19-Jul-2024

ସିନାପାଲି(ଚିନ୍ତାମଣି  ନେତାମ ) ନୂଆପଡ଼ା ଜିଲ୍ଲା ସିନାପାଲି ବ୍ଲକ ହାତୀବନ୍ଧାର କୁନି ଝିଅ ସେଲଭି ମେହେର ଇଣ୍ତିଆ ବୁକ୍ ଅଫ ରେକର୍ଡରେ ସ୍ଥାନ ପାଇଥିବା ଜଣାପଡ଼ିଛି ା ସ୍ଥାନୀୟ ସରକାରୀ ଉଚ୍ଚ ବିଦ୍ଯାଳୟର ଶିକ୍ଷକ ରୂପେଶ ମେହେର ଓ ସୁଗୃହିଣୀ ଖିରନ୍ଦ୍ରୀ ମେହେରଙ୍କ ଏହି କୁନି ପ୍ରତିଭା ମାତ୍ର ଦୁଇ ବର୍ଷ ଚାରି ମାସର ହୋଇଥିବା ବେଳେ ତାର ଏଭଳି ରେକର୍ଡ ଅଂଚଳରେ ଚର୍ଚ୍ଚାର ବିଷୟ ହୋଇଛି ା ସେ ୧୫ ପ୍ରକାର ପଶୁପକ୍ଷୀ ,୧୨ ପ୍ରକାର ଯାନବାହାନ, ଶରୀରର ୧୩ ଟି ଅଂଶ, ୬ ଟି ଆକୃତି, ୮ ଟି ପନିପରିବା, ୧୬ ପ୍ରକାର ଫଳ, ୧୦ ଟି ରଙ୍ଗ , ୯ ଟି ଫୁଲ ଚିହ୍ନଟ, ୨ ପଣକିଆ, ଇଂରାଜୀ ବର୍ଣ୍ଣମାଳାର ସଂପୃକ୍ତ ଶବ୍ଦ, ଇଂରାଜୀ ରେ ୧ ରୁ ୧୦, ଓଡ଼ିଆ ରେ ୧ ରୁ ୩୦ ପର୍ଯ୍ୟନ୍ତ ସଂଖ୍ୟା, ସପ୍ତାହର ସାତ ବାର, ୨ ଟି ଇଂରାଜୀ ନର୍ସରୀ ରାଇମ୍, ୭ ଟି ସାଧାରଣ ଜ୍ଞାନ ପ୍ରଶ୍ନର ଉତ୍ତର ଓ ସୂର୍ଯ୍ୟ ନମସ୍କାର ସହଜରେ କରି ପାରୁଛନ୍ତି ା ଏଭଳି ପ୍ରତିଭା ପାଇଁ ସେ ଏହି ରେକର୍ଡରେ ସ୍ଥାନ ପାଇଥିବା ଜଣାପଡ଼ିଛି l କୁନି ଝିଅର ଏହି ସଫଳତାରେ ଅଂଚଳର ଜଣାଶୁଣା ବୁଦ୍ଧିଜୀବୀ ତଥା ଝିଅର ଜେଜେ ବାପା ସୁରେଶ୍ୱର ମେହେର, ଜେଜେମାଆ ଲିପାଞ୍ଜଳି ମେହେରଙ୍କ ସହ ପରିବାର ବର୍ଗ ଖୁସି ବ୍ଯକ୍ତ କରିଥିବା ବେଳେ ଏନେଇ ବିଭିନ୍ନ ମହଳରୁ ଶୁଭେଚ୍ଛା ଆସି ବାରେ ଲାଗିଛି ା