19-Jul-2024

ଭବିଷ୍ୟତ ସମାଜ ପାଇଁ ଗଛ ଲଗାଇବାର ଅବ୍ୟାଶ୍ୟକତା ରହିଛି : ସୁରେଶ ପୂଜାରୀ 
ବୃକ୍ଷ ରୋପଣ ଅଭିଯାନ ହିଁ ପରିବେଶ ସନ୍ତୁଳନ ରକ୍ଷା ପାଇଁ ସହାୟକ ହେବ :ସୁରେଶ ପୂଜାରୀ 
ସକ୍ଷମ ର ବୃକ୍ଷ ରୋପଣ କାର୍ଯ୍ୟକ୍ରମ ରେ ସାମିଲ ହେଲେ ରାଜସ୍ବ ମନ୍ତ୍ରୀ ସୁରେଶ ପୂଜାରୀ l
ସମ୍ବଲପୁର:(ସଂଜୀବପାଣିଗ୍ରାହୀ) 
ସାରା ବିଶ୍ୱ ଦିନକୁ ଦିନ ପ୍ରଦୂଷିତ ହେବା ସହ ଉଷ୍ମତା ର ବଳୟ ଆଚ୍ଛାଦିତ ହେବାରେ ଲାଗିଥିବା ବେଳେ, ଏହାକୁ ରୋକିବାକୁ ଭାରତ ବର୍ଷ ରେ "ଗୋଟିଏ ଗଛ ମାଁ ପାଇଁ " କାର୍ଯ୍ୟକ୍ରମ ଜାରିରହିଛି l ସେହି କ୍ରମରେ ସାମାଜିକ ଅନୁଷ୍ଠାନ ସକ୍ଷମ ପକ୍ଷରୁ ଦୁର୍ଗାପାଲି ସ୍ଥିତ ଗୁଡ଼େଶ୍ୱର ବାବା ମନ୍ଦିର ମୁଖ୍ୟ ରାସ୍ତା କଡରେ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ସରୋଜ ସାହୁ ଙ୍କର ତତ୍ୱାବଧାନ ରେ ଆୟୋଜିତ  ଏହି ବୃକ୍ଷ ରୋପଣ କାର୍ଯ୍ୟକ୍ରମ ରେ ଓଡିଶା ସରକାର ଙ୍କର ରାଜସ୍ବ ଓ ବିପର୍ଯାୟ ପରିଚାଳନା ମନ୍ତ୍ରୀ  ସୁରେଶ ପୂଜାରୀ ମୁଖ୍ୟ ଅତିଥି ଭାବରେ ଯୋଗଦେଇ ଥିଲେ l ପ୍ରାରମ୍ଭ ରେ ପୂଜା ଅର୍ଚ୍ଚନା ପୂର୍ବକ ମନ୍ତ୍ରୀ ଶ୍ରୀ ପୂଜାରୀ ଙ୍କର ହସ୍ତରେ ବୃକ୍ଷ ରୋପଣ ଅଭିଯାନ ଆରମ୍ଭ କରାଯାଇଥିଲା l 
ଏହି ଅବସରରେ ଶ୍ରୀକାନ୍ତ ପାଣିଗ୍ରାହୀ ଙ୍କର ସଂଯୋଜନା ରେ ଆୟୋଜିତ ଏକ ପଥ ପ୍ରାନ୍ତ ସଭାରେ ମୁଖ୍ୟ ଅତିଥି ଶ୍ରୀ ପୂଜାରୀ ଦିନକୁ ଦିନ ସାରା ବିଶ୍ୱ ରେ ଯେଭଳି ଭାବରେ ଉଷ୍ମତା ବଢ଼ିବାରେ ଲାଗିଛି ଏବଂ ପରିବେଶ ପ୍ରଦୂଷିତ ହେବାରେ ଲାଗିଛି, ସେହି ଦୃଷ୍ଟିରୁ ବ୍ୟାପକ ମାତ୍ରାରେ ସମାଜ ର ପ୍ରତିଟି ବ୍ୟକ୍ତି ଗଛ ଲଗାଇବାକୁ ଆହ୍ୱାନ ଦେଇଥିଲେ l 
ଏହି ଅବସରରେ ଶତାଧିକ ପୁରୁଷ ଓ ମହିଳା ସାମିଲ ହୋଇ ରାସ୍ତା କଡରେ 106 ଟି ବିଭିନ୍ନ କିସମ ର ଚାରା ରୋପଣ କରିଥିଲେ ତଥା ମୁଖ୍ୟ ଅତିଥି ଶ୍ରୀ ପୂଜାରୀ ଙ୍କର ଦ୍ୱାରା ଶତାଧିକ ଚାରା ବଣ୍ଟନ କରାଯାଇଥିଲା l
ଏହି ବୃକ୍ଷ ରୋପଣ କାର୍ଯ୍ୟକ୍ରମ ରେ ସକ୍ଷମ ର ସଂଯୋଜକ ସୂର୍ଯ୍ୟ ପାଣିଗ୍ରାହୀ, ଦେଓକିରଣ ପଟ୍ଟନାୟକ, ଆରତୀ ଲତା ବରାଡ଼, ଲକ୍ଷ୍ମୀ ନାରାୟଣ ପଟେଲ, ଡାକ୍ତର ପ୍ରଭାସ ଦେବତା, ମନୋଜ ପଲସନିଆଁ, ରିକି ବେହେରା, ସାବିତା ନନ୍ଦ, ପର୍ଶୁରାମ ପଣ୍ଡା, ସତୀଶ ଦୋରା, ରିକନ ପଟ୍ଟନାୟକ, ବିକାଶ ଭୋଇ, ଶାଶ୍ୱତ ପାଢ଼ୀ, ଅନ୍ନପୂର୍ଣ୍ଣା ବାରିକ, ଶିତିକାନ୍ତି ମେସୁଆ, ସଞ୍ଜୟ ଷଡ଼ଙ୍ଗୀ, ପ୍ରବୀଣ ଦୀକ୍ଷିତ, ସଞ୍ଜୟ ପଣ୍ଡା ଙ୍କ ସହ ଟିମ ପ୍ଲାଣ୍ଟ ଆମ୍ବୁଲାନ୍ସ, ଉତ୍ସର୍ଗ, ଅନାମିକା କ୍ଲବ, ଗୁଡ଼େଶ୍ୱର ବାବା ମନ୍ଦିର କମିଟି ର ସଦସ୍ୟବୃନ୍ଦ ସାମିଲ ହୋଇଥିଲେ l