31-Jul-2024

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଲକ ଅନ୍ତର୍ଗତ ଅସୁରଗଡ ଠାରେ ଗୁରୁ ଭଗବାନ ସାହୁ ଶବ୍ଦାନୃତ୍ୟ ପ୍ରଶିକ୍ଷଣ କେନ୍ଦ୍ର ଆନୁକୂଲ୍ୟରେ ଗୁରୁଙ୍କର ଜନ୍ମ ଜୟନ୍ତୀ ପାଳନ କରାଯାଇଥିଲା ପ୍ରଥମେ ନାଟ୍ୟ ମହର୍ଷି ଗୁରୁ ଭଗବାନ ସାହୁଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ ପୂର୍ବକ ପୂଜାର୍ଚନା ପରେ ସ୍ଥାନୀୟ ଅମର ଜ୍ୟୋତି କ୍ଲବ ପରିସରରେ ଭୁବନ ଭୋଇଙ୍କର ଅଧ୍ୟକ୍ଷତାରେ ଏକ ସଭା ଅନୁଷ୍ଠିତ ହୋଇଥିଲା l ଏଥିରେ ମୁଖ୍ୟ ଅତିଥି ଭାବରେ ଡୁଙ୍ଗୁରିପାଲି ସାହିତ୍ୟ ଓ ସାଂସ୍କୃତିକ ସଂସଦର ସଭାପତି ଡ଼ ସୁବାସ ଚନ୍ଦ୍ର ପାତ୍ର ଯୋଗଦେଇ ଗୁରୁଙ୍କର ବହୁ ଚର୍ଚ୍ଚିତ ନାଟକ ସୁରେନ୍ଦର ସାଏର ପ୍ରକାଶନ ତଥା ଶବ୍ଦନୃତ୍ୟର ଭବିଷ୍ୟତ ସମ୍ପର୍କରେ ଆଲୋକପାତ କରିଥିଲେ l ମୁଖ୍ୟବକ୍ତା ଟିକେଲାଲ ରାଉତ ଗୁରୁଙ୍କ ଜୀବନଚର୍ଯ୍ୟl ଉପରେ ଆଲୋଚନା କରିଥିବା ବେଳେ ସମ୍ମାନିତ ଅତିଥି ଭାବରେ ସୁନ୍ଦର ସାଏ ନାଟ୍ୟ ଅଭିନେତା ବସୁଦେବ ପଧାନ ଶବ୍ଦ ନୃତ୍ୟ କୁ ଜାତୀୟ ସ୍ତରରେ ପହଞ୍ଚାଇବାର ପ୍ରୟାସ ଆବଶ୍ୟକ ବୋଲି ମତ ରଖିଥିଲେ l କବି ଉଦ୍ଧବ ବାରିକ ସ୍ୱରଚିତ କବିତା ମାଧ୍ୟମରେ ଗୁରୁଙ୍କର ବନ୍ଦନା କରିଥିଲେ l ସମ୍ମାନିତ ଅତିଥି ରାଧାକାନ୍ତ ଗଡ଼ତିଆ କବିଙ୍କ ଜୀଵନ ସଂଗ୍ରାମ ଆମ ହୃଦୟକୁ ଆଲୋଡିତ କରିଛି ବୋଲି ମତ ପ୍ରଦାନ କରିଥିଲେ l ସଭାକୁ ଅତି ସୁନ୍ଦର ଭାବରେ କବି ହିମାଂଶୁ ଭୂଷଣ ପଣ୍ଡା ସଂଚାଳନ କରିଥିଲେ l ଶେଷରେ ସମ୍ବିତ ପାଢ଼ୀ ଧନ୍ୟବାଦ ଅର୍ପଣ କରିବା ପରେ ସଭା ସାଙ୍ଗ ହୋଇଥିଲା l ଅନୁଷ୍ଠିତ ସଭାକୁ ନୃତ୍ୟ ଗୁରୁ ଶ୍ରୀ ଗଦାଧର ବରିହା,କବି ମର୍ଦରାଜ ବାରିକ,ଜୟଲାଲ ନାୟକ, ଅଗସ୍ତି ହରିପାଳ,ରାଜିନ୍ଦ୍ର ସୁନା, ଶୁକଦେବ ହରିପାଳ,ଉମାକାନ୍ତ ବାରିକ,ଯଦୁ ସେଠି,ଦୁଃଶାସନ ମେଲ୍ଲୀ,ନିରୋଜ ସେଠି, ସବାସ୍ୱରୂପ ନନ୍ଦନ ବାରିକ, ବୈରାଗୁ କମ୍ପ,ସୀତାରାମ ବାରିକ,ପ୍ରସନ୍ନ ମହାକୁର, ସୁଦାମ ଭୋଇ,ସର୍ବେଶ୍ୱର ବନଛୋର,ଦୌଲଥ ଭୋଇ ପ୍ରମୁଖଙ୍କ ସମେତ ଅମର ଜ୍ୟୋତି କ୍ଲବର ସଦସ୍ୟଗଣ ଏବଂ ଅସୁରଗଡ଼ ଗ୍ରାମବାସୀ ସହଯୋଗ କରିଥିଲେ l