14-Jul-2024

ବଲାଙ୍ଗିର(ପ୍ରେରଣା ଖବର): ଆଜି ସ୍ଥାନୀୟ ଯୁଧିଷ୍ଠିର ମିଶ୍ର ଆଇନ ମହାବିଦ୍ୟାଳୟ ଠାରେ  କଲେଜର ପୂରାତନ ଛାତ୍ରଛାତ୍ରୀ ମାନଙ୍କର ପ୍ରଥମ ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଯାଇଛି । ଏଥିରେ କଲେଜର ବହୁ ପୂରାତନ ଛାତ୍ରଛାତ୍ରୀ ଯୋଗ ଦେଇ ନିଜସ୍ୱ ଅନୁଭୂତି ପରିପ୍ରକାଶ କରି ଥିଲେ ।ଏହିକ୍ରମରେ ଆଇନ ମହାବିଦ୍ୟାଳୟର ଉନ୍ନତି ପାଇଁ ବିଭିନ୍ନ ପ୍ରସ୍ତାବ ଗୁଡିକ ଗ୍ରହଣ କରାଯାଇଥିଲା । ପ୍ରଥମରେ 

କଲେଜ ର ପ୍ରଧ୍ୟାପକ ସଂଜୀବ କୁମାର ପ୍ରଧାନ ସଭାର ଉଦ୍ଦେଶ୍ଯ ଜ୍ଞାପନ କରିଥିଲେ  । ଏଥିରେ  ମୁଖ୍ୟ ଅତିଥି ଭାବରେ ରାଜ୍ୟସଭା ସାଂସଦ ନିରଞ୍ଜନ ବିଶି ଯୋଗ ଦେଇ ସମାଜରେ ଆଇନ ସେବାର ଆବଶ୍ୟକତା ଉପରେ ଆଲୋଚନା କରି ମହାବିଦ୍ୟାଳୟର ଉନ୍ନତି ପାଇଁ ସମସ୍ତ ପ୍ରକାର ସାହାଯ୍ୟ କରିବାର ପ୍ରତିଶୃତି ଦେଇ ଥିଲେ । ଅନ୍ୟତମ ଅତିଥି ରୂପେ ପରିଚାଳନା କମିଟି ର ସଭାପତି ଅମରେନ୍ଦ୍ର ମିଶ୍ର ଗୁଣାତ୍ମକ ଶିକ୍ଷା ସଂପର୍କରେ ଗୁରୁତ୍ତ୍ୱlରୋପ କରିଥିଲେ । ପୂରାତନ ଛାତ୍ର ସଂଘର ସଭାପତି ବ୍ୟାସଦେବ ନନ୍ଦଙ୍କ ସଭାପତିତ୍ୱରେ  ଅନୁଷ୍ଠିତ ଏହି ବୈଠକରେ ଶିକ୍ଷାବିତ ତଥା ପୂରାତନ ଛାତ୍ର ମନୋରଞ୍ଜନ ସାହୁ, ଆଇନଜୀବୀ ଶିରୀଶ ଚନ୍ଦ୍ର ହୋତା, ସାଶ୍ୱତ ହୋତା ଆଲୋଚନାରେ ଅଂଶଗ୍ରହଣ କରିଥିଲେ । ସେହିପରି ପ୍ରଫେସର ଚଣ୍ଡୀପ୍ରସାଦ ଖମାରୀ, ପ୍ରଫେସର ସୁଶୀଲ କୁମାର ଦୀପ, କଲେଜର ଶିକ୍ଷାଦାନ ଉପେର ବକ୍ତବ୍ୟ ରଖିଥିବା ବେଳେ ପ୍ରଫେସର ମନୀନ୍ଦ୍ର ସିଂ ହଂସପାଲ ଧନ୍ୟବାଦ ଅର୍ପଣ କରିଥିଲେ । ଆଇନଜୀବୀ ଅଶିତ ଷଡଙ୍ଗୀ, ଚିତ୍ତରଂଜନ ଦାଶ, ଧର୍ମେନ୍ଦ୍ର ପ୍ରସାଦ ନନ୍ଦ, ସିଏ ଶ୍ରୀକାନ୍ତ ଶର୍ମl, ଅନୀଲ ମୋଦୀ, ଓମ୍ ପ୍ରକାଶ ସାହୁ, ବୀରେନ୍ଦ୍ର ବାଗ, ଆଶିଷ ରଥ, ଗୋବିନ୍ଦ ମହାନ୍ତି ପ୍ରମୁଖ ଉପସ୍ଥିତ ଥିଲେ । ଅନ୍ୟାନ୍ୟ ମାନଙ୍କ ମଧ୍ୟରେ ସଭା ପରିଚାଳନାରେ କୃଷ୍ଣ ଚନ୍ଦ୍ର ପଟେଲ, କୁଶଲ କୁମାର ପଟେଲ , ସୁବ୍ରତ ପଟ୍ଟନାୟକ ଓ ଜ୍ୟୋତିର୍ମୟୀ ପାଣିଗ୍ରାହୀ ପ୍ରମୁଖ ସହଯୋଗ କରିଥିଲେ l  ଆଗାମୀ ଦିନ ମାନଙ୍କରେ ଆଲୁମୁନି ସଂଘର ସଭ୍ୟ ସଂଖ୍ୟା ବୃଦ୍ଧି କରି କଲେଜର ଉନ୍ନତି ପାଇଁ ସମ୍ମିଳିତ ଉଦ୍ୟମର ଆବଶ୍ୟକତା ଉପରେ ମତପ୍ରକାଶ ପାଇଥିଲା ।