03-Aug-2024

ସିନ୍ଧେକେଲା(ଅନୀଲ କୁମାର ତ୍ରିପାଠୀ):  ବଲାଙ୍ଗୀର ଜିଲ୍ଲା ସିନ୍ଧେକେଲା ସ୍ବାସ୍ଥ୍ୟକେନ୍ଦ୍ରରେ ରୋଗୀ କଲ୍ୟାଣ ସମିତିର ବୈଠକ ଅନୁଷ୍ଠିତ ହୋଇଯାଇଛି। କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ ଙ୍କ ଅଧ୍ୟକ୍ଷତାରେ ହୋଇଥିବା ଏହି ବୈଠକରେ ବଙ୍ଗୋମୁଣ୍ଡା ବ୍ଲକ ଅଧ୍ୟକ୍ଷା ରଞ୍ଜୁବାଲା ବେହେରା, ବିଡ଼ିଓ ବାସନ୍ତୀ ସେଠୀ, ଏମଓଆଇସି ଜୟନ୍ତ ବାଗ, ବଲାଙ୍ଗୀର ସାଂସଦ ପ୍ରତିନିଧି ଅନିଲ ନାଏକ ପ୍ରମୁଖ ମଞ୍ଚାସିନ ଥିଲେ। ସିନ୍ଧେକେଲା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର କଳାହାଣ୍ଡି, ବଲାଙ୍ଗୀର ଓ ନୁଆପଡା ଜିଲ୍ଲାର ସିମାନ୍ତରେ ଅବସ୍ଥିତ ଥିବାରୁ ଏହି ସ୍ବାସ୍ଥ୍ୟକେନ୍ଦ୍ର ଉପରେ ତିନି ଜିଲ୍ଲାର ସିମାନ୍ତରେ ଥିବା ଲୋକଙ୍କ ପ୍ରାଣକେନ୍ଦ୍ର ରୂପେ ପରିଗଣିତ। ବର୍ତ୍ତମାନ ଏହି ସ୍ବାସ୍ଥ୍ୟକେନ୍ଦ୍ର ବହୁ ସମସ୍ୟା ଦେଇ ଗତି କରୁଥିବାବେଳେ କିଛି ଦିନ ଆଗରୁ ଛାତରୁ ଅତଡ଼ା ଖସି ଯିବାରୁ ଅଳ୍ପକେ ବର୍ତ୍ତି ଯାଇଥିଲେ ଜଣେ ମାଁ ଓ ନବଜାତ ଶିଶୁ। ଏଭଲି ସ୍ଥଳେ ହସ୍ପିଟାଲ କର୍ତ୍ତୃପକ୍ଷ ଛାତ ଉପରେ ଜିଆଇ ଚଦର ବିଛାଇବା ପାଇଁ ପ୍ରସ୍ତାବ ରଖିବା ଆଉ କୌଣସି ରୋଗୀର ଜିବନ ପ୍ରତି ଖେଳିବା ଭଲି ହେବ ବୋଲି ବିଧାୟକ ଲକ୍ଷ୍ମଣ ବାଗ ବୈଠକରେ କ୍ଷୋଭ ପ୍ରକାଶ କରିଥଲେ।

ଦରକାର ପଡିଲେ ଅନ୍ୟ କୋୖଣସି ସରକାରୀ ବିଳ୍ଡିଂରେ କାମ ଚଳେଇବା ଶ୍ରେୟସ୍କର ବୋଲି କହିଥିଲେ। ବୈଠକରେ ବିପିଏମ ତପନ ବିହାରୀ ପଟ୍ଟନାୟକ , ବାମ ଏସପି ରଥ, ସିନ୍ଧେକେଲା ସରପଞ୍ଚ ନରେଶ ଅଗ୍ରୱାଲ, ସମିତି ସଭ୍ୟ ଭୋଲାନାଥ ବେହେରା, ସାମ୍ବାଦିକ ଅନିଲ କୁମାର ତ୍ରିପାଠୀ, ହୁଲେଶ୍ବର ହଂସ, ନୌରାଜ ରଣା, ହେମନ୍ତ ସାହୁ, ରୋହିତ ସାହୁ, ଜୟନ୍ତ ଖମାରୀ, ଜଗନ୍ନାଥ ବେହେରା, ପର୍ମା ସାହୁ, ପପୁ ସାହୁ, ବାବୁଲାଲ ସାହୁ, ଜଉବନ ବାଗ, ମୁକେଶ ବାଗ, ପପୁ ଯୁଏଡ, ଝରିଆଲ ସରପଞ୍ଚ ଭରଦ୍ୱାଜ ଗହୀର ପ୍ରମୁଖ ଉପସ୍ଥିତ ଥିଲେ।