇଛି ଯେ ସାମାନ୍ୟ  ଅସାବଧାନତା ହେଲେ ଧନଜୀବନହାନୀ ହେବାର ସମ୍ଭାବନା ରହିଛି I ଏସମ୍ପର୍କରେ ଏନଏଚ ବଲାଙ୍ଗିର ଡିଭିଜନର ମୂଖ୍ୟଯନ୍ତ୍ରୀଙ୍କୁ ଫୋନ ଯୋଗେ ଯୋଗାଯୋଗ ସମ୍ଭବ ହୋଇ ପାରିଲା ନାହିଁ l ଜାତୀୟ ରାଜପଥ ନିର୍ମାଣ କାରି ସଂସ୍ଥା ଓ ବିଭାଗୀୟ ଅଧିକାରୀ ଯାତାୟାତ କରୁଛନ୍ତି, ରାସ୍ତାର ଅବସ୍ଥା ଦେଖୁଛନ୍ତି ହେଲେ ଏହାର ସମାଧାନ ପାଇଁ କୌଣସି ପଦକ୍ଷେପ ନେଉ ନ ଥିବାରୁ ଅସନ୍ତୋଷ ବୃଦ୍ଧି ପାଉଛି I ଏ ନେଇ ଏନଏଚ ର ବିଭାଗୀୟ ଅଧିକାରୀ ଦୃଷ୍ଟି ଦେଇ ଶ୍ରୀଘ୍ର ମରାମତି କରିବାକୁ ଦାବୀ ହେଉଛି l ଏହି ସ୍ଥାନରେ ତୁରନ୍ତ ମରାମତି କରାନଗଲେ ଜୀବନହାନୀର ଅଧିକ ସମ୍ଭାବନା ରହିଛି I 
 ଜାତୀୟ ରାଜପଥକୁ ମରାମତି କରାଯାଉ ନଥିବା ବେଳେ ପ୍ରତ୍ୟେକ ଚାରିଚକିଆ ଯାନବାହାନ ଠାରୁ ଟୋଲ ଟେକ୍ସ ନିଆଯାଉଛି I ଏହା କେତେ ଯୁକ୍ତିଯୁକ୍ତ ବୋଲି ବିଭିନ୍ନ ମହଲରେ ଆଲୋଚନା ହେଉଛି I