16-Jul-2024

ଲୋଇସିଂହା, (ବିନୋଦ ଦୀପ) ବଲାଙ୍ଗୀର ବନଖଣ୍ଡ ଅନ୍ତର୍ଗତ ଲୋଇସିଂହା ବନାଞ୍ଚଳ ତଥା ଲୋଇସିଂହା ବ୍ଲକ ର ହରେକୃଷ୍ଣ ମହତାବ ଉଚ୍ଚ ବିଦ୍ୟାଳୟ ଠାରେ ବନୋ ମହୋତ୍ସବ ସପ୍ତାହ ପାଳନ ହୋଇଯାଇଛି l ସ୍ୱାସ୍ଥ୍ୟମନ୍ତ୍ରୀ ଡ଼ ମୁକେଶ ମହାଲିଙ୍ଗ ଏହି ବନୋ ମହୋତ୍ସବ ରେ ଯୋଗଦେଇ ପରିବେଶ ର ବିକାଶ ଓ ନୂତନ ଜଙ୍ଗଲ ସୃଷ୍ଟି ଦିଗରେ କାର୍ଯ୍ୟ କରିବା ପାଇଁ ଆହ୍ୱାନ ଦେଇଥିଲେ l ବନଖଣ୍ଡ ଙ୍କ ତତ୍ୱାବଧାନ ରେ ହୋଇଥିବା ବନ ମାହୋତ୍ସବ ରେ ଲୋଇସିଂହା ବିଡ଼ିଓ ଅକ୍ଷୟପାଣି ଉଦ୍ଦୁ, ତହସିଲ୍ଦାର ସୁଶ୍ରୀ ସଂଘମିତ୍ରା କାଲୋ, ଆଇଆଇସି ଲୋଇସିଂହା ଯାଜ୍ଞସେନୀ ନାୟକ ଯୋଗ ଦେଇଥିଲେ l ଲୋଇସିଂହା ସରପଞ୍ଚ ନବକିଶୋର ନାଏକ, ବରିଷ୍ଠ ନାଗରିକ ସଂଘ, ମାନ୍ୟଗଣ୍ୟ ବ୍ୟକ୍ତି, ଏସଏଚଜି ମେମ୍ବର, ପ୍ରଧାନ ଶିକ୍ଷକ ଉଦ୍ଧବଚରଣ ପଟେଲ, ପ୍ରକୃତିବନ୍ଧୁ ଭକ୍ତଚରଣ ନାଏକ ଓ ସ୍କୁଲ ଛାତ୍ରଛାତ୍ରୀ ଚାରାରୋପଣ କରିଥିଲେ l

ଏହାପରେ ଉଚ୍ଚ ବିଦ୍ୟାଳୟ ର ଷ୍ଟାଫ ବ୍ୟତୀତ ସମସ୍ତେ ବୁଢ଼ୀପଦର ସ୍ଥିତ ଖେଳ ପଡିଆ ର ବନ ମହୋତ୍ସବ ସପ୍ତାହ ପାଳନ ରେ ସାମିଲ ହେଲେ l ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ ଉକ୍ତ ମହୋତ୍ସବ ରେ ଯୋଗ ଦେଇଥିଲେ l ବନଖଣ୍ଡ ଅଧିକାରୀ ବଲାଙ୍ଗୀର ଉକ୍ତ ଉତ୍ସବ ରେ ବଲାଙ୍ଗୀର ବନଖଣ୍ଡ ଅଧୀନରେ ଥିବା ସମସ୍ତ ଇକୋ ଟୁରିଜିମ ସାଇଟ ର ଏକ ମୋମେଣ୍ଟ ପ୍ରଦାନ କରିଥିଲେ l ବୁଢ଼ୀପଦର ସରପଞ୍ଚ ଶ୍ରୀମତୀ ଲକ୍ଷ୍ମୀ ପଧାନ ଙ୍କ ତତ୍ୱାବଧାନ ରେ ହୋଇଥିବା ଏହି ବନ ମହୋତ୍ସବ ରେ ପଂଚାୟତ ର ବିଭିନ୍ନ ଗ୍ରାମ ର ଜନସାଧାରଣ, ଏସ. ଏଚ. ଜି ମେମ୍ବର ଯୋଗଦେଇ ଦେଇଥିଲେ l ଏଚ. କେ ମହତାବ ଉଚ୍ଚ ବିଦ୍ୟାଳୟ ଓ ବୁଢ଼ୀପଦର ରେ ବନବିଭାଗ ତରଫରୁ ଡ଼ିଏଫଓ ସୁଦର୍ଶନ ବେହେରା, ଏଏଫଓ ଜିତେନ୍ଦ୍ର ସାହୁ, ରେଞ୍ଜର ପାଉଲ ହରପାଲ, ଫରେଷ୍ଟର ବାବୁଲା ଦାସ, ସମୀର ମହାପାତ୍ର ଓ ଇନ୍ଦ୍ର ବେହେରା ପ୍ରମୁଖ ଏହି ବୃକ୍ଷରୋପଣ ବେଳେ ଉପସ୍ଥିତ ଥିଲେ l